انواع الكاسيكو؟

[احلى كويتي]

السلام عليكم ورحمة الله وبركاته
اخواني انا سمعت ان في ثلاثة
انواع للافريقي وهم جامبو
والعادي والغيني (التمنة)
ولكن سؤالي كيف افرق
بينهم يعني كيف اعرف هدا جامبو
او عادي او غيني؟
وانا اللي اعرفه ان الجامبو
افضل نوع فهل هدا صحيح؟
وفي مادا هو افضل يعني في
الكلام او الترويض او ويش؟
وادا تقدروا تضعوا لي صور للانواع يكون افضل
ارجو منكم الرد لاني ناوي اشتري
لي كاسيكو وما اعرف اختار ويش

[عايد]

الجامبو يكون اكبر حجم طبعاً ..

والتيمنه يكون لونه اغمق من العادي .. وخصوصا في منطقه الرأس

ما اعتقد فيه اختلاف في الترويض والتدريب .. بس العادي او الجامبو مطلوب أكثر من التيمنه بالسوق عشان كذا سعره اغلى .. واذا انت معزّم تشتري .. اشتر اللي يعجبك .. لكن الأفضل يكون صغير بالعمر عشان تقدر تدربه وتعلمه زي ماتحب ..

[احلى كويتي]

طيب اخوي انا اريد اعرف الفرق
بين العادي والجامبو وادا ممكن
صور يكون افضل لاني اريد اشتري جامبو
مو عادي وانا ان شاء الله
بشتري واحد عمره شهرين
او شهرين ونص واطعمه سريلاك
ومشكور اخوي ما قصرت

[عايد]

الجامبو حجمه اكبر من العادي بشوي

[عايد]

بس اذا كنت بتطعمه سيريلاك .. انصحك تاكله السيريلاك المخصص للببغاوات لان سيريلاك البشر يختلف ويسبب نقص في النمو والذكاء على حسب ماقرأت

[احلى كويتي]

طيب اخوي كيف اعرف ان هدا حجمه
اكبر ادا كان موجود بروحه
وبالنسبة للسريلاك وين يبيعوا السريلاك
المخصص للطيور في السعودية في
الشرقيه لان في اماكن الطيور ما شفت
عندهم وشكرا لك على الرد

[عايد]

والله ماعندي خلفيه وين يبيعونه .. اسأل اهل التفريخ اكيد عندهم خبره ..

انا حجم العادي يكون اكبر من حجم الدرّه المطوقه بشوي ..

وحجم الجامبو .. يكون اصغر او قد حجم المكّاو الفرخ ..

وطبعاً تختلف الأحجام مو يعني بس فيه حجمين صغير وكبير !!
لو جبتلك صور ماراح توضح لك لكن بدورلك صور تجمع الاثنين

[احلى كويتي]

مشكور اخوي جزاك الله الف خير
انا اشوف السريلاك المخصص للطيور
عند الاجانب بس عندنا ما عمري
شفت وانا بسأل وان شاء الله ألقاه
وطيب انا سمعت ان الجامبو
افضل نوع فهل هدا صحيح؟
فكم سعره في السعودية؟
وكم سعر العادي في السعودية؟
ومشكور اخوي مرة ثانية على المساعدة

[سماره]

أخوي أحلى كويتي أنا أقدر أفيدك عن الببغاء او الكاسيكو لأني أربي ، هما نوعان الأفريقي والبلجيكي ، الأفريقي حجمه كبير ولونه فاتح ونطقه أوضح أما البلجيكي حجمه صغير مثل الحمامه ولونه غامق أغلب الأحيان ونطقه ليس بوضوح الأفريقي ، وأنا أفضل الأفريقي وأنصحك أن تعرف سن الببغاء التي تريد شراءها عن طريق لون العينين ، الصغير الفرخ لون عيناه سوداء بما فيها بأبأة العين ، الأكبر بقليل من الفرخ تكون لون عيناه حوالين البأبأة رايبون مثل النظارة الرايبون وهذا أحسن سن للتربية ، أما لون العينين بيضاء حوالين بأبأة العين فيكون كبير قليلاَ ، أما الكبير تكون حوالين بأبأة العين صفراء وهذا النوع صعبه تربيته .

[احلى كويتي]

مشكور اخوي سماره على المعلومات المفيدة
وانا ادا بشتري بخد لي واحد عمره شهرين
واطعمه سيرلاك وان شاء الله احصل السيرلاك
المخصص لهم
ولكن عندي سؤال هل السيرلاك المخصص
للكاسيكو هو نفسه المخصص للكوكاتيل والحب
وبقية الطيور او كل نوع له سيرلاك مخصص له
ارجو الرد
وجزاكم الله خيرا