فراخ حمام جديده

[روايات]

السلام عليكم ورحمه الله
اليوم انضم الي الاسره فراخ حمام جديده
عند عوده زوجي من صلاه الجمعه وجد صندوق به 3 زغاليل حمام وطبعا مقدرش يتركهم في الشارع والجو شديد الحراره والرطوبه فأحضرهم للبيت ...وكالعاده انا شفتهم وتعلقت بيهم بعدين تذكرت انها مسؤليه كبيره عليا
وخصوصا ان البيت تقريبا مدمر من الارنب والحمامه بس قلنا اكيد ده رزق من ربنا وان شاء الله نتولي رعايتهم




الصور دي بعد ما اكلتهم وغسلتهم وحطيتهم في صندوق نظيف عشان كانو في صندوق صغير وللاسف كان قذر جدا ..ومن شكلهم انهم مش من نفس الام عشان احجامهم مختلفه ..وكان في اكل في الحوصله واضح ان اللي تخلص منهم اكلهم الاول كتر خيره ...
المهم انا عايزه اعرف نوعهم ايه و العمر لو امكن ...
2 - انا غسلتهم بميه فيها خل تفاح بس انا خايفه يكون فيهم حشرات عشان كانو في الشارع ومعرفش من امتي ...ممكن اغسلهم بأيه تاني للاحتياط والنظافه عشان خايفه علي الحمامه اللي عندي
3 - اذا ممكن اي نصائح اخري اتبعها معاهم
ربنا يقدرنا عليهم
شكرا لكم مقدما

[أبو محمد العازمي]

ماشاء الله فراخ جميله ويبدو انها من النوع البلدي
من الممكن انهم يكونوا 2 اخوات والثالث لا
نظرا لتقارب الحجم بين اثنين
وجزاكم الله خير على الاعتناء بهم والله يجعلها في
ميزان اعمالكم
بالنسبة للتغذية ممكن نجيب رز مطبوخ ونهرسه ونضيف
له شوية مية دافيه ونحطه بسرنجه ونقوم بتاكيلهم على دفعات
متقطعه حتى الشبع وبعدها بنفس السرنجه نسحب شوية ميه
صافيه وبنشربهم على دفعات
وان شاء الله تفرحون بيهم ويكبرو
ونشوف زغاليلهم

[ مرسل من iPhone ]

[روايات]

اهلا وسهلا يا اخ ابو محمد
اشكرك علي الرد والنصيحه ..
للاسف الفرخ الصغير مات امبارح ومش عارفه ايه السبب احتمال كان مريض عشان لاحظت ان الجناح الايمن غير مظبوط كان متجه للخارج قليلا حاولت اعدله بس خفت يتكسر..كمان بعد ما اكل رجع قليلا من الاكل قلت الاحظه لليوم التالي وبعدين اعمل له استماره طبيه بس مفيش نصيب ومات
عندي كم سؤال بخصوص الفراخ المتبقيه
1 - لاحظت ان رائحتهم ورائحه الفضلات مقرفه اوي ...مش عارفه هل دي رائحه الحمام عادي ولا ده من طبيعه الاكل ولا ايه ...
2 - امبارح حاولت اطعامهم بس رفضو الاكل يادوب اكلو شئ بسيط ..خليتهم من غير اكل لمنتصف الليل وحاولت مره تانيه برضه لم ياكلو كثير ...جربت اليوم صباحا ونفس الموضوع اكلو شئ بسيط ...هل مستغربين الاكل ولا الرائحه حاليا باطعمهم خبز مبلول في ميه مع ملعقه دقيق ذره وقليل من حبوب البادجي
3 - بعد ما مات الفرخ الصغير حسيت بقلق فظيع ان يكون فيهم مرض ولا حاجه ويكون ده سبب التخلص منهم
انا شفت جسمهم لقيت مفيش حاجه ولما وضعتهم علي الارض شفتهم بيتحركو عادي ..بفكر احط لهم نقط ليمون في الميه للوقايه ولا ده خطأ؟؟
بعتذر علي الاطاله بس حبيت اشرح بالتفصيل عشان تكون الصورة واضحه

[أبو محمد العازمي]

بالنسبة للفرح اللي مات هذا قضاء الله وقدره واحتمالية الاسباب
وارده اما انه تعرض للبرد او الجوع والعطش فتره طويله
ودايما نحذر ان الطائر العطشان لا يقدم له الماء مباشرة
لان تقديم الماء مباشرة للطائر العطشان يقتله ولتلافي ذلك
نقوم بوضع قظرات في فمه ونتركه ثم نعاود الكره وهكذا
الى ان نتيقن ان العطش ذهب عنه فنقدم له الماء الفاتر

بالنسبة للاكل
في مثل هذا العمر لايستطيع الفرخ الاعتماد على نفسه
فنقوم بمساعدته لاطعامه عن طريق الابره السرنجه
نقوم بملىء السرنجه بمزيج من الرز المطبوخ بعد هرسه جيدا
او الاكل الخاص بالصيصان القابل للذوبان مع الماء

توضع الفراخ في مكان دافيء

بالنسبة لخروج الفراخ هي بالفعل ذات رائحه كريهه اذا كان المكان مغلق

[ مرسل من iPhone ]

[زكريا العمري]

