عصافيرى قرفتنى وزهقت منهم

[shimaa]

اناعندى عصفورتين فيشر اخضر ذكر وانثى وقرفنى اوى انا كنت خليت واحد يجبلى اتنين وانا واثقة فية وبعدين جبتلهم قفص كبير قفص فيشر وباكلهم حبوب بانوعها ولب بس مش بيكلوا اى خضرة خالص مهما حولت

وهوة كان قيلى دول على شهر 9 يكونوا فرخوا وانا كنت جيباهم فى شهر 8 شكيت انهم ذكر وانثى رحت سالت واحد اكدلى فعلا وورانى فين الذكر وفين الاثنى زى مالى جبهم قلى وقولتوا طيب دول صغيرين ولا كبار قلى لا دول على التفريخ

دلوقتى يسمعوا صوت الاقيهم هاجوا اوى ومش عاوزين يهمدوا فى مكان لاما الاقى ديما الذكر جوة العش مش عارفة لية ديما جواة وسعات بيهربوا على العش وسعات بدخل الاقيهم جوة يسمعوا الصوت يطلعوا بفكر البسلهم لبس فيشر وانا داخل انا حاطة القفص فى البلكونة وفى ستارة والحركة بسيطة عندهم

حطيت كارينا فى العش مش كتير مع الوقت بقوا يدخلوا والاقيها مرمية برة لحد مفضوا العش وسابو شوية صوغيرة وملوها شقر لب نظفتوا وحطيت تانى برضوا بيرموها برة وانا اسمع عن سعف النخيل ودة بيتجاب منين

فانا عايزة اعرف الحل اية فى الخوف وعدك اكل الخضرة وان الذكر هوة الى بيدخل العش انا فكرت ابعهم واخلص منهم

ودول صورهم الى رسها غامق دية النتاية والى رسها فاتح دة الذكر

دية صورة ليهم


http://img515.imageshack.us/img515/1456/dsc07239bj8.jpg

[ابو جميلة]

السلام عليكم ورحمة الله وبركاته
اختى الفاضلة اهلا وسهلا بك فى التجمع الدولى لعلم الطيور وان شاء الله تستفيدى معنا
اعتقد انك لابد وان تزورى قسم الموضوعات المميزة والمثبتة ولكن اختى الفاضلة احرصى على الهدوء للطيور ودعيهم يصنعوا العش بانفسهم والجريد حضرتك امره سهل فهو ما يلف به حزم الجرجير والبقدونس ضعيه فى ارضية القفص ولكن يجب ان يكون جاف من الماء وهم سيبنون العش بانفسهم
حاولت ان اقدم حلول بسيطة ولكن طبعا خبراء طيور الحب سيقدمون المزيد
ملحوظة برجاء مراجعة خانة الجنس فى الملف الشخصى
والسلام عليكم ورحمة الله وبركاته

[ابو رهف]

اختي شيماء اعتقد ان اخي ابو جميلة ما قصّر ورده يكفي.

[shimaa]

طيب شوفتوا الصور محدش علقعليها لية عاوز اعرف كويسين صغيرين اى حاجة تفدنى وبعدين اجبها برضوا منين النخيل دة واحط نشارة ناعمة ولا اية؟ والخوف دة لية ولية مش بيكوا خضرة

[haytham]

السلام عليكم و رحمة الله و بركاتة
أختى الكريمة
أهلا بك و مرحبآ فى تجمعنا الغالى و نسأل الله عز و جل ان تستفيدى من خبرات أساتذتنا و خبرائنا .
بخصوص طيورك أولا هى طيور بالغة , أما بالنسبة لتحديد الجنس فهى عملية صعبة جدآ من خلال الصور , و إن كنت أميل الى كلامك أختى أنهم فعلا ذكر و أنثى , ثانيآ مسألة الخوف و الهرب هى فطرة موجودة فى طيور الحب كلها و ليست طيورك فقط فلا داعى للقلق من هذا , ثالثآ لا تضعى الكارينا فقط داخل العش و لكن ضعى منها ايضآ فى القفص و ان شاء الله سيقوم الزوج معآ بجمعها و وضعها داخل العش , و إن كانت الأنثى ستكون اكثر نشاطآ من الذكر فى هذا , رابعآ أهتمى بالتغذية جدآ فى هذه الفترة و ضعى الجرجير يوم و يوم و لا تنسى عظم الحبار و حاولى توفير الهدوء لهم , و إن شاء الله تفرحى برؤية البيض قريبآ .
والله الموفق

[shimaa]

يا جماعة اقرو كلامى الاول قبل محد يجاوب علية انتوا بتقولوا اعمل اية وانا موضوعى انى بعمل كل دة وعندى مشاكل انا مش طلبة ازاى اهتم بيهم لو حد مش عارف ميردش واخر واحد رادد علية بيقولى اهتم بالجرجير وانا فى الموضوع بقول مش بيرضوا يكلوة يا ريت رد ينفعنى

[XP_2600]

هذه الطيور بناءا علي الصورة تبدو صغيرة , والله اعلي و اعلم, عليكي بالصبر ثبتي القفص في مكان عالي لا تزعجيهم قدمي مواد التعشيش, لا تفتحي العش , وقدمي البيض و الجرجير بشكل دوري, والله المستعان علي كل الامر.

[haytham]

السلام عليكم و رحمة الله و بركاتة
أختى الكريمة
أولآ ياريت بلاش لهجة العصبية الموجودة فى كلامك دى , و للعلم الكل هنا ما شاء الله هواة على قدر كبير من المعرفة مش مستنين هاوى جديد يجى و يقول اللى يعرف يرد واللى مايعرفش مايردش , ثانيآ حضرتك بتقولى" اخر واحد رد عليا بيقولى أهتم بالجرجير " والله أخر واحد ده له اسم موجود و حضرتك تقدرى تشوفيه و تكتبيه , و للعلم انا رديت على موضوع حضرتك ككل , سواء عن عمر الطيور أو عن خوفهم أو عن مواد التعشيش , أما بخصوص الجرجير أنا ماخدتش بالى أنك كاتبة انهم مش بياكلوه , و على العموم تقدرى ترفعى الطعام الأساسى عنهم لفترة و بعدين تضعى الجرجير و هما هيتعودوا عليه و يكلوه ان شاء الله , و لو حضرتك شايفة أنهم هيتعبوكى فى التربية بيعيهم و أشترى جوز تحته زغاليل أفضل .
والله الموفق

[XP_2600]

اختي في الله, اظن ان كل من يحاول المساعدة يستحق الشكر سواء نجح او اخفق (هذا بعيدا عن اعطاء معلومات خاطئة بالتأكيد) الاخ هيثم مربي قديم ولا يتكلم من فراغ ولكن هناك حدود لامكانيات المساعدة, وهو لم يقصر, والله الموفق.

[haytham]

السلام عليكم و رحمة الله و بركاتة
أخى الكريم محمد أمام
جزاك الله كل خير على ردك الطيب , و بارك الله فيك و فى طيورك , و لا ينكر أحد بالطبع خبرتكم الواسعة فى تربية طيور الحب أو فى علم الوراثة الخاص بها , فنسأل الله عز و جل أن يزيدك من فضلة و أن يجعل أعمالك فى ميزان حسناتك , إنه ولى ذلك و القادر عليه .