Yaseen_abushehab كتب:اخي الكريم, بالنسبة لعمر طيرك فهو مناسب للتدريب و انا دربت كاسكو عمره اكثر من سنتين .
و بالنسبة لموضوع تدريب الكاسكو هذه تعتبر عملية طويلة الامد و بحاجة للصبر اللي يفتقده معظم المربين للاسف. يعني لازم مع الوقت تفهم سلوك طيرك و تعرف وضعه النفسي من كل حلكة يعملها و على سبيل المثال لما تقرب على الطير و ينفش ريشه لازم تعرف انه في وضع الدفاع عن النفس و في هاذي الحالة انصحك ما تزعج الطير ابدا لان الطير رح يعتبر انك بتهاجمه و رح يدافع عن نفسه و اذا كنت قطعت شوط في بناء ثقة مع طيرك رح ينهدم و ترجع من الصفر و كمان لما الطير يحاول يعضك ما تحاول تسحب ايدك بشكل سريع لانه هالحركة تعتبر هجوم بالنسبه للطير و بدك تتحمل كم عضه من الطير لحتى تبني معه جسر من الثقة او بتحاول تلبس قفاز واقي و يفضل لونه ما يكون مزعج للطير.
لذلك انصحك انك تكون صبور لابعد الحدود مع الطير و بالاخص بموضوع صعود الطير على يدك لان قبل هيك لازم الطير يسمحلك تلمسه و تحك راسه و بالمناسبة حك الراس من افضل الحركات لتقوية العلاقة مع الطير و حاول تطعميه من يدك و يا ريت انك تكون الوحيد اللي يقدمله اكل و شرب عشان الطير ما يتشوش.
_________________________________________________________
او بتحاول تلبس قفاز واقي و يفضل لونه ما يكون مزعج للطير.
_________________________________________________________
حبيت اسأل .. مثال على هذه الالوان كماذا ؟
