هل البلكم بيخسس طيور الحب؟

[mirocaesar]

انا اشتريت 3 عصافير روز اخضر وجوز روز لاتينى وكلهم فروخ او شباب والحمد لله بصحة كويسة
بس هما مش بيعرفوا يأكلوا اللب كويس
فاشتريت لهم نص كيلو فلارس ونص كيلو بلكم وحطيتهم على بعض
وبأكلهم منه لحد ما يعرفوا بعد كدة ياكلوا لب
لحد ما سمعت ان البلكم بيخسسهم وبيقلل وزنهم هو والدنيبة كمان ومش بيخليهم يكبروا
ارجو المشورة ولو فى اصناف اكل تانية قولولى عليها ولكم جزيل الشكر

[Birds servant]

أهلا وسهلا بك أخي العزيز في هذا المنتدى الرائع..

بارك الله لك في الطيور التي قمت بشرائها وإن شاء الله تفرح بإنتاجها في المستقبل القريب..

البنيكم والفلارس هما الأكثر ارتفاعا في السعرات الحرارية وحرقهما في جسم الطائر بطيء و لا يتسببان في نقصان وزن الطائر بل على العكس تماما حيث يتسببان في حالة استخدامهما كغذاء وحيد للطيور في زيادة وزن الطيور بشكل كبير مما يجعل جسم الإناث والذكور به الكثير من الشحوم وبالتالي تحدث لا قدر الله مشاكل في الإنتاج..

لذا من الأفضل خلط مجموعة من الحبوب فمثلا يمكنك إضافة نصف كيلو بليكم وربع كيلو فلارس على كيلو الدنيبه وتقديمها للطيور إلى ان يتمكنا من تناول اللب السورى..

يمكنك كذلك تقديم الخضروات الطازجة كأوراق الخس والجرجير وثمار الخيار بجانب خلطة الحبوب..

قم بإضافة فيتامين الف دال هاء إلى مياه الشرب ..ولا تنسى تثبيت قطعة من السيبيا بقفص الطيور..

بالتوفيق دائما إن شاء الله..

[mr.nasser]

اخوانى الاحباء
الرجاء تقليل حبوب الفلارس والبنكم فى فصل الصيف و بالاخص عند اراحة الطيور والاكثار من الخص والخيار والدنيبة والفاكهة لان الفلارس يساعد عل التليس وتكوين الشحوم فى الجسم والبنكم بة زيوت عالية وايضا لسخونتة فى الصيف يعنى المقدار يكون كل ثلاثة كيلو دنيبة كيلو فلارس ويحبز عدم تقديم البنكم او ممكن يضاف نصف كيلو فقط على الخلطة السابقة وايضا اخوانى ياريت تقلل اللب لانة بة اضرار كبيرة للطائر مثل انعواج المنقار واشياء اخرى والله المستعان

[haytham]

السلام عليكم و رحمة الله و بركاتة.................

أخوانى الكرام................

الأخ الكريم bird servent و الأخ الكريم mr.nasser .................

جزاكم الله خيرا على ردودكم المفيدة , و شرحكم الطيب , و نفعنا الله و اياكم به..............

و أهلا بك أستاذ ناصر فى المنتدى مرة أخرى بعد فترة غياب ملحوظة................

و قد علمت أنى حضرتك ناوى تنزل اسكندرية , فيا ترى نزلت ولا لسه ؟ لآنى بجد أتمنى لقاء هاوى كبير مثل حضرتك.................

و جزاكم الله خيرا مرة أخرى أيها الأخوة الأفاضل..................

تلميذكم
هيثم

[mr.nasser]

مرحبا بك اخى الكريم هيثم اخا وصديق لى شخصيا واشكر على اطرائك لى بهذة الكلمات الرقيقة وللعلم انا يشرفنى فعلا لقاءك ولقاء كل اخوانى فى مدينة الاسكندرية ةفعلا اخى انا نازل قريبا عند الكابتن نبيل لاتمام بعض الامور وباذن الله تعالى سوف اخبر جميع الاخوة بهذة الزيارة ان شاء الله

[haytham]

السلام عليكم و رحمة الله و بركاتة........................

الأستاذ الكريم ناصر.....................

اهلا و سهلا بحضرتك فى مدينتنا , و بجد تشرفنا و تنورنا , و على العموم يا ريت حضرتك تقولى فعلا ميعاد الزيارة , و على العموم أنا عارف المحل بتاع الكابتن نبيل و قمت بزيارة للمحل من كام يوم و بصراحة عجبنى جدا لآنه بيضم انواع نادرة كتير للطيور , فياريت يا أستاذ ناصر تقولى ميعاد الزيارة و ياريت تكون قريبة علشان ظروف أمتحانات الكلية بس , و الله المستعان...........

تلميذك
هيثم

[mirocaesar]

انا سعيد جدا بتفاعلكم معايا
واهلا وسهلا بيكم فى اسكندرية تشرفوا وتأنسوا
انا من اسكندرية
بس هو فين محل الكابتن نبيل دة
انا اول مرة اسمع عنه
لو حد من الأخوة يقوللى عنوانه ايه

[XP_2600]

في شارع متفرع من اسكندر ابراهيم علي صف السنترال, لا اتذكر الشارع ولكن اظن الثالث من ناحية البحر او الرابع.