اولاً اشكر القائمين على هذا المنتى واتمنى لهم مزيد من الازدهار والتطور.
بعد ان تصفحت المواضيع المثبته استفدت كثيرا ولكن مازلت احتاج مساعدة ارجوكم
عندي ذكر سوري له معاي ثلاث سنوات وهو ولله الحمد بصحه جيدة واحبه كثير قبل سنه قررت
ان ازوجه جبتله انثى
بعد ان استفدت من موقعكم الكثير ولكن لم يشاء الله خير توفيت تألمت كثيرا وقعد سنه بدون
ان ازوجه وبصدفه حدثه مشكله فى بيت والدتي بسبب عصفور كناري اشتراه ابن اختى فطلبت
منى والدتي ان اشيل العصفور وارضاء لها شلته واقتنع ولد اختى حيث انه صاحب تصنيفات
وكل شوي تقليعه جسيت النبض عنده لقيته ماعنده هم حيث انه اشترى سياره جديده وقال
ياولد سياره بقريح العصفور وزي ماتعرفون مصائب قوم عن قوم فوائد الحين المشكله على حد
علمي ان العصفور ذكر كناري هولندي قلت وانا احدث نفسي ياربي وش اسوي فيه ذكرين عندي
ويعلم الله لاخبره عندي ولا شي قلت ياولد بعد العيد يحلها حلال يوم من الايام قررت ان اغسل
الاقفاص الحين انا قلت ذكرين يتقاتلون كل واحد بقفص وحاطهم بالمطبخ وام العيال طول رمضان
هاتك ياقلي سنبوسه وهاتك ياطبخ والمسيكين مكتوم قبل ما اسجل قريت لبو يوسف انه لازم
يطلع برا المطبخ فيه مصايب فى القدور تاثر على العصافير طلعتهم وحطيتهم بمجلس الرجال
فسقه يارجال محد قدهم مرتكزين بصدر المجلس اعذروني على الاطاله استرسلت المهم وانا
اشيل قفص الذكر مسميه ترون فوفو ولا اسمعلك نغمه غريبه من الذكر الهولندي يوم جن جنون
فوفو وهاتك ياقفز وهاتك يا تغريد ياولد انا سرت بثاني حال قلت يكون انثى وظحكو على ولد اختى
وباعو انثى على انه ذكر والصفقه مهيب هينه غالي والله المهم قلت اقرب الاقفاص لبعض والله
حركات غريبه منهم قلت ادخل الهولندي على طيري السوري فوفو والله يوم دخلته واشوف
جنحان فوفو ترفع اقعد حركات جديده ويشيل خيوط من القفص وينقز على العش حاطله عش
من زمان يوم ماتت الانثى الى قبل المهم جلست اراقبهم يجي ساعه ياولد يوم تصافقو بالمناقير
مثل حركات الحمام يوم تأكدت انها انثى ياذاك اليوم وانا مبسووووووط وكل ماتذكرت اكتمل عندي
زوج وانا اتشقق الحين بعد رجوعي للمنتدى ابي ادور موضوع اعرف الفرق بين الانثى والذكر
وشفت موضوع نسيت اسمه والله بس مصور الذكر والانثى بوضوح رجعت اشوفهم والله زي
ماقال ومن خلال تصفحي اكتشف كذا غلط سويتهم
1- دخلت الانثى على الذكر وهذا حسب ماينقال ب الموقع غلط . طيب وش الحل انا الحين فصلتهم
2- تقولون وقت تصاقط الريش ماينفع يتزاوجون وزي ماتعرفون يوم جبت الهولنديه
تغير الجو عليها وطيحت الريش وتوها مالها اسبوع . وش العمل ؟
وقريت موضوع والله مدري وين بمنتداكم يقول طهر الانثى بمطهر وش ذا المطهر ياريت اعرف؟
وتقولون ان الاكل الى فيه تلوين خطير وش العمل اذا اشتريت كيس كبير ؟
للمعلوميه جميع صفات التزاوج الى قرئت عنها فى المنتدى متواجده فى العصافير الذكر
يتحرك كثير ويغرد كثير اذا سمع صوت الانثى وزي المجنون من عود لعود ينقز
والانثى مكتمله النمو وريشها كامل ولا يضهر عليها الخمول بعد تصاقط الريش كما يقال بالعكس تطير من مكان الى مكان اذا سمعت تغريد الذكر وتقطع اوراق الجرائد
واشكركم ودمتم للمعلوميه اول مره اسجل بمنتدى من حبي بذا العصفور فارجو التكرم والرد على استفساراتي
الانثى الاولى الى ماتت انا السبب بموتها طلعتها فوق الصطوح فى اليل وكان الجو بارد بالمره
