تعبت أسال .. !

[زمــــزم]

بسم الله الرحمن الرحيم

عندي سؤال يا اخوان لو تكرمتم :

مقدمة

املك زوج ببغاء رماديي ( افريقي جامبو ) والحمدلله هذا الزوج شريتة جاهز اصلا" ولهم عندي الان حوالي ثلاثة سنوات ..الذكــر ( زيكو ) يقول اكثر من (25) كلمة بصوت واضح ومرتفع وما يخاف .. ويقول جملتين ( الله اكـبر و لا اله الا الله ) بصوت صافي ونبــره مرتفعة والانثي( روضة) دلووووعة بشكل مو طبيعي اليفة جدا" لكن ما تقول غير (8) كلمات وجملة واحدة طفشتني بها وهي ( بس ميو ) .. !!

السؤال

لي صديق عزيز ع قلبي من اهل الرياض اهداني زوج ببغاء رمادي ( افريقي جامبو) انتاج مزارع يعني حطوا في بالكم انه ممكن تنتج ..؟؟ عمرهم حول السنة .. الطيور حلوه بشكل عام ما تعض نهائيا" ولكن في نفس الوقت ما هي اليفة بمعني كلمة اليفة .. طبعا" ما سمعتها قالت شي .. من حيث التقليد اقصد (الكلام) ..؟؟ ولها الان عندي حوال (12) يوم المهم جاتني هذة الطيور مع بعض في قفص واحد .. فصلت الذكر عن الانثي .. وكل واحد حطيتة في غرفة .. بس عشان صوتهم عالي يسمعون صوت بعض .. الذكــر صار يجعر بشكل غريب .. وقطع الجرايد اللي حاطها اسفل القفص .. ! ويكب الموية .. ! واي واحد يقرب منه يبداء يجعر بس عض للامانة ما يعض .. الاثني ما تجعر نهائيا" بس اول ما يقرب اي شخص من القفص تبداء تتنافض جنحانها من الخوف بس كمان عض ما تعض .. اش رايكم ارجعهم ع بعض ..؟
واش الحل في مثل هذا الوضع .. وانا بصراحة طيوري القديمة ( زيكو و روضة ) حاطهم في غرفتي الخاصة .. وما ابغهم يشوفون الطيور الجديدة اللي جاتني علي اساس ما تخربهم ..!! ابغى رايكم لا غنى عنكم جميعا" .. وربنا ما يحرمنا منكم

زمزم

[الفتى]

اخي الكريم لماذا تفصلهم عن بعض

ممكن انهم يكونو متزوجين وعندما تفصلهم عن بعض ممكن انك تنكرهم وما يرجعو لبعض

وانصحك بارجاعة

لي ملاحظة صغير كيف تعرف الذكر من الانثى ؟؟

وشكرا