جم استفسار .. :)

[A.Alyousifi]

السلام عليكم و رحمة الله و بركاته ..

اخواني انا تقريبا من اربعة ايام شريت لي كاسكو افريقي و هذي اول مره اربي فيها كاسكو يعني ما عندي خبره كلشششش

عندي جم استفسار ارجو من الاخوه و الاخوات يردون علي ..

اولا : الكاسكو للحين يخاف لمن يكون داخل القفص و اييله يخاف و يبطل حجلة و يجعر مرات بس لمن يكون فوق القفص على الستاند عادي مو مثل داخل .. شنو السبب .. و ما يلعب بالالعاب الي حطيتله ياها و الاحظه يخاف منها شويه ؟؟

ثانيا : وايد ينتبه حق الاصوات يعني اي حركة جذي يطالع ؟! طبيعي ؟! و لا خوف ؟!

ثالثا : امس و الحمدلله اول مره ياكل من ايدي .. بس بغيت امسح على راسه و جذي اشلون ابي طريقه لاني ما لقيت بالمنتدى و كل ما احاول يخاف و يرجع..

رابعا : عادي اخليه في وقت الليل بالظلمه ( ما يشوف شي كلش وايد ظلمة ) ؟؟

خامسا : لاحظت انه اكله كثير يعني ياكل وايد هل كل ما يخلص اكله احط له و لا اخليه و كل جم ساعة احط له ؟؟

سادسا : واايد يلعب بريشه و يعدله و يحك راسه و جذي .. هذا شي طبيعي و لا لأ ؟؟

سابعا : متى اسبحه او ارش عليه ماي انطر عليه و لا الحين ؟ .. لانه اخاف اسبحه يخاف مني اكثر ..

ثامنا : لمن يطلع على ايدي يخاف و يحاول يرجع القفص ماله .. بس اهوا يصعد بالغصب و انا شاريه يصعد .. فشسوي له .؟!!

و للمعلومية عمره الحين تقريبا سنة او اقل شويه

و اخيرا سوري اخواني على الاسئلة الكثيره و البايخه بس ان شااءلله ما تردوني ..

اخوكم .. علي ..

[allawi]

اخي العزيز برجوعك للمواضيع المثبته ستجد كل ما تسأل عنه


بالتوفيق

[A.Alyousifi]

والله اخوي رجعت و ما لقيت الي اسأل عنه

[عبدالرحمن المسفر]

[

color=green]مرحباً اخوي ... اذا كان الببغاء يخاف داخل القفص اخرجه منه واتركه على الستاند طالما هذا يريحه .. وربما سبب الخوف من القفص سوء معامله سابقة له ..ولابد ان تترك اي ببغاء خارج القفص اذا ما اردت ان تعلمه النطق والتدريب و الترويض.. يخاف من كثرة الالعاب لانها ليست معروفه بالنسبة اليه اذا انتظر حتى يعتاد عليها .. وانصحك بسحب الالعاب في هذه الفترة حتى يتكيف معاك انت اولاً ثم الالعاب..من ناحية انه يأكل من يدك فهذا شئ جيد .. ودليل على انه متقبل منك الطعام .. وهنا من الممكن ان يتقبل منك المسح على الرأس ولكن لا تجبرة وكن هادئ معه .. المسح على الراس لايأتي بالقوة ابداً وانما على حسب رغبة الببغاء بذلك..من ناحية الظلمه تكون بوقت النوم .. يعني من المغرب الى الفجر لابد ان يكون بظلمه دامسه فهذا افضل لانك انت تتماشى مع طبيعته الام بالنوم بالظلام... النوم بالظلام الدامس يساعد الببغاء على التقبل من صاحبه الكلمات الاولى والتدريب يكون اسهل ..من الممكن انه ياكل بشراهه من الخوف والتوتر الذي هو فيه اذا انت قدم له الطعام مرتين بالنهار وآخر الليل .. فقط .وباقي الوقت ابداء التدريب .. فهو سينسى الطعام يلتفتت الى صاحبه اكثر..الببغاء لابد ان ينظف نفسه وربما يعيد ترتيب ريشه لانه يشعر بعدم الانسجام بالمكان الجديد .. ولكن يبقى شئ طبيعي فبعض الطيور قد تشعر بالحكه .. ولكن اذا كثرت الحكه رشه ببخاخ نترول سبراي .. بخاخ خاص للفطريات ..انسى فترة الاستحمام بالوقت الحالي لانه لم ينسجم معك اصلاً ..ممكن الببغاء يخاف من السقوط ولا يثق بيدك كمكان للوقوف وانت ما عليك الا ان تثبت له غير ذلك وذلك باجبارة على الوقوف على يدك والتحرك به في ارجاء المنزل كل يوم على الاقل مرتين .. وستلاحظ انه بداء يتقبل الوقوف على يدك بل من الممكن انه سيضل واقف طوال الوقت ..[/color]

[A.Alyousifi]

مشكوووووووووووووووووور اخوي والله نصايح و لا احلى و الله يخليك ان شاءالله و يوفقك ..

مادري اشلون اعبر لك عن شكري لك والله يرحم والديك و يوفق الجميع ان شاءالله ..

اخوك علي ..

[عبدالرحمن المسفر]

العفو اخوي علي واحنا تحت امرك وفي خدمتك.