تكذيب

[medo2007]

اعزائى اعضاء المنتدى
السلام عليكم ورحمة الله وبركاتة
لقد ابتعدت عن المنتدى لفترة طويلة وهذا بسبب ان مجموعة من الاعضاء ربطت بينى وبين بعض
الأشخاص الغير امينين مش عارف بقة هما اللى فهموا كدة ولا هو اللى زج باسمى معة وهذا احزننى كثيرا بس وجدت ان الموضوع زاد عن حدة
واحب ان اوضح شىء مهم ياجماعة
1 - انا مش تاااااجر ان الحمد لله موظف وتقدروا تشوفوا بطاقة التعريف بتاعتى على موضوع الخ هيثم وبرضة ممكن تدخلوا على مواضيعى اللى اعلنت عنها واسعارى برضة
2 - كون ان بعض الشخاص زج بأسمى بطريقة او باخرى فأنه ليس لى به اى صلة من قريب او بعيد وانما هى مجرد تعارف وتعامل مثل الذى يتم بين اعض1اء المنتدى
3- وتاكيدا على كلامى حصل موقفين تأكيدا لكلامى هذا
* حضر لى اخونا الفاضل ناصر الفلاح وكانت معة جميع الطيور المعروضة بالمنتدى والتى قام بها السادة مشرفى المنتدى بالثناء عليها وطلاق جميع المسميات النادرة عليها وعلى فكرة صورهم مازالت معروضه فما كان منى وبطلب من الخ حسام بشرائها فى وجود الاخ كريم لانة اعلم منى فى الروز وقد اثنى على هذة الطيور هو الاخر وتم شراء بعض منهم لى وبعض منهم لاخى حسام بناء على اختيارة وانتقائة للطيور بنفسة والحمد تمت البيعة بسلام
* موقف فى موضوع على السوق اعلنت عن بعض الفيشر الاخضر للبيع وقلت على الملا دول مش بتوعى ياجماعة دول بتوع صديق وفعلا قام الأخ محمد بالمجىء لى وقابل صاحبهم الذى احضرتة من المنصورة للمقابلة شخصيا حتى اخلى مسؤليتى الشخصية من اى شىء والحمد لله تمت بسلام وقد وصل الى الخ محمد طيور احسن واغلى من الطيور المعروضة وياريت يعلق على هذا الموضوع
دول الحاجتين اللى اتدخلت فيهم وطيور مش من طيورى والحمد لله كان فى وجود بعض الخوة وياريت يعلقوا على هذا الموضوع
اقصد بهذا الموضوع باننى لم اشترى شىء واقول دول بتوعى دائما وابدا اذكر اسم صاحبهم
واحاول بقدر المكان احضار الطرفين حتى ابعد الشبهات فيما بعد ذلك
انما الاقى بعض الأشخاص يقول احمد وفلان وفلان واحمد
ياجماعة اذا كان بينى وبين احد فيكم مصلحة شخصية يبقى فعلا بينى وبين هذا الشخص علاقة مصلحة
وانما هى مجرد تعارف وصداقة عابرة
وكون انى اشتريت طيور منه لى اولا ولغيرى ثانيا دة مش سبب انه يبقى صديق
اتمنى من الجميع تفهم الموضوع
واتمنى من جميع اللى تعاملوا معىسواء من القاهرة او الأسكندرية اعطاء تعليقاتهم
اخر شى احب ان اقولة ليست لى علاقة بهذا الشخص من بعيد او قريب سوى شراء بعض الطيور منه
وشكرا

[legend55555]

اخبار حضرتك ايه يا استاذ احمد
فعلاً يا جماعه انا اتفقت مع استاذ احمد بالتليفون اني اشتري منه العصافير الفيشرات اللي كانت معروضه وبصراحه انا كنت عايز الكميه كلها
ولما قابلت صاحب الطيور مش استاذ احمد صاحبهم الاصلي لقيته باع منهم 5 ازواج واخذت منه ال9 ازواج الباقين
( للعلم انا معرفش استاذ احمد شخصياً ومتعملتش معاه قبل كده وجها لوجه ده اول تعامل معاه وكان مع صاحب الطيور الاصلي )
وبصراحه انا كنت متفق معاه علي بلوهات وعلي فيشرات خٌضر عاديه بس بصراحه رغم ان الكميه كانت 9 ازواج بس مش ال14 بس بصراحه كان فيهم بلاك ماسك وزوج ذهبيات بدل الفيشرات واخذتهم منه بنفس السعر وكان فيهم فرد وايت فيس بدل البلو
وانشاء الله هنزل صورهم قريب عالمنتدي
وكذلك اتعملت مع استاذ تامر الحصري اني اشتريت منه شوش بس مقبلتوش شخصيا قبلت صاحب الطيور الاصلي وهو صديق لاستاذ تامر
وبصراحه ده حتي الان التعاملات اللي دارت بيني وبين اعضاء المنتدي

