انا حتجنن من اللي بيحصل

[no.mercy]

عندي جوز بادجي شوش يعني ريش زايد علي الراس

المهم النتايه دي باضت من نص رمضان اربع بيضات وعملت الحضانه بتاعتها علي اكفء وجه وبعدين الوقت عدي من غير البيض ما يفقس
وبعدين لقيتها مكسره البيض ورحته ووحشه اوي

قولت قدر الله وما شاء الله فعله والجايات اكتر من الرايحات

بعدها باسبوع بالضبط لقتها بايضه بيضه وبعدها بدات البيض لحدج ما الحمد لله
باضت اربعه حاليا وبعدين من شويه بطمن علي البيض لقيت منهم واحده مكسوره والبيض كان جواه فرخ لان البيضه سخنه ولونها غامق جدا

ودي صورتها :



بصراحه انا اتخنقت وبفكر ابيع الاستراليات كلها لانها من افشل الطيور في التفريخ وعمري ما نجحت في تفريخها

ودي صوره الدكر :

[muhammed_farouk]

اخى الكريم اعطى الانثى فرصة ثانية ولا تيأس فربما ان الانثى خبرتها قليلة فى احتضان البيض وانصحك ان لا تزعجها واصبر عليها فأن تربية الطيور تحتاج الى صبر.

[king5stars]

اخي الفاضل
طيور البادجي من احسن الانواع في التفريخ
انتاجها وفير دئما
ولكن يشترط ان تكون مراعيا لطيورك من جميع الجوانب من الالف الى الياء
واصبر على هذا الزوج للعش القادم فلعل الانثى غشيمه في حضن البيض
وعموما تربيه الطيور تحتاج للصبر وعدم اليأس

تحياتي

[crest10]

السلام عليكم

اخي لاتفكر ابدآ بالتخلص من البادجي فهو افضل الطيور...
وماشاء الله الذكر جميل، بارك الله لك فية...
هل من الممكن المزيد من الصور لطيورك الشوش؟؟؟

تحيااااااااااااااتي

[no.mercy]

يا شباب شكرا اوي علي الرد وعلي التشجيع

بس باقي البيض الحمد لله سليم يعني هم اربع بيضات واحده انكسرت والتلاته الباقين سلام والحمد لله بتحتضن البيض بطريق مثاليه لدرجه اني ساعات مش بشوفها خالص

طب يا شباب هل اشيل البيضه الفاسده من العش ولا اسيبها ؟

ويا اخ كريست هو ده الجوز الشوش اللي عندي والنتايه شوشتها طفت ومش بعرف اصورها عشان داخل العش علطول
لكن انتظروا موضوع يضم فيه جميع طيوري

[مالك الحزين]

الاخ الكريم
ما يحدث معك عادى جدا و لا تتسرع و تخسر طيورك الجميله
و لدى نصيحه ما رأيك
اولا اهتم بالاضاءه جيدا
ثانيا التغذيه الخضروات هامه جدا
و الاهم
انتقى زوج اخر او زوجين ليصبح عدد طيورك 3 ازواج طبعا لا تفرط ابدا فى زوجك الحالى فقط امنح فرصه اخرى او حتى عده فرص و سترى النجاح فى التفريخ
راجع موضوعى سر النجاح
خالص تقديرى

[no.mercy]

اضاءه ايه انا اول ما الليل يليل بغطي العصافير بملايه سرير عشان السقعه
عايز افهم حضرتك تقصد ايه بالاضاءه وممكن تقولي انواع الخضار اللي اقدمهم ليها
وانا بالفعل عندي ثلاثه ازواج معاهم ولكن مبضوش بقالهم 4 شهور

[جابر عبد الله]

يا اخ (او اخت) لا شكرا اقصد no.mercy
حاول ان تستفيد من نصائح استاذنا مالك الحزين ان كنت تريد الاستفادة

[pepo2006]

السلام عليكم,

أخي no mercy.....

يجب أن تحظي الطيور بإضائة لا تقل عن 15 ساعة في اليوم, أي تضئ لهم النور في المساء أيضا.
و يمكنك تغطية القفص بالمشمع الشفاف بدلا من ملاية السرير, حتي لا تحجب الضوء عنهم.

أما عن الخضراوات التي يتناولها البادجي فهي كثيرة, يمكن أن تقدم منها البقدونس, و الجرجير, و الخيار أيضا....

[no.mercy]

يا اخ جابر عبد لله انا اولا ولد واسمي محمد وكمان معني كلمه no.mercy هو بلا رحمه مش (لا شكر)

وانا ان شاء الله حجيب المشمع ده ضروري عشان البرد والاضاءه وتشكر اوي اوي علي الرد يا استاذ pepo