اختي روايات اولا شكرا على الاهتمام بهذه الزغاليل انت و زوجك
كل ما عليك هو اتباع ارشادات الاستاذ ابو محمد
كما أن هذه ليست اول مرة تعانين بفراخ فسيكون الأمر أسهل هذه المرة
بالتوفيق

[ مرسل من Android ]

[شاهين صقر]

اختي حياك الله وهذا من نبل اخلاقك وطبعك المعطاء ستجازين كل الخير على هذا العمل وانقاذك لهذه الفراخ سواء مات من مات ونجى من نجى ما عليك سوى المحاوله والمثابره وانا اقف وارفع لك ولزوجك الكريم القبعه على حسن المعامله والاستضافه وانا احسد جيرانكم عليكم فاكيد ينطبق عليكم نعم الجار

اختي ستجدين صعوبه بتعويد الفرخين على الاطعام اليدوي لكن مع المحاولات ستتعود عليك انما ما عليك سوى تعبئة السرنج ومسكهم واطعامهم من ثلاث لاربع وجبات ملئ الحويصله مع الاهتمام بنظافتهم الشخصيه ومكان جلوسهم

وانصحك بالتالي احضري رمل بحري نظيف تجديه عند باعة الطيور وضعي تحت الفراخ على ورقه بيضاء فكلما اتسخت تزيليها فهي تريح الفراخ وتمنع الرائحه والحشرات وتسهل عليك التنظيف وتمنع التصاق البراز بالفراخ

احضري علف الصيصان الناعم لاطعامهم

ضعيهم في مكان فيه تهويه دون تعريضهم للهواء مباشره

وراقبي نموهم ولا تخشي المرض لان الفرخ الذي مات احتمال كبير انه مات من قلة التغذيه

وعليك بمساهدة هذا الموضوع عن اطعام زغاليل الحمام

https://www.canaryfans.com/forum/viewtop ... 6&t=140987

وممكن عندما يكبر احد الفراخ ويكون ذكر ان تزاوجيه للحمامه التي تربيها عندك فيكتمل الشمل


وللعلم هذا النوع اسمه الصخري او الحرمي والمكي ذو الخطين ومنه دون خطوط وهو اصل سلالة الحمام وهو قوي وذو مناعه قويه ونشاط زائد وهو يجد صعوبه بتعويده على الانسان او مساكن الحمام العاديه فهو يحب المساكن المرتفعه البعيده عن الانسان مثل ماذن الجوامع والابراج واسقف العمارات المرتفعه والابنيه المهجوره وهو مشهور جدا بسعيه للبحث عن رزقه دون معونة البشر

برضى الله

[روايات]

مرحبا يا اخ ابو محمد وشكرا علي المتابعه
كلامك صح بالنسبه لرائحه الفراخ والفضلات ..اليوم بعد ما حاولت اطعامهم تاني غسلتهم و وضعتهم في مكان بجانب الشباك في شمس وهواء و علي طول بنظف مكانهم وجدت ان الرائحه اختفت الحمد لله وريحه جسمهم اصبحت نظيفه ...الله اعلم كانو في الصندوق الاول كام يوم عشان كده ريحتهم كانت بشعه لما وجدناهم

[روايات]

اهلا وسهلا يا اخ زكريا واسعدني المرور
فعلا دي مش اول مره اعتني بفرخ حمام ...بس الموضوع المره دي صعب شويه لانهم 2 واطعامهم والتعامل معاهم مش سهل زي اول حمامه ...احتمال لانهم اكبر في العمر شويه
ان شاء الله تكون تجربه جديده ومفيده وخصوصا بوجود مساعده منكم والنصائح

[روايات]

حياك الله يا اخ شاهين واشكرك علي الكلام الجميل في حقي انا وزوجي ..اكيد الجميع هنا سيفعل ما فعلناه و اكثر لو تعرض لمثل هذا الموقف ...الرحمه موجوده عند الكل الحمد لله
فعلا انا مشكلتي مع الفراخ موضوع الاطعام وخصوصا مع الفرخ الاكبر جسمه قوي وبيتحرك في ايدي كتير ...لحد اليوم كميه الاكل بسيطه وبستعمل معاهم طريقه الاطعام عن طريق الزجاجه لانها مريحه ودي نفعت مع اول حمامه
اعتقد الاطعام عن طريق السرنجه حيبقي صعب وخصوصا انهم بيحركو راسهم كتير وبسرعه وصعب اني اسيطر عليهم ...بس بحاول معاهم ان يبقي في اكل في معدتهم ولو بسيط
الجميل انهم بيشربو الميه لوحدهم ...حطيت ميه في فنجان صغير وقربته من المنقار لقيتهم بيشربو من نفسهم ..الحمد لله ارتحت من موضوع شرب الميه
انا وضعتهم في صندوق مفروش بلاستيك وفوقه ورق ابيض مقطع عملته زي القش عشان اسهل عمليه التنظيف ...وبعد عمليه الاكل الفاشله بمسحهم بميه واغسل الوجه والارجل كويس وبعدين احطهم بقرب الشباك عشان الهواء و الدفئ
موضوع اني ازوج الحمامه اللي عندي بواحد منهم لو كان ذكر اعتقد حيكون تنفيذه مستبعد عشان مفيش مكان اساسا اني اربي حمام جديد في البيت ومش متخيله يبقي في سرب حمام عايش معانا

[احمد القصري]

ماشاء الله طيور روعة

ان شاء الله يكبروا في عزك

[ مرسل من Android ]