ياريت الاقى رد سريع من الاخوة الخبراء والعضاء

[banchoo]

السلام عليكم
انا عندى زوجين من البادجى الأنجليزى زوج وسط وزوج عالى جدا
المهم زوج فيهم الذكر والنثى بقالهم حوالى شهر ونصف عندى ومن اول يوم ولغاية دلوقتى والذكر والنثى بيلاعبوا بعض ويقبلوا بعض وياكلو بعض بس لا وجدت الأنثى دخلت العش ولا الزكر بيعتلى الأنثى لية مش عارف
انا وضعت ليهم فيتامين سينامين + E لمدة 3 ايام فى المسقى ومفيش نتيجة
ابيعهم واخلص ولا اية هما سنهم حوالى 2 سنة

[banchoo]

لون انف النثى اول لما اشتريتها كان بنى غامق دلوقتى بقى ابيض مائل للزرقان على خفيف

[crest10]

السلام عليكم

اخي الانثى غير جاهزة للتزاوج حاليآ.
لو امكن بعض الصور لهم.

تحياااااااااااااتي

[medo2007]

انا اسف مش هقدر اوفر صورة دلوقتى هل ده مرض ولا اية وبعدين الأنثى بتلاغى الذكر جامد لدرجة انها انتبهت للزكر بتاع الزوج اللى امامها وانا لاحظت ان الذكر بتاعها ابتدى يغير وعلى فكرة انا لسة واضع الزوجين امام بعض اليومين دول ياريت وكانت هية قبل كدة بتنام للذكر بس المشكلة ان الذكر يداعبها بس لايعتليها

[medo2007]

برجاء حد يجاوبنا على الموضوع دة بسرعة لانى بعانى من نفس المشكلة بس مع زوج بادجى انجليزى وزوج لوتينو فيشر وسبق انى قولت انى مش هقدر اوفر صورة ليهم
انا خلاص قربت ابيعهم من زهقى
ومش قادر اقول لأخ حسن لو وصلتلك اجابة على الخاص ياريت تبعتهالى
فى رعاية الله

[ASD2006]

يا اخى غير مكان القفص وافصل الذكر عن الانثى لفترة 3 ايام مثلا ثم رجعها للذكر وشوف الذكر هيعمل ايه .(عينيه بتضيق وبيبقى عايز يكبس الانثى)
لو معملش حاجة غير الذكر وهات ذكر اخر.

[romyoo1]

انت بتقول ان لون كير الانثى كان بنى وده معناه انها جاهزة للتزاوج فأصبر عليهم شويه
ممكن يكون الزكر صغير فى السن
تحياتى