اخواني انا اشتريت قبل اسبوعين طائرين كوكاتيل وحده ايزابيلا انثى والثاني لوتينو ذكر وطبعا على معرفتي بالفرق بين الانثى والذكر من مواضيعكم الرائعه بالمنتدى انا اعتمدت على هالوصف ..
للاسف ماحصلت فرخ فاضطريت اشتري كبار بالسن او بالاحرى بالغين
اتفقت انا واخوي نحاول ندربهم هو الانثى وانا الذكر ونعطيهم فرصة لي نهاية شهر سبتمبر اذا ماتحسنوا راح نزاوجهم ..
الانثى قدر اخوي يدربها شوي ماصارت تعض وصارت تاكل من ايده وتصعد عليها وتصعد على كتفه
لكن الذكر شرس وعضاته قوويه ويصيح مجرد ما اقرب ايدي منه ولما اطلعه من القفص وابي ارجعه له مجرد ما اضع القفص بجواره هو يعرفه ويروح لوحده يدخل شكله متعود للقفص ..
والحين محتارة شسوي ما اقدر ازوجه الانثى لانها في طور التدريب .. وماني عارفه شلون ادربه .. ويا ترى هل اقدر اشتري انثى ثانيه واخليهم يفرخون علما باني قاصه اجنحته
ياريت تفيدوني













