والله يااخوي انا لسا فاكرة البادجي واصلا مااقدر انساه ابدا والفترة الي راحت طيوري معايا لكن احنا نقلنا لبيت جديد وتعرف النقل وظروفو
غير اني خسرت 4 طيور بادجي رائعه بسبب بستنا الدبه حلا الي اكلتهم بدون رحمه
في غفلة عني
لكن الحمد لله على كل شي
القفص كبير وانا حسيت بفرحه الطيور لما حطيتهم فيه خاصه اني حطيت شجرتين كبيرة في وسط القفص
واول شي عملوه انهم كسرو الاغصان
طيوري طلعت شريرة مرة
والحمد لله بدو يفرخو وامس كان اول فرخ في القفص وفي البيت الجديد
وانا بقرأ ردك خطر ببالي اني اغطي القفص بنايلون كبير لونه ازرق كنت شفت زيه في محل ادوات البناء بس مدري ينفع ولا لا
الي خايفة منه هو انهم ينكتمو جوت القفص لما اغطيه
لانو القفص مفتوح من جهه وحده بس بقية الجهات مقفله جهه جدار وجهه على باب غرفة الزرع وجهه زجاج بالكامل
يعني مافي غير واجهه وحدة لكن ولانها كبير فالقفص باارد واحس الطيور تبرد وللان عزلت 5 طيور في قفص صغير وغطيتهم ماتت منها 2 بسبب اسهال البرد
برضو بنتظر رد بقية الاعضاء
وانا سعيده كونك اول من رد علي
تقبل شكري
