تدريب البادجي

[دكر البينو]

السلام عليكم يا اخواني الكرام:
انا من محبي البادجي جدا بس لأن الإمكانات الماديه مش ولا بد معايا ولان خبراتي فيه محدوده متلاقيش عندي غير جوزين اتنين بس . لكن الحمد لله و اوجه كل الشكر للأستاذ احمد حلمي على الموقع المفيد جدا اللي اول لما شفتوا مصدقتش نفسي ان في حد مهتم و بفضل الله سبحانه و تعالي ثم الموقع للممتاز للأستاذ احمد بقى الموضوع مش مجرد عصفورين في البلكون بقت هوايه و الحمد لله . و اتمنى في يوم من الأيام ان شاء الله اقابلك يا استاذ احمد .
كان عندي عصفورين دكر و انثى لكن للأسف محصلش تزاوج فرحت فاصلهم فترة اربع خمس ايام و اشتريت اتنين تانيين و رحت حاطت مع كل واحد منهم اللي يناسبوا و هكذا و لاحظت ان الدكر بتاعي اشتغل مع الأنثى الجديده بس لسه برضو بتخاف مني جدا و هي على فكره انثى البينو
اما الأنثى الأصليه فكانت برضو رخمه و معملتش حاجه مع الدكر الجديد و بعد فترة حوالي اسبوع جيت ابص على القفص الصبح زي كل يوم ملقيتهاش و لقيت الدكر رغم اني قافل كل الأبواب بسلك نحاس متغطي(طبعا عشان التسمم) و كان الأنثى فص ملح و داب .
و صعب عليا الدكر خصوصا ان شكلوا طيب و ابن حلال و ابتديت احاول ادربه و ماستعنت بموقع الأستاذ احمد بس مكنش الموضوع ممكن لأن الموقع بادي من اول لما يكون عند العصفور حوالي تلت اسابيع و اضطريت استعين بالجهات الأجنبيه و فتحت مواقع كتيير جدا عن البادجي بالإنجليزي و الحمد لله مكنش صعب الموضوع لكن برضو معرفتش اتصرف بسبب قلت الخبره
اصلا انا كنت بمسك العصافير بجوانتي لني بقشعر من الريش لحد ما الحمد لله اتعودت و هكذا ... بدأت التدريب و محتاج فيه شويه مساعده
انا باخد العصفور ده كل يومين تقريبا في قفص صغير و اقعده جنب الكمبيوتر معايا (عندو تقريبا خمس او ست شهور) و بدخل ايدي في القفص و ابتدا يتعود يطلع على صباعي بالأمر يعني اطلع يطلع انزل ينزل و لما اندهلوا بأسمه يبص عليا (اسمه روي) بس المشكله انو مبيطلعش اي صوت خالص حتى لما يكون في البلكونه برضو .
و فكرت اني اجيبله انثى صغيره عشان تسليه بس مش عارف ده هيأثر على عمليه التدريب ولا لأ ... و على فكره هو بقالو حوال اسبوع في القفص لوحدو ..
ارجو الإفاده رغم الإطاله
و السلام عليكم و رحمة الله و بركاته

[amrmaged82]

اهلا اخى احمد
اسمحلى انى ارد على اسئلتك اكيد طبعا انا مش حرد زى الاساتذه الكبار هنا وبس احاول اساعدك على قد ما ربنا يقدرنى للانى بربى البادجى من حوالى 10 سنين
انا عمرو من مصر من اسكندريه وعندنا سوق لطيور مشهور اوى فى اسكندريه بيتباع فيه جميع انواع الطيور - مش الطيور بس وكل انواع الحيوانات الصغيره- انابرضه احب احتفط باعداد صغيره من الاسترالى لان كترهم بيبقى مزعج جدا- على العموم انا كان ليا تجربه فى موضوه تدريب الاسترالى وكنت دايما الاحظ ان الذكور اسرع استجابه للتعلم وصدوقه عن الاناث خصوصا ان الاناث بتبقى عدائيه بنسبه كبيره - واحسن سن لبدىء تدريب الاسترالى هو عمر شهر او 5 اسابيع او ست اسابيع وده على حسب كل طائر يعنى مش شرط - المهم كنت احاول اجوع الطائر وادخل ايدى جوه القفص وانا ماسك له قطع فاكه او خضار من اللى هو يفضلها وكان الاول بيبقى خايف شويه بس الجوع كافر زى ما بيقولوا وكان يحاول يقرب بس بحذر بعد كده اطمن وبقى ينزل ياخده عادى من ايدى - بلتدريج حاول تطلعه بره القفص فى غرفه تكون مغلقه النوافذ ومفيهاش قطط ولا كلب ولا مروحه ولا اى حاجه تاذيه وبعدين حاول متمسكوش بقبضه ايدك حاول عادتك انك تخليه يقف على اصبعك لان المسكه بقبضه اليد بتخليه يفقد الثقه فيك- على العموم اول مرح يطله بره القفص حتلاقيه مرتبك جدا وخايف وبيطير بطريقه عشوائيه ومزعجه حاول تصفره وتقريب منك بطريقه هاديه جدا بدون ازعاج ونصيحتى ليك سيبه اول ما يطير يقف على اى حته عاليه لمده دقائق قليله علشان يحس بلامان وبعد كده قرب منه بلطف وحاول تصفره صفاره معينه الموضوع عاوز صبر كتير وعلى العموم ممكن انت تعمل اللى عليك وتفشل فى تدريبه لان ده برضه متوقف على استعداد الطائر - كنت عاوز اضيف حاجه ان انت لو سيبته لوحده فى القفص لمده طويله ده ممكن يضيع كل المجهود اللى انت بذلته وكمان لو جبتله وليفه ليه برضه حينسى كل اللى انت علمتهوله .. اسف طولت عليك لكن كنت احب اقولك خبرتى فى الموضوع ده .. وياريت اى حد عنده ملحوظه على كلامى يضيفها او يصلحلى حاجه .. وشكرا

