دعوه للنقاش : الانتقال الى البادجى الانجليزى !!

[kikoooo]

طبعا الكل يعلم البادجى الانجليزى وما يفرقه عن البادجى العادى وانا اربى البادجى منذ مايقرب من 15 سنه او يزيد وكانت البدايه بزوج هديه المهم .

تقريبا فى اخر عام 1999 ظهر البادجى الانجليزى فى مصر ربما قبل ذلك بقليل ولفت نظرى جدا وقتها الا انى لم اتخلى عن البادجى العادى المحبب لدى ربما لانه لم يكن منتشر بما فيه الكفايه

فى الاونه الاخيره ظهر بكثره وتفنن الهواه فى تفريخه حتى اصبح فعلا منتشر ولكن تحت نطاق محدود من الالوان والصفات ربما يرجع هذا الى جهل بعض المربيين بالموروثات

منذ فتره قريبه قررت ان افرخ هذا النوع المميز ووضع خبرتى فى البادجى فيه لتفريخ بادجى انجليزى مميز صفاتا والوانا

طبعا الكل يعلم ان البادجى الانجليزى هو المعتمد فى المسابقات الدوليه وهذا لرونقه وحجمه المميز والذى يظهر به جمال الطائر ومجهود المربى .


السؤال الان ؟؟

هل تؤيد فكره الانتقال فى التربيه من البادجى العادى الى الانجليزى ام ترفضها ولماذا ؟؟ بغض النظر عن المكسب التجارى فكما نعلم ان البادجى الانجليزى سعره اضعاف اضعاف العادى

الحديث هنا حول الانتقال الى مستوى اكثر احترافا . او حول الوصول الى طيور تنافس الطيور العالميه

فى انتظار الردود وهذه بعض صور هذا النوع

[maged ramses kamil]

اخى العزيز/kikoooo

... شكرا لك على موضوعك المتميزالمدعم بهذه الصور الرائعة .
... اعرف انك من المحبين جدا للبادجى الانجليزى وقد شاركت معى فى موضوع ( انا احب البادجى الانجليزى ) ولي تعليق على كلامك البادجى الانجليزى متواجد من قبل سنة 1999 بل كنت اربي وانتج منه واول رسالة انجليزى اشتريتها كانت فى سنة 1996 عبارة عن خمسة ذكور وذلك لتحسين المستوى .

وبما انك تربى البادجى من زمان فلماذا لم تشترك فى موضوع اختبارات الاعضاء فى تربية البادجى .

. اعرف ان لديك الكثير من الاختبارات الرائعة ارجو المشاركة ولك جزيل الشكر .

[جابر عبد الله]

اهلا بالعزيز kikoooo
موضوع جميل بجمال البادجي الانجليزي - الطائر الارستقراطي - طائر المسبقات و العروض
وكل ما اخشاه ان تتشوه السلالات الموجودة عندنا نتيجة لتوقف الاستيراد وعدم تجديد الدماء والالوان والصفات و عمل كثير من الهواة على تزاوجه مع البادجي الامريكي العادي فيتحول الى مجرد بادجي كبير الحجم وبعيد عما نراه في الخارج
انا كنت متاكد ان اول المشاركين في موضوعك هو العزيز ماجد ! مش كده ولا ايه ؟ فهو مدمن انجليزي
تحياتي لكم جميعا

[crest10]

السلام عليكم

شكرآ لك على موضوعك الرائع...
انا اربي الانجليزي +الهولندي كرست او ذو شوشة وانتج منهم طيور رائعه جدآ...

تحيااااااااااااااااتي

[spirit_stallion]

فعلا انا موافق على رايك و ان البادجى العادى المفرض ينقرض تماما و يختفى لان بصراحة شكله بينرفزنى و هو سبب كرهى للبادجى كله و يحل محله البادجى الانجليزى و للاسف انا معنديش غير بادجى عادى لكن الحمد لله شوش و ان شاء الله لو نجحت معاه اتجه للانجليزى الموسم القادم

[muhammed_farouk]

فعلاً اخى الكريم البادجى الانجليزى يستحق الاقتناء ولكن بوجود البادجى العادى ايضاً جنباً الى جنب ولى ملحوظة على تعليق اخى الكريم spirit_stallion على ان البادجى العادى بينرفزة فأنا مختلف معاك تماماً فى تلك النقطة فأن وقار البادجى الانجليزى الزائد عن الحد يجعلة ثقيل الدم بجانب البادجى العادى فالبادجى العادى اكثر نشاطاً وانتاجاً من الانجليزى.
تحياتى للجميع

[جابر عبد الله]

مش معقول يا spirit اذا كل طائر او حيوان اليف يكرهه بعض الناس ينقرض ! طيب و يفضل ايه ؟
و بعدين بلاش احساس الكراهية ده
المهم في كلامك انك تربي البادجي الشوشة و لو فضلت تزوج شوش لبعض سيضعف الانتاج وهذا ما يحدث عندنا لكثير من الانواع ضعفت لنفس السبب
الحل ايه ؟
يجب كل فترة ان تدخل عليها البادجي العادي . نعم العادي اللي بينرفزك
و ياريت تراجع موضوعات مالك الحزين في انتاج الشوشة
تمنياتي بالتوفيق

[spirit_stallion]

السلام عليكم
انا اسف ان كنت ضايقتكم بكلامى عن البادجى العادى و بالنسبة للانجليزى كفاية بقع الزور و التكشيرة بتزيده جمال على جماله انما العادى لا بقع زور و راسه ضغيرة يعنى فراى ان الانجليزى اجمل منه 100 مرة
و بالنسبة لموضوع ادخال دم جديد على الشوش انا عارف الموضوع ده والاخ الى انا شاريهم منه بيدخل عليهم دم جديد كل فترة لكن طبعا مش البادجى العادى مش معقول انزل من مستوى الشوش انما الافضل ادخل عليهم الانجليزى اقل شئ الفروخ حتكون مفرودة اكتر و ممكن تستفيد من تكشيرة الانجليزى فى زيادة حجم الشوشه للابناء
و عموما من ضمن اسباب عدم ميولى للعادى انه منتشر انتشار رهيب و تقريبا ممكن اى شخص يربيه حتى الاطفال انما الانجليزى ابن ناس و محترم وانا عندى اربى 3 ازواج انجليزى احسن من 100 زوج عادى
و على العموم للناس فيما يعشقون مذاهب و ارجو ان ميكنش حد زعل منى

[لولو]

السلام عليكم و رحمة الله و بركاته
بالفعل البادجى الانجليزى مهيب الطلة و من يربيه لا يرضى او يقتنع فى الغالب بالبادجى الامريكى .........
لكن هذا لا يمنع ان البادجى الامريكى اكثر ظرفا و حركة ....... و ازعاجا من الانجليزى
فان كنت من محبى تامل الطيور و حركاتهم الطربفة فعليك بالامريكى

[جابر عبد الله]

مرحبا بالزميلة الكريمة لولو مشرفة منتدى الترجمة
وننتهز فرصة وجودها بيننا لدعوة الاعضاء الاعزاء لقراءة الموضوعات المترجمة عن البادجي في منتدى الترجمة وقد سهلت زميلتنا العزيزة المهمة بتجميع مقالات كل طائر معا
فشكرا لها وبالتوفيق للجميع