[tamer_elhosary]

شخصيا تعاملت مع بعض اعضاء المنتدي والحمد لله جميعهم علي خلق ومانه في البيع

[ahmedabutaleb]

واللة ياجماعة انا لم يصادفنى الحظ فى التعامل مع معظم الاخوة فى المنتدى والذين اتمنى ان اقابلهم يوما ما ان شاء اللة
ولكنى فعليا تعاملت مع الاستاذ احمد ومش عارف واللة اقولكم اية فقد فعلا مع مواقف كثيرة فعلا لا يقدمها الاخ لاخية هذة الايام واستفدت منة كثيرا وانا اتمنى ان ياتى اليوم الذى استطيع فية ان ارد للاستاذ احمد بعض هذة المواقف

[WWSHAHALY]

بارك الله فيكم جميعا
وكيف الحال اخ احمد
-اانا حابب اعلق علي حاجه وهي مفيش داعي يا جماعه ان تواجدنا علي المنتدي يكون سبب في اننا نزعل من بعض ولو حد سمع جاجه معجبتهوش ميشغلش باله قوي ولا يجب ان نسئ الظن ببعض ز
تحياني للجميع

[WWSHAHALY]

بارك الله فيكم جميعا
وكيف الحال اخ احمد
-اانا حابب اعلق علي حاجه وهي مفيش داعي يا جماعه ان تواجدنا علي المنتدي يكون سبب في اننا نزعل من بعض ولو حد سمع جاجه معجبتهوش ميشغلش باله قوي ولا يجب ان نسئ الظن ببعض
تحياني للجميع
وانا من جهتي أبرئ ساحه الاخ احمد من اي اتهام من اي نوع وارجو ان الاخ الاسكندراني صاحبي يفهم كده ويلتمس العذر للاخطاء اللي ممكن تحصل.
وانا بعتذر عن الكلام الغامض وكمان أناشد الاخوه الاعضاء كفايه بقي موضيع العتاب ديه وسبنا من الكلام ده يا جماعه
سلام

[medo2007]

عزيزى الأخ محمد اخى احمد ابو طالب
بجد مش عارف اقول اية جزاكم الله كل خير

اخى وائل الشهالى
اناعارف انك بتعاتبنى على الكلام وفتح الموضوع دة بس على ايدك انا سامع الموضوع دة بقالى فترة كبيرة ومردتش اتكلم بس الموضوع زاد عن حدة كان لازم اتكلم واقول ياجماعة يعلم الله وحدة بانه ليس لى اى علاقة شخصية بهذا الانسان نهائى وعلى فكرة يااخ وائل الحمد لله انا عارف رد فعل ا؟لأعضاء كلهم تجاهى بس انا بقول الكلام دة لشخص واحد سمع اتنين بيتكلموا اخد كلمة من هنا وكلمة من هنا ونقل الكلام بدون بينة حتى مهنش علية يسال الموضوع اية بالضبط وعلى فكرة هى مرة واحدة اللى تحدثت معه فيها والحمد لله لمست فية الأحترام والخلق وعلشان كدة انا بفهمة خطاه لانى بجد اعتز به صديق
وعلى العموم اود ان اوجة شكرى للجميع
على فكرة ياجماعة اكثر واحد بقة حظة معى وحش هو الأخ تامر الحصرى مش عارف لية بس انشاء الله ربنا يساعدنى انى اقدملة اى خدمة اقدر عليها
سلامى للجميع

[tamer_elhosary]

@medo2007
حبيبي مفيش اي مشكله واحنا اخوات طبعا

[kikoooo]

الاخ احمد احد المحترمين القلائل الذين تعاملت معهم وقد قلت هذا فى اكثر من مناسبه والموقف الاخير الذى حدث ليس له ذنب فيه وانما كان ضحيه هو الاخر

[medo2007]

والله ياجماعة متشكر جدا للى بتقولوه
وعلى العموم يااخوانى انا اسف انى فتت الموضوع دة اساسا بس من طبعى مقدرش انام ود ةاخد عنى فكرة وحشة صدقونى مش تمثيل ولا فخر دة طبعى والله
وعلى العموم فعلا بايد راى اخى وائل الشهالى فى عدم فتح مواضيع ليها عتاب
واسف للمرة الثانية ياجماعة انى ضيعت وقتكم فى موضوع تافه زى دة
وشكرا وعلى العموم ياجماعة
والسلام عليكم ورحمة الله