اقتراح لاجمد عضو

[brashy101]

السلام عليكم . كيف الحال يا رب بخير.
انا عندي اقتراح لاهل الخبره والتميز. هو عباره عن ان كل يوم يكون فيه موضوع عن احد انواع البادجي زي الباندد مثلا والهولندي وطبعا مرفق بالصور
حد يقولي الكلام ده كله واكتر منه كمان موجود بالمواضيع المثبته .
انا عارف بس المعلومات لما تكون مرتبه وبشكل بسيط وكل يوم معلومه يكون اسهل واحسن وفى نهايه الشهر مثلا يكون كل عضو عرف جميع انواع البادجي وبالتالي يعرف النوع اللي بيربيه ايه؟؟؟؟؟؟
يارب تكونوا فهمتوا وجهه نظري فى الموضوع .
وفى انتظار العضو البطل اللي يعمل كده
يلا سلام ........وجزاكم الله خيرا

[legend55555]

والله اقتراح ممتاز بس مش عايزينه يكون من عضو بطل وبس
لا كل الهواه يشاركوا بصور لنفس اللون اللي يجي عليه اليوم
يعني مثلا النهارده يوم خاص بالاسبنجل كل الاعضاء اللي عندهم اسبنجل
يضعوا صور طيورهم وحقيقة انا شفت نفس الفكره بس كانت مقسمه لبادجي ازرق
وبادجي اخضر وكانت ممتازه وكانت علي منتدي اجنبي ولاقت اعجاب شديد من الهواه عليه فاحنا لو عرفنا نطبقها كل لون يوم هتكون ممتازه باذن الله
,

[Amy]

فكره جميله فعلا واعتقد ان رأى ليجند حيكون اسهل وانجح فى التنفيذ
وفى انتظار رأى الإداره

[ابو جميلة]

السلام عليكم ورحمة الله وبركاته
جزاكم الله خيرا اخوانى الاحباب على الافكار الرائعة وان شاء الله نحدد سوييا يوما بالاسبوع يتم اختيار لون نضع صورة جميعا بعد الاتفاق طبعا على موافقة المشرفين والاعضاء على الفكرة
وانا اقترح الاحد من كل اسبوع واختيار اللالوان يكون فيما بيننا او ما تفق عليه ان شاء الله
والسلام عليكم ورحمة الله وبركاته

[الاحمدي]

فكرة جيدة بس ياريت الجميع يشاركنا الموضوع