مشكلت الكروان حقي ..

[النمر]

السلام عليكم ..
عندي مشكله مع الكروان حقي .. اول ما شريته من 5 ايام تقريباا .. الى
الحين .. يومياا العبه معه .. لكنه ما يستلطفني نهائيا .. مع انه يطلع على
يدي .. لكن وهو واقف على يدي يحاول يعضني .. ولما احطه على كتفي
يوقف عادي .. مع العلم ان صاحبه الاولاني مقصص جنحانه من اول ..
ولاحظت ان طريقته غلط .. حيث انه مخلي اول3 ريش من جناحه اليمين
وريشه وحده فقط من جناحه اليسار ..

حاولت اني اجوعه نص يوم بعدين اعطيه الحب الشمسي .. لاكنه يرفضه
من يدي .. ولما احطه على جنب واحط له الحب الشمسي .. ياخذه عادي ..
عمره ما اتوقع تجاوز ال 8 شهور ..

ولما اعبر بجنبه .. وهو في القفص احسه يحاول يستلطفني .. افتح له
القفص ارووح وارد له ما يطلع .. واذا جيت اطلعه يرفض .. ما ادري ش الحل ؟

هل يحتاج الى وقت اكثر لكي يتعود على المكان ؟؟
وهل من الصحيح اني احركه من غرفه الى اخرى ؟؟
والا اخليه في نفس الغرفه حتى يتعود عليها ؟؟

[سيكا]

احتمال الكروان يفتقد صاحبه الاول اذا كان متعود عليه

وتجويعه نص يوم مره كثير لاتجوعه اكثر من اربع ساعات .

خمس ايام للحين قليله خليه اكثر يألف المكان ويتعود عليك اكثر

واكيد الافضل انك ماتحركه من الغرفه اللي هو فيها علشان لايتلخبط اكثر

لاحظ ان الطيور تخاف من كل شي جديد حتى لو انه بنفس الغرفه اي شي جديد تجيبه لازم ياخذ فتره علشان يتعود عليه فمابالك بتغيير الغرفه كلها .... طول بالك والصبر اهم شي مع الطيور وترى الكروان من اكثر الطيور خوف .

[النمر]

شكراااا سيكااا ..
صراحة انا لاحظت عليه الخووف بشكل غير طبيعي ..
ومن خوووفه ينفت عليّ مثل القط .. والله مثل القط

فيه سؤال نسيت أسأله .. بالنسبة الى الضرب على المنقار ..
اعرف واحد يستعمل هالاسلوب عشان ما يعض بعدين ..

عضه = ضربه

بس ما ادري انا خايف يخافني ما يتعلم عدم العض ..
وبعدين اخليه طليق في الغرفه والا احبسه .. مع العلم ان عندي
درتين صفراء وخضراء طليقتين عندي .. واذا شافوه يطقوووه طق مبرح

[Joud]

السلام عليكم ...

اخوي النمر.....

ما باضيف شي على نصايح اختي سيكا سوى ان الضرب على المنقار طريقة يستعملها المربين لتعليم الطيور على عدم العض.... وانا ما افضل انك تستخدمها خصوصا هاليومين لان الطير بعده ما تود على المكان ولا عليك وبيزيد خوفه منك ولا بتقدر تروضه... لا تستعجل على ترويضه و لا تحاول تطلعه بالغصب .. بس مجرد انك تبدل له الاكل يوميا وتقعد تراقبه وتقرب منه بهدوء....... فتره بسيطه وبيتعود عليك ... اذا ما عاد ينفت عليك تقدر تبتدي ترويضه بس خل حركتك معاه بطيئه وهاديه... وبما ان الدرتين اللي عندك يطقونه ... من غيرتهم منه ... لا تتركه معهم ... ولا تطلعه وتوكله قدامهم وحاول انك ما تعامل احد معامله خاصه اذا كانوا مع بعض .. ولو ان الكوكاتيل بيحتاج منك معامله خاصه عشان تبتدي تدربه...اذا فكرت تقعد مع الكروان غير مكانهم عشان ما يشوفونك ويحسون انك مهتم فيه اكثر منهم ...هذا غير ان الدرة محترفة عض ويمكن تعلمه العض وتخرب تدريبك له.....

[النمر]

شكرا لك اختي Joud

وبالنسه للضرب قررت اني اخليه في غرفتي وابعد الدرر ..
لانهم تعودوا عليّ خلاص فما راح يضرر .. والا ش رايكم ..؟

[Joud]

يكون احسن ...... بس الكروان يطلع زغب كثير (الريش الصغير) لذلك اذا ماكانت عندك حساسيه فلا مشكله ولكني افضل ان الكروان يكون خارج غرفة النوم خصوصا عند النوم

[النمر]

ابشركم .. جوعته من جديد .. وصار ياكل من ايدي ..
بس بعديه فيه تخوووف ..
جوعته واكل من ايد شوووي .. وبعدين وقف .. سد حاجته بس
ولما رجعته القفص وحطيت له الاكل كمل ياكل .. انشالله كلهاا اسبوعين
ويتعود ..

شكرااااااا لكم شكراااا ..
وبالنسبه الى سوق الطيور بالبحرين وين ؟؟
لان انشالله بطلع البحرين خلال اسبوعين .. يمكن يعجبني
شيء هناك واخذه ..