[أحمد حلمى الشناوى]

قبل الرد على السؤال أحب التنبية على الأعضاء بالتحدث باللغة العربية الفصحى قدر الإمكان ، و أقصد بالفصحى لغة الجرائد و المجلات ، و عدم إستعمال اللغة العامية و اللهجات المحلية إلا فى أضيق الحدود عندما لا تستطيع توضيح لفظ معين إلا بهذة الطريقة ، و ذلك لأن هذا المنتدى عربى و ليس خاص بدولة عربية محددة و لكى تعم الفائدة على الجميع ، حين يستطيع جميع الأعضاء فهم الأسئلة و الإجابات و شكراً
مرحباً بالأخ ذكر الألبينو و مرحبا بالأخ عمرو .

[amrmaged82]

شكرا يا استاذ احمد
طبعا سيادتك اكثر منا خبره ودرايه بامور الاسترالى - بس اتمنى ان موضوع اللغه العاميه ميكونش موجه ليا
واعذرنى انا لسه مبتدىء فى تربيه البادجى وخبرتى يادوب 10 سنين بس .
على العموم يا استاذ احمد انا حبيت اشكرك على المعلومات المفيده اللى بتعلمهلنا يوم بعد يوم
الفت نظر سيادتك انى مش بجوع الطائر للدرجه الشنيعه اللى حضرتك ظنتها انا كل الموضوع انى بشيل الاكل من اما الطائر لمده ساعه او ساعتين علشان نما يشوف قطعه الفاكهه فى ايدى تلفت نظره بس.
اكرر شكرى لحضرتك ويارب نستفيد من خبراتك اكتر واكتر
عمرو - مصر
تحياتى

[أحمد حلمى الشناوى]

أخى عمرو بالنسبة لموضوع اللهجات العامية فهو للجميع حتى لى أنا شخصياً ، و هذا متفق علية مع الأخ عبدة من قبل حتى رفع المنتدى على الشبكة
و بالنسبة لموضوع التدريب أحب أن أوضح أننى نجحت فى تدريب أكثر من 12 طائر بادجى على مدار 15 سنة من التربية ، و معى الأن 4منهم هم الباقون معى الأن ، و هذة الطريقة ناجحة بدون تجويع و هذة الطريقة مبنية على الثقة المتبادلة بينك و بين الطائر

[Pidgey lover]

السلام عليكم

اولا انا اهنئ و اشكر جميع الاخوة و الاخصائييين اللذين فكروا في اقامة مثل هذا الموقع احييهم بحرارة و لاني وجدت مشكلة في الاشتراك في البداية حيث لم تاتني رسالة التفعيل فانا لدي في جعبتي الكثير من الاستفسارات .

