حكايتي المئساوية لسلاكة الزيبرا لحد دلوقتي

[elkoush]

السلام عليكم ورحمة الله وبركاتة

من حوالي اسبوع قررت اني اعمل سلاكة زيبرا رحت اشتريت السلاكة ودورت على العصافير وكأني بدور على إبرة في كوم قش الاسكندرية في مصر نادر فيها تواجد الزيبرا اكتشفت كده بعد مالفيت اسكندرية من شمالها لجنوبها ومن شرقها لغربها لحد ما لقيت بتاع عصافير وعندو زيبرا جميل اوووووووووي كنت شفت المواضيع إل في المنتدى عن الزيبرا وازاي اشتريها وازاي افرق بين الدكر والنتاية لسة جديد في الزيبرا بقى قلتلو قلتلو انا عايز اربع تجواز حلو جميل جبتهم وقلتلو اتأكد انهم دكرة ونتايات قالي كلو تمام جيت هنا جيت هنا انقلهم في السلاكة لقيت 7 منهم في علامات تحت جناحم بيضاء على خلفية بنية ومنقارهم احمر زاهي جدا المهم قلت مش معقولة حيبقى عاطيني نتاية واحده و7 دكرة المهم عملت موضوع هنا والاخ كريست اكدلي انهم دكرة رحتلو بتلات دكرة عشان اخد اربع تلات نتايات ويبقى العدد متعادل اربع دكرة واربع نتايات وحصل بنا مشاده عشان بيقلي انا بياع ومستحيل اغلط بعد المشاده الكلامية دي لاقيت عندو نتايتين بس اختهم وبقى معايا دكر جيت وربنا وفقني وعرفت اشتري نتايات من مكان تاني
جيت بتابع السلاكة لقيت دكر نافش ريشو جامد ونزلت موضوع بكده امبارح وسألت هو نافش ريشو لية ومحدش رد عليا تقريبا المهم انا شكيت انو مريض فصلتو عن العصافير ورحت العياده البيطارية والدكتور عطاني مضاد حيوي وقالي ده عندو مرض فيروسي ومش حايعيش وكويس انك فصلتو بس قالي خلية يعطش واديلو المضاد الحيوي باليل الكلام ده ابارح الساعة 9 ليلاً شلت مسقاة الماية من عندو عشان يعطش واديلو الصبح المضاد حيوي صحيت النهارده لقيتو فعلا مات بس المصيبة مش كده لاني مهيء نفسي من امبارح انو مافيش امل زي كلام الدكتور المصيبة اني لاقيت في السلاكة اتنين تانين نافشين رشهم حطيت على ماية السلاكة المضاد الحيوي وبحاول اكلم الدكتور من الصبح بس باين علية لسة نايم شباب ادعولي ربنا يعدي الفترة دي على خير الخلاصة ان هنا في مصر مهنة بيع العصافير دي إل شغالين فيها منهم كتير نصابين ادعولي شباب........

[crest10]

السلام عليكم

اخي اتقدم لك بالاعتذار عن عدم تجاوبي على موضوعك اللي بتتكلم عنه ، اخي ربما يكون لديك حشرة الفاش فهذه الحشرة تنهي حياة كل الطيور وبنفس الطريقة..
قم بابعاد كل الطيور من السلامه ورشها بمضاد للفاش..
واي خدمه انا تحت امرك..

تحياااااااااااااااااتي

[elkoush]

اخي العزيز جدا كريست شكرا ليك على تجاوبك الدائم مع كل الاعضاء وتعاونك وتفانيك في المنتدى وجل من لا يسهو اخي العزيز انا بقول كلمت حق انتا سبب اساسي في استمرار المنتدى الاكثر من ممتاز انا كلمت الدكتور وقال ان العصافير عندها حاجة اسمها نيو كاسل وده المفرود بيتاخدلو تطعيم وهو ده وقتو بين الشتاء والخريف قالي تمسكهم واحد واحد وتحطلهم المضاد الحيوي في بقهم نقطتين ثلاث مرات في اليوم لو ماشفتش تحسن لحد بكرة او لو حد مات يبقى حايمتو واحد ورا واحد بس اقول اية غير حسبنا الله ونعم الوكيل

[spirit_stallion]

السلام عليكم
اخى العزيز انا ايضا من الاسكندرية و الزيبرا كانت موجوده بوفرة من حوالى 4 شهور لكن بسبب انفلونزا الطيور قل مربيها و تقريبا اختفت من السوق و المحلات
انت مغطى السلاكة كويس ممكن يكونو بردو منك و عموما انا اشك ان يكون عندهم نيوكاسيل اساسا انا بيطرى
انت بس دفيهم كويس و حطلهم بيض بالبقسماط و اخلط معاه المضاد الحيوى و كمان حطه فالمية و ان شاء الله يتحسنو اهم حاجة الدفا و تحميهم من التيارات الهواءية

[elkoush]

اخي العزيز spirit_stallion

انا مغطي الجوانب بنايلون يعني مافيش تيارات هوائية عملتلهم بيض بالبقسماط النهاردة

والمضاد الحيوي موجود في الماية ويسمع منك ربنا ويتحسنو