سؤال لخبراء الكوكتيل ولا تبخلو بالردود

[GEMY_000]

اخواني الاعزاء
ازيكم وعاملين ايه ؟
يا رب تكونو كلكم بخير يا رب
عندي النهارده سؤال مهم اوى بالنسبه ليا وارجو ان اجد اجابه عندكم
اشتريت زوج من الكوكتيل من حوالى شهر ونصف والحمد لله باضو بس للاسف الفروخ كلهم ماتو
المره دي بقي حصلت حاجه غريبه جدا
بعد ما باضو للمره التانيه مش بيرقدو على البيض طوب النههار
بمعني ان الذكر بيرقد صباحا والمفروض ان الانثي بترقد مساء بس للاسف مش بترقد خالص بالليل وبتترك البيض للهواء وتعرضه للفساد
قولت يمكن اول بيضه او اتنين بتعمل كده
استنيت عليها لحد ما باضت 6 بيضات ونفس الخصله فيها برضه مش بترقد
عاوزكم تقولولي اعمل ايه ولا تبخلو عليا بالردود لان حالتى النفسيه وحشه جدا
وشكرا اخواني الاعزاء

[سيد أحمد سيد نعمة]

اخي كم عمر كل من الزوج ؟؟ وهل كوخهم يكون قذر لانك لا تنظفه ... اهتم بالنظافة وشوف النتائج... واذا ما صار اشتر لهم الفيتامينات او خدهم للبيطري ...

[GEMY_000]

لا يا اخيالفاضل
العش زي الفل
والعصافير كبار وسبق ان باضو وفقسو كمان 7 فروخ من اجمالى 11 بيضه
يعني هم كويسين بس موضوع عدم الرقاد ده محيرني جدا
واظن البيطر مش هيعملهم حاجه
وبالنسبه للفيتامينات انا بحطلم فيتامينات بنسبه ممتازه
انا احترت والله

[نضولة]

اذا الذكر بس اللي بيرقد ممكن لسا الذكر يمنع الأنثى من الدخول للعش لذلك لا تزعجهم و لا تراقبهم و ممكن يفسد بعض البيض

[GEMY_000]

اخي الكريم
الذكر فى غاية التعاون مع الانثى
ولعلمك اول مره باضو كان بيشدها ناحية العش عشان تدخل
بس دلوقتى للاسف مش بيشدها
والصبح كمان بتلاقيهم هم الاثنين جوه العش وراقدين مع بعض
بس بالليل مش عارف ايه اللى بيحصلهم وبيسيبو البيض ويقفو بره بعيد عن العش

[نضولة]

الذكر لما يخرج الأنثى من العش مش من شان مش متالفين هو ممكن في أزعاج لأنه دائما لا يسمح لها في الدخول حتى يتأكد من سلامة المكان ممكن يكون في ازعاج بالليل و خصوصا الحشرات و هو شيء كان يشيبني حتى عملت غرفة خاصة للطيور و حتى لو تاني مرة بيبيضو هو يتأكد من سلامة العش كل مرة تضع لهم العش

[m.rooon.m]

السلام عليكم....
على فكره انا كان عندي نفس مشكلتك دي بالظبط وسبق اني طرحت موضوع مشابه بسبب قلقي زيك كده
هما فضلو على الحال ده معايا كام يوم كده وبعدين اتظبتوا ف عمليه الرقد .
انت بقلهم كام يوم على الحال ده؟؟؟؟
احب اطمن يعني خير وبعدين العش من جوه بردو الي حد ما بيبقى دافي نتيجه نشاره الخشب والجو مش برد اد كده يعني المهم ان ميعديش اكتر من يوم كامل من غير رقد على البيض....
ف خير ان شاء الله

[GEMY_000]

عارف اخي الفاضل بس انا سمعت ان اكتر وقت ممكن الابوين يسيبو البيض فيه هو 4 ساعات والا البيض يفسد
مش عارف ان كانت المعلومه دي صح ولا لا
ثم ان بالليل الجو بيكون بارد وانا خايف جدا
ولعلمك هو باضو الى الان حوالى 7 بيضات يعني المفروض انهم لو عاوزين يرقدو كانو رقدو من زمااااااااااان

[نضولة]

مهو ممكن قبل ما يبدأو بالرقاد الفعلي على البيض ( أول بيضتين ) ممكن تقعد البيضة 5 أيام بدون رقاد فعلي و لا تفسد أما بعد ما يبدأ الزوج بالرقاد الفعلي ممكن يكون كلامك صحيح و لكن يعني ممكن يكون مبالغ فيه على كلن انا لم أواجه مشاكل مع الرقاد الفعلي

[سيد أحمد سيد نعمة]

والله موضوعك محير يا اخي .. أنصحك بتبديل الانثى وهذا آخر ما استطيع تقديمه لك ..