انا في مصر فاين اهل مصر الرائعة

[ابو ابراهيم]

بسم الله الرحمن الرحيم
السلام عليكم ورحمة الله

اخواني اهل مصر الحبيبه انا الآن متواجد في القاهرة واسكن شارع جامعة الدول اريد ان اسأل عن محلات بيع الطيور والحيوانات الاليفه اين هي فيما عدا سوق السيده عائشه
ارجو منكم الرد باسرع وقت

[legend55555]

اهلاً بك استاذي ابو ابراهيم في بلدك التانيه مصر
انا عايز بس اسال حضرتك ليه ماعدا سوق السيده عائشه هل لان حضرتك زرته ام لسبب اخر وبالنسبه للمحلات الافضل منها لو حضرتك هاوي نوع معين تشوف هواه للنوع ده و ياريت تبعتلي رساله علي الخاص وتحددلي رغبات حضرتك بالظبط عشان لو حضرتك عايز تشاهد طيور الهواه ون من افضل الاماكن السوق عالعموم مستني رساله من حضرتك وعلي فكره من افضل هواه الطيور في مصر هتلقيهم موجودين هنا في المنتدي واتمني انك تلاقي اللي انت عايزه

[ابو جميلة]

السلام عليكم ورحمة الله وبركاته
اهلا وسهلا اخى ابو ابراهيم واحنا تحت امرك فى اى شئ والاخ ليجيند بيدل حضرتك على الصح فالطيور من عند الهواه افضل من المحلات الا ان كان صاحب المحل هاوى والله اعلم والاخ ليجيند عارف الطريق كويس وانا تحت امرك
والسلام عليكم ورحمة الله وبركاته

[جابر عبد الله]

الاخ الغالي ابو ابراهيم صاحب اجمل صورة للوفاء و الحب ....
نورت بلدك مصر ... و كلنا في الخدمة
و نتمنى لك اطيب اقامة و اسعد الاوقات

[اوركيد]

طيب اخي ابو ابراهيم تقد تدخل الطير للسعودية ؟؟

خاصة والان انفلونزا الطيور منتشرة بالوسطى

عموما يابختك فرصه تتفرج على اشكال جديدة خاصة واني لاحظت انوا البادجي كريست موجود عند لااخوان المصريين بينما لم اجد ولم ارى ولا مرة عندنا طائر بادجي من نوعيه الكريست

[ابو ابراهيم]

اهلا وسهلا اخواني الكرام
اشكركم على كلماتكم الرائعة انتم يا اهل مصر الرائعة
انا قصدت ازور المحلات الكبيره اللي تعنى بالطيور عشان اشوف نوعية الطيور الموجودة في مصر واخد فكره عن اسعارها وعن نوعية الاكل المقدمة ليها وطريقة تعاملهم مع اكثارها لاني متأكد اني مازلت مبتدئ واكيد الاخوان المصريين اساتده في تربية الطيور
بالنسبة لسوق السيده عائشة انا زرته وشفت نوعيات رائعة لكن تحديد وقته بقبل صلاة الجمعة ضيق فانا ارغب اشوف المحلات على راحتي علما اني لن استطيع شراء اي طير والاتيان به للسعودية لان القوانين تمنع من دلك بسبب انفلونزا الطيور اعادنا الله واياكم منها لكن ممكن اخد الاكل والفيتامينات والاعشاش واي شي الاقيه مفيد

اختي اوركيد تحية طيبه لك
طبعا مسألة الشراء صعبه جدا نظرا للظروف الحاليه
وبالنسبه للبادجي الكريست انا حصلته مرة واحدة في سوق الطيور بالرياض قبل ان يجينا الوباء الله يكفي شره وبعد ديك المرة انا ماشفته ابدا

تحياتي لكم

[mr.nasser]

اخى الحبيب والكريم/ ابو ابراهيم
السلام عليكم
اولا اهلا بك اخى فى وطنك وبلدك الثانية مصرنا الغالية وبعد....................
كم كنت اتمنى ان اساعدك واخدمك فى اى امر تريدة ولولا اننى فى بلد غير القاهرة لعملت اللازم لحضرتك... واذا تفضلت وتكرمت وتاتى الى بلدى الحبيبة (بنى سويف) يكون لى الشرف العظيم ولولا ظروف عملى لكنت اتيت لحضرتك فورا وعلى العموم الفرصة موجودة فياريت ترسل لى رسالة على الخاصة تعطينى رقم تلفونك المحمول وربنا يسهل على الباقى ... واناشد اخى الحبيب وصديقى الغالى ابو جميلة لعمل اللازم معك فياريت ترسل لة رسالة على الخاصة وهو سوف يقوم بالازم مع حضرتك لما ما يملك خبرة عالية فى الطيور واماكنها وايضا لما يملك من اخلاق عظيمة وتواضع ما بعدة تواضع ... واى عضو فى القاهرة تحت امر حضرتك ... واخيرا منور بلدك حبيبى ...... والله المستعان

[جابر عبد الله]

الاخ الفاضل ابو ابراهيم ..
لقد ارسلت لك رسالة منذ اربعة ايام لكي تتصل بي و لكن يبدو انه ليس لديك الوقت للدخول على النت او لم تقرأها ، على كل الاحوال اقامة طيبة و اوقات سعيدة و تمنياتي لك بالتوفيق