شوية اسئلة

[spirit_stallion]

السلام عليكم و رحمة الله و بركاته
اخوانى الحمد لله اشتريت امبارح 7 زيبرا 3 ذكور خد اسود كامل وانثى خد امل و 3 اناث واحدة ابيض و اتنين مصبع واحد من الذكور له شوشتين صغيرين جدا يلاحظوا بصعوبة فما احتمال فروخه هل يكونوا شوش او تفت او عادى مع العلم ان الانثي عادية
انشاء الله ساصنع لهم سلاكة صغيرة 50 50 و ارتفاع متر
فكم طير اضيفهم عليهم واحب اعرف عدد الذكور و عدد الاناث وعدد العشوش وهل لو سيبتهم هما السبعة فقط التفريخ ينجح ولا يكون فى مشاكل
انا اول مرة اربي الزيبرا جماعات و عندى بعض الاسئلة
ازاى انظف العشوش بعد كل عش من الفروخ فهل لو اخرجت العش للتنظيف او لفحص البيض ممكن الازواج الاخرى تخاف و تهجر العش وبالنسبة للفروخ الزيبرا بتنتج بعد 3 شهور ولو سيبتهم فالسلاكة حادخل فمشكة تربية الاقارب و لو حاولت اخرجهم اكيد الطيور الى معاها بيض او فروخ حتتفزع وتهجرهم
وكمان ازى امسكهم فكل الحجم ده دا فالقفص بامسكهم بالعافية
انشاء الله انوى اعمل 4 ابواب صغيرة فى واجهة السلاكة اتنين فوق و تنين تحت يمين و شمال عشان سهولة التعامل مع الاعشاش وباب اكبر شوية عند القعر عشان الاكل وبالنسبة للمية احسن احطيلهم مشربيات بلاستك من بتاعة الاقفاص ولا مزقه فخار صغيرة من بتاعت الحمامبس طبعا صغيرة جدا عشان ميغرقوش فيها
بالنسبة للاعشاش مش عارف استخدم اى نوع طبعا الخوص غالى وهوه الوحيد اللى بيتباع جاهز اما الفخار غير موجود و بصراحة مش عايز ادفع فلوس كتير فحكاية الاعشاش دى لان سعر الزيبرا انخفض بشكل مرعب بافكر استخدم علب الكارتون او علب بلاستك الموسم اللى فات فرختهم فعلب كارتون
بالنسبة لمواد التعشيش بفكر فالخيش اقطعه 5سم لكن المشكلة ان الزيبرا بتستخدم كميات كبيرة وممكن تسد العش كله
معلش انا اسف طولت فالاسئلة و اكيد انتوا اتخنقتوا منى لكن دى اول مرة اربي جمعات السنة اللى فاتت كنت بفرخ كل زوج فى قفص لوحده و كنت باتحكم فكل شئ من اول اختيار الزوج و ساعات كنت بابنى انا العش ولما الفروخ تكبر انظف العش و افصلهم لكن المشكلة الوحيدة ان اغلب الازواج كان بيرمى كل الفروخ فارض القفص فاول 3 ايام ونادر لما خرج عش فروخ كل كام يوم خمس ست فروخ مرمين فىالارض مع ان الطيور من مصادر مختلفة و اعمار مختلفة و بعضها فرخ بنجاح ربنا يسهل المرة دى و الفروخ تعيش
ارجوا الرد على اسئلتى و سعة صدركم وعلى فكرة انا قريت كل المواضيع المثبتة عن الزيبرا بالمنتدى وكمان مواقع اجنبية كتير

[tamer_elhosary]

يكونو تفت وحاملين لصفه الشوشه
ممكن عادي تسيب 7 للتفريخ ومفيش مشاكل بس اكثر من البياضات
ممكن التمظيف بعد كل فقسه عادي جدا مفيش مشاكل
بالنسبه للاقارب ممكن تاخد الزغاليل وتبيعها او تبدلها مع حد تاني
الزيبرا عصفور يحب الحركه والاستحمام كبر المسقاه ويا ريت الفخاريه بس اعمل حساب البرد لانها بتبرد المياه ويا ريت تركب لمبه للتدفئه شتاء
متقلقش مش هتسد العش كله
ان شاء الله يفرخو قريبا
واي سؤال حاضرين ان شاء الله

[thaking]

جرب وشوف النتيجة بنفسك