تحــــــذير لهـــواة تربية الكروان (الكوكتايل) في الرياض

[ابو ابراهيم]

بسم الله الرحمن الرحيم
السلام عليكم ورحمة الله وبركاته

اخواني الكرام محبي طائر الكروان من سكان الرياض الحبيبة
شفت الكثير منكم يروح لسوق الحمام بالرياض ويشتري الطيور المقصوصة الجنحان من الهنود والبنغالية على انها اليفة

طبعا ديننا الحنيف ناهينا عن الكذب والدجل والغش وكل هالاصناف يمارسها اصحاب محلات طيور الزينة في السوق وبتفنن
وكم مرة الي انقهر لما اشوف انسان يفاصل الهندي على ان الكروان اليف وهو اكبر متوحش بالعالم

ياجماعة هالهنود حسبي الله عليهم يعتمدون سياسة حرق الارض المزروعة تجاه الكروان هههههههه
يعني ياخذ الكروان من القفص ويقص ريشة ويدوخه وهو يهزه لين يختل توازنه ويدور اي جسم صلب يوقف عليه وبالحالة هذي بتشوفونه قاعد على يد راعية بكل اطمئنان
والامر الثاني اعتمادهم على التجويع المفرط في حق الطائر لين تنهار قواه كلها

واذا بغيتوا اثبت لكم هالشي خذوا هالطيور الاليفه على قولهم وحطوها على ايدينكم
ثواني وبتلقونها طايرة
واذا ماطارت قربوها لوجوهكم شوي وشوفو وين توصل اذا ماطارت للشارع منيب راشد
واذا ماطارت لاتستعجلون قربو اصبعكم لمنقارة وشوفوا وش يجازيكم فيه ههههههه

ياجماعة حلاوة الطير الأليف في صعوبة ترويضه نوعا ما ومحلا من انك تشتري كروان صغير وتألفه بنفسك

وانت بتجرب هالنوع من الطيور لاصار اليف وبتدعي لي كل ماشفته

[المهند]

اخي راشد كثير ماكان يجذبني هذا الطائر

وسمعت عنه الكثير كطائر ذكي

لكن ليس لدي الخبره به وبيني وبينك لا افكر في اقتنائه اجد طائر ضخم

اشكرك على المعلومه

[النمر أحمد]

أخي راشد
والله أنا أشتغل في توليف طائر الكروان
قص الجناح لا زم منه
بس أنا مره ما أشتري من الهنود
لو قلي بريال ما أشتريه


وإن كنت تبغا أي مساعد في توليف أي طير أنا في الخدمه

[ابو ابراهيم]

اهلين وسهلين اخوي مهند وشاكر مرورك
وجهة نظرك احترمها ومعاك حق كل واحد من الناس وله ذوقة وميولة تجاه الطائر الي يربية
عموما اتمنى لك التوفيق


اخوي ابو حميد هلا وسهلا
صدقت ياخوي قص ريش الطائر شي مهم للترويض بس مو بالشكل الحيواني الي يستخدمه الهنود عندنا
عموما ماتقصر ياصاحبي سبق وروضت اكثر من كروان بس للأسف منهم الي طار ومنهم الي مات
شاكر لك ياخوي