يتم شراء الطيور ذات الريش المتناسق و الكامل و التي يلاحظ عليها الحركة الدائمة و القوة و عدم الحك و النظافة ولا ينصح بشراء الفراخ (اقل من شهرين بسبب ضعف مقاومتها) ولا الطيور البالغه (اكبر من اربع اشهر لأنه قد يظهر للبائع عيب فيها من التجريب غير مرئي للشاري)
القواعد في شراء طير البادجي :
يكون لون الكير الخاص بالذكر زهر شاحب كتيم اما عند الانثى ابيض او زهر شاحب مع فراغ ابيض حول فتحة الانف .
المعيار الثاني الهام هو وجود حدقة بالعين رمادية باهتة و هذا يدل ان الطير ليس فرخ و ليس بالغ باستثناء بعض الانواع التي ليس لها حدقة و لا يتغير لون الكير مع تقدم العمر فتعتمد على بياض لون الرأس بعد القلش الذي يتم بعمر 3 اشهر و يستمر لأربع اشهر .
1- لا تشتري طيور منتوفة او ناقص فيها ريش و تصدق انو حيطلع الريش .
2- لا تشتري كل طيورك من نفس المصدر و تشتكي من موت الفراخ ضمن البيض او الامراض او الاعاقات .
3- لا تشتري طيور مزبلها متسخ و تصدق انه اسهال بسيط و يتعافى .
4- لا تشتري طيور مشحمه مليسه و تصدق انه حتتعافى عندك .
5- لا تشتري طير كاشش او نافش ريشه و تفكر انك تعالجه لأنو لونه جميل و صعب تلاقي منه .
6- لا تشتري طير بطنه منفوخ و تصدق انو راح يتعالج .
7- لا تشتري طير حجمه صغير و تصدق انو لما يكبر حيتحسن حجمه .
/b] لا تشتري طير موجود مع طير آخر مريض بنفس المكان (لما تشوف طير هارر ريشه روح على غير مكان فوراً) .9- لا تشتري طير عم يعطس او عيونه مدمعه .
10- لا تشتري طير اجناحاتو سليمه لكن لا يستطيع الطيران ولا تصدق انو بس يكبر راح يطير .
11- لا تشتري طير بيضل يلهث او بحرك ثمه كثير .
12- لا تشتري طير بيضل واقف على الارضيه بدل المجثم .
13- لا تشتري طير على منقاره او قدميه قشور او قشب .
14- لا تشتري طير لسا ريشو عم يطلع .
15- لا تشتري طير عم يحك جسمه ابداً .
16- لا تشتري طير متشعلق بسقف القفص برجليه او بمنقاره .
17- لا تشتري طير لما تمسكه وزنه خفيف .
18- لا تشتري طير منقاره زايد عن حده او مبوز او قصير .
19- لا تثق بأحد سوى بخبرتك و انا اذا بدي ابيعك راح اغشك .
و طبعاً كل المشاكل السابقه لها علاج و لكن درهم وقايه خير من قنطار علاج و قد يكون صاحبها حاول علاجها بمعظم الادوية و لم ينجح فقرر بيعها و بشكل عام اول ما يفكر المربي بيعه هو الطيور التي فيها مشكله لتخلص منها .... الموضوع مبالغ فيه لكن هذه قناعتي بالموضوع والله ولي التوفيق .
