اول شي يعطيكم العافيه كلكم و بالاخص القائمين على هذا المنتدى الاكثر من رائع و صج قدمتو لي افادة غير طبيعية و ما توقعت ان عندنه سايتات و مواقع مهتمه بهذا الشكل بالطيور في العالم العربي
وثاني شي ندخل في صلب الموضوع ....
انا واحد عاشق البلابيل ... او البلابل فوق ما تتخيلون و احب الطير هذا بشكل مو طبيعي
قبل 8 سنين تقريبا كان عندنه بلبول او بلبل ضخم كبير الحجم و ويهه مغطى بأسود و شكله وايد حلو و كان من زود حماسه لمن نعطيه اكل يعض الايد و يطلع الدم .... بس كان وايد حلو و يطلع و مدرب و يطلع من البيت و يرد ... و مثل ما انتو عارفين " كل نفس ذائقة الموت و يبقى و جه ربك ذو الجلال و الاكرام " صدق الله العظيم
مات و لا حول ولا قوة الا بالله ... و دورنه واحد نفسه ما لقينه .... اغلب الي نيبهم يا يغردون او يصفرون ولكن خوافين بدرجه مو طبيعيه او سكاتي لا تغريد ولا تصفير و خوف .... و انا قريت عدة مواضيع لاخوانه الكرام متكلمين عن تربية البلابل و اهم صغار يكون افضل و احسن من التربية و اهم كبار ... و عندي عدة استفسارات بهذا الموضوع
1-شنو افضل عمر للبلبول علشان يكون ما يخاف و يتربى و يتدرب
2-شنو افضل انواع البلابل ... عراقي - بحريني - حساوي .... الخ ؟
هذا حاليا الي بمخي و اذا فيه استفسارات ثانيه اقولكم ان شاء الله
تحياتي لكم
