نصيحه للي ناوي يعمل حوض جديد ->(.)(.)

[ضباب الليل]

السلام عليكم الساده الاعضاء

لازم الحوض يتقفل و يتم اختباره و مليه بالميه من الحنفيه عادى جدا و وضع موتور الهواء و الفلتر و تركهم يشتغلو مثلا اسبوع قبل ما يتحط فيه السمك الجديد و يفضل كمان تحط زرع بسيط زى الامازون او الامبريلا وده علشان المياه تكون تمام و فضيت من الكلور و كونت شويه مواد اوليه زى مثلا الطحالب علشان نقرب شويه من البيئه الطبيعيه للسمك
و كمان فيه فكره انك بعد ما تشغل الحوض كام يوم تجيب شويه سمك رخصيص زى الجوبى او الفانتيل و لو حتى 3 او 4 سمكات تسيبهم فى الحوض كام يوم قبل ما تحط السمك الغالى و ده علشان البكتريا النافعه تتكون فى الحوض
و خد بالك ان الاوسكار يحب المياه الى فيها خشب متحجر علشان بيظبط ليها درجه حموضه المياه
انا شخصيا شغلت حوض الاوسكار قبل ما احط السمك بحوالى 15 يوم و كنت حاطط فيه زرى قبلها ب 6 ايام
تانى حاجه مهم جدا ان السمك ينزل الحوض براحته على الاخر يعنى يتساب فى الاكياس نصف ساعه او ساعه عايم على وش الميه لحد ما ياخد حراره الميه و كمان كل خمس دقايق ناخد شويه ميه صغيرين جدا من الحوض نحطهم فى الكيس علشان يتعود على الميه الجديده
و بعد كده نفضيه بالميه بتاعته فى الحوض لان الميه الى جاى فيها اكيد فيها بكتريا نافعه تفيد الحوض الجديد
و معلومه مهمه جدا اياكم ابدا اطفاء الهواء عن السمك بعد ما السمك ياكل لاى سبب من الاسباب انا طفيت الهواء نصف ساعه بعد اكله دو و كنت هاخسر الحوض بحاله
لان السمك بعد الاكل بيحتاج هواء و اكسجييين كتيييييييييييييير
لو لازم تطفو الهواء يبقى تجوعو السمك يومين او تلاته قبلها
دى يا شباب شويه معلومات مهمه علشان السمك يشتغل و يبقى تمام

[libzo adiga]

مشكور اخي ضباب الليل, على النصيحة و المعلومات
بارك الله فيك

[king of birds]

الصراحة انا لا اتفق معكم مش لازيم نسيب الحوض اسبوع عشان الكلور ممكن تحوط مزيل كلور و فى كام دقيقة كل حاجة تبقى تمام و بالنسبة للبكتريا و اللامراض متوفر فى محلات اسماك الزينة ادوية لكل الامرض يمكن وضعها و بعد كدة شغل المتور و الفلتر لمدة ساعة و ابدء بوضع السمك و ان شاء الله خير

[ضباب الليل]

مشكورين عالمرور الكريم

[الفتى]

شكرا شكرا على الموضوع والنصائح الهامة

[ابو عدي]

مشكورين على المعلومات