مشكور و محتاس

[wildfox]

السلام عليكم............اولا احب اشكر كل اللي ساعدني من غير ما يعرف في تنميه هوايتي في تربيه طيور الزينه عامه لان بقا عندي عدد كبير منهم وتشكيله من كل الانواع الموجوده في مصر تقريبا لان الهوايه دي فتحت قدامي سكك كتير و تقريبا بقا معنديش مشاكل لاني بمجرد اني اققعد قدام طيوري واتابعهم بنسي الدنيا همومها بجد والله
ثانياه الحقوني ارجوكم عشان انا اتعقدت ........ انا من حوالي 6 شهور قدرت اجيب جوز فيشر اصفر من مصدر موثوق فيه ولما سالت التاجر قالي انه لسه شايل عيالهم ووراني الدكر وهو بيكسر خشب عشان يبني بيه العشه ولما اشتريتهم اطلخبت بين الدكر والنتايه و اللي طينها اكتر ان في واحد منهم طار من القفص
بقا كل همي اني ازاي اعرف ده دكر ولا نتايه ولما جه احد من اصدقائي و اخدنا الطائر لتاجر تاني قالنا انه دكر و اشتريت من عنده نتايه قعد يقولي الفرق اللي بين العضمتين والكلام ده ......... الامهم اخدته وانا مطمن وبعد فتره لما تابعت المنتدي عجبني تشكيله الالوان اللي فيها فبدلت مع واحد من اصدقائي الدكر اللي عندي بالدكر اللي عنده
وبقالهم حوالي 4 شهور مع بعض ومحصلش اي حاجه طول اليوم في البياته مبيطلعوش غير عشان ياكلو بس بس انهارده واللي خلاني ابعت الرساله دي لاتهم بياكلوا بعض فيا هل تري ده دليل انهم دكر ونتايه وان كده في اخبار حلوة قريب انشاء الله.................wildfox

[د/أحمد توفيق]

بسم الله الرحمن الرحيم
أخي الكريم
أبشر قريبا ان شاء الله تعالى برؤية البيض
هل بدأوا في بناء العش أم لم يبداوا بعد ؟
وماذا تضع لهم من مواد تعشيش ؟

[gjoyadib]

صديقى
عليك بالانتظار والصبر قليلا عليهم مع توفير المكان الهادىء والجو الملائم للتكاثر وايضا عليك احضار مواد التعشيش لهم واعطائهم خلطة البيض بالسبع حبوب والخضروات وفيتامين "هـ"
وقم ايضا بالتجربة التى كتبها د/ أحمد توفيق فهو رجل ذو خبرة كبيرة فى تربية طيور الحب
وتفضل تحياتى
واليك هذا الربط لمعرفة خلطة السبع حبوب

viewtopic.php?t=16684&highlight=

[wildfox]

والله انا مشكور جدا بس عايز اعرف معلومه كمان هو لازم اللي ياكلوا بعض يبقوا دكر ونتايا يعني لو دكرين او نتايتين مياكلوش بعض وغير كده دول بيلاعبوا بعض و علي طول في البياته من اول يوم ................wildfox

[wildfox]

انا اسف دكتور احمد انا نسيت اقول لحضرتك انا حاطتلهم في البياته نجيله جافه وهي قريبه جدا من قش الرز في الشكل والحجم والملمس لاني من الصعب الحصول علي اي مواد اخري والنجيله دي جبتها صدفه كمان وانا كمان اللي حاطتهلم بايدي عشان هما بيلعبوا بيها ويرموا بره............wildfox

[gjoyadib]

يمكن للذكرين او الانثتان اللعب معا طالما انهما محبوسان فى قفص واحد ولا يوجد اى طير اخر ويمكن ان يكون اللعب بالمنقار وهذا ما يجعلك تظن انهما يقوما باطعام بعضهما..لهذا يجب عليك ويلد فوكس التأكد تماما من انهما ذكراً وانثى

[wildfox]

خلاص حشتري نتايه بلو واحطها معاهم فتره واشوف ايه النتيجه

[د/أحمد توفيق]

بسم الله الرحمن الرحيم
أخي الكريم
أولا اسمح لي أن أشكر أستاذ جورج على ذوقه وعلى اطرائه لي والذي هو أكثر من حقي بكثير .
انتظر عليهم قليلا أخي وان شاء الله تبشرنا خيرا عن قريب فأغلب الظن هم ذكر وأنثى ونحن بدأنا الموسم والجو تحسن وان شاء الله يضعوا البيض قريبا .
بالنسبة لمواد التعشيش ذكرت كثيرا أن أي شيء سميك شبيه بقش الأرز أو السعف تستخدمه طيور الحب لتعشش به دون أي مشاكل وهذه صور لأعشاش بها مواد أخرى :





كل الأمنيات الطيبة

[wildfox]

طيب انا حتصرف وحجيب حاجات كويسه للعشه طيب الفيشر برضه اجيبله حوض استحمام زيي البادجي .......................wildfox

[د/أحمد توفيق]

بسم الله الرحمن الرحيم
أخي الكريم
بالطبع يجب تقديم أواني الإستحمام للطيور بصفة عامة لما له من أهمية من ترطيب الجلد وتنظيف الريش والتقليل من نسبة البيض المكبوس , وطيور الحب بالأخص تحب الإستحمام جدا .

هذه صور لطيور مدربة تستحم :







كل الأمنيات الطيبة للجميع