ثانيا انا اشكر الاستاذ الشناوي علي النصائح القيمة و في الحقيقة انا استفدت بها جدا و قد نجحت بشكل كبير في التاثير علي عصفوري البدجي و لكن قابلتني بعض المشاكل ارجو ان تجيبني عليها

و بعد........في الحقيقة لم تاتي في ذهني تربية البدجي كثيرا الا عندما عثرت علي واحد و استطعت الامساك به عندي و هذا العصفور كنت دائم اثارته بشكل كبير و كان يخاف مني جدا و قد كان له وليف او انيس من عصافير الكوكتيل و الاثنان كانا ذكور و كانا علي وفاق و لكن حدث ان مات هذا الكوكتيل و بقي البدجي فحزنت عليه كثيرا و قررت ان اهتم بالبدجي و ادربه جيدا فعثرت علي هذا الموقع الرائع و اشكر الاستاذ الشناوي ثانيا لان تلك النصائح افادتني كثيرا و اصبح معتادا علي , فوضعته في غرفتي وحيدا بلا ونيس او انثي و اصبح يراني ليلا و نهارا و بدات اتقرب منه بما ارشدتني اليه و لكن لم استطع كل يوم فكان يوم و يوم حوالي ساعتين لتدريبه و اصبحت اقترب منه بلا خوف و لكن المشكلة تكمن في لمسه فانا استطيع ان اقرب اصبعي منه قريبا جدا و لكن اذا شعر بلمسه يبتعد علي الفور و اكتشفت انه يحب الخس جدا او الخيار و يقترب سريعا عند رؤيته حتي اني استطعت لمسه هذه المرة و لكني فشلت في ان اجعله يقف علي اصبعي فكنت اضع الخيار في يدي علي شكل فرع ليقترب بلا فائدة

السؤال هو ما سبب سلوكه ؟ و هل سبب سلوكه انني لا ادربه كل يوم؟؟ لا ادري ماذا افعل اذ انني قد مر علي اكثر من شهر علي هذا مع العلم انني انا من يطعمه و اهتم بالا اصدر اصوات مزعجه في وجوده و شكرا

اعتذر عن الاطالة و لكني احببت ان ارسم لك الصورة كاملة

[أحمد حلمى الشناوى]

[Pidgey lover]

السلام عليكم

جزاك الله خيرا علي تلك النصائح و اشكرك لاهتمامك بالرد سريعا

و قد كان لي استفسارا اخر هل اقص جناحيه الان ؟؟ مع العلم انني قصصتهم قبل البدء بالتدريب و قد عادت للنمو فهل اقصهم ثانيا و اتبع الطريقة الثالثة؟؟
الن يجعله ذلك خائفا مني بعد ما اكتسب ثقتي؟؟

و بعد ان تنجح تلك الطرق و استطيع اخراجه فاين اضعه ثانية فمازال عندي الصندوق الخشبي المستخدم لوضع البيض؟؟هل يصلح؟؟

و اذا فكرت ان ازوجه فمتي يتاتي ذلك و هل استطيع مستقبليا ان اضع معه طيورا اخري مثل الكوكتيل او الزيبرا اوlove bird??

و لك جزيل الشكر.....

[أحمد حلمى الشناوى]

نعم قص جناحية مرة ثانية ، و طبعاً سيخاف منك بعدها و لكن أعمل على إستعادة ثقتة مرة ثانية و يمكنك المزج بين جميع طرق التدريب
و يجب أن تضعة فى قفص كبير نسبياً
و بالنسبة للتزاوج ، إذا زوجتة فستفقد الطائر المدرب و يصبح مجرد طائر عادى للأسف

[Pidgey lover]

السلام عليكم

جزاك الله خيرا للمرة الثانية لقد استطعت ان اكتسب ثقة الطائر ثانية حيث قضيت ال72 ساعه الماضية في تدريب البدجي و قد اعتمدت علي انه قد اعتاد علي وجود يدي داخل القفص حتي امسكته و قصصت ريشه ثانيا و قضيت يومين متتاليين في محاولة جعله يثق بي و في يدي فاستطعت الجمع بين الثلاث طرق حيث انني قد جعلته يقضي الليل بلا طعام حتي العاشرة صباحا ففوجئت بردة فعله السريعه انه اقبل بلا خوف علي الطعام ثم قمت بعدها بقص ريشه و جعلتني انفذ الطريقة الثانية و هي تركه ثم الامساك به حتي اعتاد علي يدي ,و جعله هذا لا يستطيع الاكل الا من يدي يوميا و قد واظبت علي هذا و علمته القفز من اصبع الي اخر و اعتاد الوقوف علي كتفي مثل ما هو يقف الان و ان شاء الله ان شاء الخالق سابعث بعدة صور تمثل نتيجة تدريبه تحت توجيهاتك عن قريب ان شاء الله

و لكن ما يحيرني الان فقط مشكلة واحدة هي انني اعتدت عندما اشغل اي نغمة او موسيقي ان يطرب و يغرد معها , اما الان اصبحت اسمع صوته قليلا ارجو الا يكون هذا مثل الصدمة له, فما سببه؟؟

و شكرا جزيلا