انا مت واعلمه اقول كاسكو بس...

[Brave Heart]

الصراحه هذي اول مشاركه لي وانا قريت كل المواضيع الي في المنتدى تقريبا وماقصرتو

انا عندي مشكله انا شريت الرمادي قبل 3 اشهر وعمره الحين 11 شهر وكنت كله اعلمه اقول (كاسكو) وفي النهايه قاله بس مب واضحه كله اقول (كاكو) ومرات اقولها بتصفير بس كلش مب واضحه وهو على هالحاله تقريبا شهرين ومب راضي ينطقها عدل شسوي؟

اسف اذا طولت عليكم
مره ثانيه والله ماقصرتو ماشفت منتدى احلى من هالمنتدى

[حمزة]

أولا أهلافيك في المنتدى

أنا ماعندي خبر في الببغاوات
لكن يمكن يبغالك شوي صبر وإذا حاول ينطقها عطيه حبة من الحبوب حق الأكل عشان يتشجع:)

ننتظر رد الإخوان:)

[د. حسن سلامه]

بسم الله الرحمن الرحيم
أخى الفاضل
أستمر على الكلمه نفسها وكررها بنفس الصوت وايضا تحدث معه وانت تنظر فى عينيه ليشعر بمحاولة تواصلك معه وقل كلمات تدل على ما تعطيه له من فواكه وغيرها من المحبب اليه وسرعان ما سيجيد الكلمة وغيرها الكثير إن شاء الله تعالى.
تقبل تحياتى

[كوكاتو]

هلا فيك اخوي
انا بعد مثلك لاكني مايأست
انا عندي واحد اقوله كوكو بس يقولها مب واضحه بس انه كل يم يتحسن


وانت كل يوم قله كاسكو الى يتعلم وقلها له بوضوح وبصوت عالي حتى اذا جاء يقولها يسوي مثلك بالضبط

وشكراااا

[Brave Heart]

تسمون اخواني على الرد الصراحه طلعتو قدها باسوي الي قلتوه واذا قالها عدل بابشركم

كان عندي رمادي قبله وكان فرخ علمته الكلام5 اشهر كله اقوله(كاسكو) وانا فليل قبل ما انام قالها مره وحده واظحه واستانست حتى ما قدرت انام ولمن ييتله اليوم الثاني شفته ميت والله بغيت اصيح لانه حسين جنه انسان ميت عالعموم تسلمون على النصايح

[كوكاتو]

خساره الي مات الله يرحمه
لاكن هل هي نفس النو ع
وشكرا

[Brave Heart]

اي اخوي كوكاتو نفسه بالضبط اثنينهم جامبو بس هذاك كان لون مايل للغامج وهذا للفاتح بس ما اظن ان في فرق المهم انهم اثنينهم جامبو