أرجـــــوا المساعده من الجميع ..!

[lymoooona]

السلام عليكم جميعا ..

أرجــوا المساعده منكــم ..

بخصوووص الدره الهندي ..

شريت واحد .. بس للحين يخاف مننا و للحين بالقفص .. و اذا قربنا منه يبدا يتحرك و يحوووس .. و لا يخلينا نقرب منه ..

ولا يطلع منه ولا صوت ..



مدري هل هالشي طبيعي والا لاء ..

اذا كان جوابكم .. لا مو طبيعي ..


قولولي وش اسوي ..؟

الله يعطييكم العافيه .. مقدما ..

[أبو عبد العزيز]

السلام عليكم

إذا كان كبير في السن فسوف يأخذ وقت طويل حتى يألف أما إذا كان سنه صغير فيأخذ وقت أقل.
يستحسن تركه في قفص كبير خارج البيت ( في حديقة المنزل) مع شراء له وليف من نفس نوعه و سوف تسمع أصواته ثاني يوم في الصباح الباكر إن شاء الله و لا تدعه يراك و أنت تراقبه. و بالتوفيق.

[lymoooona]

مشكوووور اخوي عبدالعزيز على الرد ..

لكن كيف اعرف عمره ..؟؟

[lymoooona]

انا للحين انتظر جواب منكم ..

هل هالشي طبيي ولا لاء ..؟

و اذا محد عنده زياده على الجواب اللي تفضل اخوي ابو عبدالعزيز قاله ..

ممكن لو تكرمتوا احد يوقولي .. وش اسوي ..

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كلي امل اني القى الجوااااب عندكم ..

اشكركم ..

[الشامسية]

اختي ليونا اهلا وسهلا فيج ...

الطائر طبيعي وتصرفاته طبيعية جدا لانه غير مدرب
وغير متعود عليكم .. لازم تبدين بتدريبه ومن خلال
هالقسم تقدرين تتعلمين طريقة التدريب ..
وطرق تدريب الببغاوات عادة تتشابه فيما بينها
والقسم مليان مواضيع عن كيفية تدريب الببغاوات ..
ان شاء الله يفيدج .. بس ملاحظة يفضل في البدايه
يكون التدريب من شخص واحد عشان تكون طريقة التدريب
وحده ويتعود عليها الطائر .. وأهم شيء في تدريب الطائر
هو الصبــــــر والهـــدوء ( عدم اثارة الطائر بأي حركة تزعجه ) ..

وبالتوفيق