السلام عليكم لكل الاخوان في منتداكم الحبيب
للأسف مبارح رميت 7 بيضات من تحت انثايتين صارلهم راقدين عليهم 8 ايام
مع العلم اني شفت الذكور تكبس الاناتي والذكور مخلفة السنة الفاتت ( وصغار في العمر سنتين وتلاتة) اشتريتلهم فيتامين ُE وان شاء الله خير
وحده من الاناتي رجعت بنت كمان عش والتانية لسا ان شاء الله قريبا ترجع تلف
عندي انثى قصتها طويلة وما شاء الله عليها الانثى حلوة لونها اصفر مقنبرة سكني واصفر وحجمها كبير
المهم الانثى عندي من شهر 8 - 2006 كنت حابب اشوف خلفتها بس ما صار نصيب السنة الفاتت واغلب الظن انو بسبب الحسد لانو في شب شافها وقالي بدي اياها قلتلو ما بدي ابيعها وقالي بوقاحه يا بتبيعني اياها يا بتموت من الحسد
انا نرفزت شوي وقلتله خليها تموت بس لو تدفعلي 1000 دولار ما بدي ابيعها بسبب وقاحته
وفعلا بعد ما راح الشب تاني يوم لاحظت عند الانثى اسهال شديد ونفشت ريشها وصارت ضعيفه جدا وضلت على هادي الحالة مدة طويلة وانا اعطيها ادوية اسهال وشاي مر وما خليت موضوع في المنتدى الا قرأت اراء الخبراء في المعالجه بحمد الله بطلت تنفش ريشها بس ضل معها الاسهال وكنت بحطلها الشاي المر تصير منيحه ارجع احط مي عادية يرجعلها الاسهال مع انها ما بتشرب كتير ( وطول هاي الفترة بتضل تغير ريشها مرتين غيرت ريشها كامل في 6 اشهر )
وكنت استغني عن الخضرة اللي في مي كتير بلاش يزيد الاسهال وتموت
الحمد لله المهم قبل اسبوعين حطيتلها دوا وفيتامينات وبيض وجرجير وكل شي بياكلو الكناري
صارت منيحه بس لاحظت بعدها انو عينها الشمال انتفخت وصارت تدمع وانا حزنت عليها لاني بحبها كتير الانتاية هادي ومن قبل يومين لاحظت كمان عينها اليمين انتفخت وصارت تدمع
وهلا بدخل ايدي في القفص وبمسكها وما بتكون شايفة وما بتعرف توقف على العيدان ومنيح اللي بتلاقي المأكل سبحان الله
((( ومن يومها الحمد لله تعلمت ما اترك حد يدخل على غرفة العصافير غيري انا واخوي وبس لتغيير الاكل والمي )))
وانا حابب اشوف خلفتها الانتى وشافها خبير كناري وقالي مش كبيرة في العمر بتخلف خليها عندك وان شاء الله بتصير منيحه ( واللي بيشوف بطن الانثى بيقول جاهزة وبدها تبيض بس صارلها هيك من زمان ومرة بتضعف ومرة بتنصح حيرتني الانثى يا اخوان )
فأرجو من الخبراء ازا بالامكان تشخيص المرض واعطائي الدوا المناسب
واعتذر عن الاطالة في السرد بس في المنتدى بلاقي راحة النفس والتفاعل من الشباب
وشكرا للجميع وان شاء الله يكون موسم وافر للكل والف مبروك للي طلع عندهم فراخ ويتربو بعزكو
