انا محتارة في ذكر الكناري اللي عندي نقلته لغرفة ثانية وكان اول يومين يغرد بس دحين له حوالي الاربع ايام ساكت مايغرد
لكن حركته ممتازة ونشيط جدا ومايهدأ ابدا في القفص
اما الانثى بدت تسوي عشها وتسحب الخيوط من العلبة وترتب العش وتنادي على الذكر على طول وهو يرد بهمهمه بسيطة
بالنسبة للطعام احطلهم كل يومين بيضة مسلوقة وياكلوها بسرعه ماشالله
وكل يوم احط جرجير وياكلوه
ودرجه الحرارة مناسبة جدا واوقات الاضاءة منظمة
الفرق الوحيد بين الغرفتين انهم بنفس الغرفة اللي فيها طيوري البادجي - يعني يسمعو بعض لكن كل واحد بقفصه بعيدين عن بعض
من كثر حيرتي قلت امكن الذكر طفشان رحت سويت له مرجيحه بالقفص عشان يلعب
ايش اسوي وكيف اتصرف معاه اتركه واطنشه وهو يغرد بكيفه ؟؟
والانثى اللي بدت تسوي العش كيف اتصرف معاها اشيل العش من القفص
مع العلم انو القفص هو القفص الخاص بتزاوج الكناري وانا حاطه فاصل ورقي بين الذكر والانثى عشان مايشوفو بعض
واذا كان لانثي صفرا والذكر برتقلي جزري ما هو لون الفروخ
