جديد في تربية الطيور. و عندي اسئلة لأهل الخبرة

[leeeh_keda]

( القصة ان العصافير جاتلي هدية ... للأسف كانو انثتين ....... فغيرت انثى بذكر ...... الانثى كانت بتحاول تداعبه . و بتصفر كتير .... وهو مالوش صوت خالص و قليل جدا لما يطلع صوت .... ( الفترة10 ايام ايام تقريبا ) .. و كل ماتقرب منه يضربها .......

ودي صورة الذكر ..



بعد كده هم الاتنين زي توم و جيري !! ... هاريين بعض ضرب .و خناق...... قلت افصلهم عن بعض ..جبت قفص تاني . و لزقت القفصيت في بعض .. حزنو هم الاتنين ..... و بليل الاتنين ينامو قصاد بعض ! منظر مؤثر ّ !

الاسئلة : .. ارجعهم في قفص واحد تاني . ولا المفروض افصلهم قد ايه ؟ . او لحد مالاقي علامة معينة ... زي صوت الذكر .. يصفر مثلا !؟؟ و الذكر ده عمره قد ايه مثلا ؟ !

مشكلة البيض . . مش بياكلو بيض .... لكن انا عايز اعرف حاجة تانية خالص .... ممكن اجرب احط البيضة من غير ما اهرسها ؟ .... انا متأكد انهم ممكن ياكلو اي حاجة بشكلها الطبيعي ..... او مش لازم اهرسها . نص او ربع بيضه مثلا ..... السؤال غرضه انا عايز اعرف هل المبرر الوحيد لهرس البيض هو عشان يعرفو ياكلوه ؟ .

الخيار او الجزر . . لو بشرته . ماحدش بيقرب منه ...... لكن بياكلوه لو حطيته بين القطبان . ( بكون مسهل عملية انهم يقطمو منها )

اللي بعده ايه الفتيامينات اللازمة ليهم ؟ و اسمها و مكانها ( انا في مصر ) .. و ايه البديل للبيض ؟ ..

و قريت موضوع اني ممكن احطلهم زيت ذرة . او زيت سمسم .... يعني اخلط معلقة زيت مثلا مع المية ؟ .. ولا اقدمة ازاي ؟

و موضوع اخر . احد الاعضاء كان بينصح . باللمون .. و الثوم ! .... طب الليمون . و حنعصره ..... لكن التوم حقدمه ازااي ؟!!!!

اللي بعده ... انا مش حابب اقص ريشه .... و عايز احميه ... طبعا الافضب في فصل الصيف دي معروفة . لكن احميه بالبخاخة عادي . ؟ . مش حيتضايق او يحاول الهروب من المية ؟ . وهو جوة القفص مش عارف يعمل ايه !

شكرا ... سامحوني للاطالة ..

في انتظار ردودكم

[leeeh_keda]

افتكرت سؤالين

.. لو عايزهم ياكلو البيض . احطه في "نفس الاكالة مع الاكل بتاعهم" . ( اللب السوري او الفلارس ....... ؟

اشعة الشمس . ضرورية بالنسبة لهم ؟ ....

سؤال اخير .... الذكر . كان جبان جدا ... و ابتدى ياخد على المكان النهاردة . لكن بحذر ....

الانثى بعد ما فصلتهم عن بعض .... رافضة تاكل من ايدي !! ... و شكلها حزين .. و زلانة مني اكيد ! ..... و ابتدت تعمل مثل الذكر !!!!!

في انتظار الردود ......

[mahseh]

السلام عليكم ,

أخى الكريم leeeh_keda ,

- أولا بالنسبة لما فعلته فهو صحيح , اتركهم كل واحد فى قفص لوحده الى ان يبلغ الطائر و تلاحظ انه بدأ يغازل الانثى .

- ثانيا هذا الذكر مازال فرخ حديث البلوغ او قد يكون لم يبلغ بعد عمره لا يتجاوز 7 شهور .

- بالنسبة للبيض فيتم هرسه لأن طيور الكوكاتيل تستجيب عموما الى الاطعمة صغيرة الحجم كما اننا نهرسه مع البقسماط ليختلط به . و لا مشكلة من وضعها كما هى و تركها لهم لينقروا بها . لكن الفائدة تكون اكثر عند الهرس لاختلاط مكونات البيضة معا و استهلاك الطيور للوجبة فى كمية اقل مما نقدمها صحيحة لهم . و الفكرة ان كلما تركنا الطعام لفترات طويلة تقل فائدته و تبدأ البكتريا الضارة فى النشاط . كما يمكن ان تتناول الطيور البياض فقط او الصفار فقط , انما عندما تكون مهروسة تستفيد من جميع المكونات .

و طبيعى الا تقبل الطيور على الوجبات اللينة لانها فى الغالب لا تكون معتادة عليها من الصغر لكن مع الوقت سوف تعتاد عليها و تأكل منها .

- بالنسبة للخضروات و الفواكه فكل طائر له تفضيل عن الطائر الاخر غمنهم من يأكلوها صحيحة و منهم من يأكلها مبشورة و منهم من يأكلها مقطعه , عليك اختبار اكثر من طريقة معهم و اكثرهم اقبالا عليها تقدمها بها . فطالما يأكلوها من بين سلك القفص فقدمها كذلك لان اهم شئ ان يأكلوها .

- بالنسبة للفيتامينات الصناعية فأنا لا افضلها اطلاقا لما بها من اضرار اكثر من فوائدها لما تحتويه من كيماويات تؤثر على الطيور بالسلب على المدى الطويل و افضل شئ يقدم هى البدائل الطبيعية من خضروات و فواكه و خلطات لينة .

- بالنسبة للزيوت فيتم وضع كمية قليلة على الخلطات اللينة من فترة الى أخرى بمعدل 5 نقاط لكل طائر حتى لا نزيد من كمية الدهون .

- بالنسبة للثوم فيتم فصل فص و قطعه الى نصفين ووضعه فى المسقاة و نضع عليها نقاط الليمون لكن يجب الا نتركها فى الماء أكثر من ساعتين حتى لا تحمض و تضر الطيور .

- طالما لن تقوم بترويضه فلا حاجة لقص الريش او لصقه . و بالنسبة للحموم فيمكن تحميمه بالبخاخ و هو فى القفص أو وضع احواض الاستحمام او اوانى الاستحمام داخل القفص . على ان يكون الماء دافئ و يتم وضع الطائر فى الشمس بعد ذلك و يفضل تخصيص قفص صغير نسبيا للتحميم اذا رفضوا التحميم فى اوانى الاستحمام .

- بالنسبة للبيض او الخلطات اللينة يتم وضعها فى وعاء أخر منفصل بجانب وعاء الطعام الاساسى .

- و آشعة الشمس ضرورية جدا فهى تمدهم بفيتامين د و تفيد ريشهم و تمنع نمو الطفيليات و تقويهم . و فى الشتاء توضع الطيور فى الشمس بمعدل نصف ساعة فى اليوم على الاقل مرتين فى الاسبوع . و فى الصيف كحد أقصى 5 دقائق فى اليوم على الاقل يوم فى الاسبوع .

- بالنسبة للطيور المروضه فعند وضعها مع طيور أخرى فيقل اهتمامها بالانسان و تهتم اكثر بالطائر الذى يشبهها الى حد كبير و تبدأ فى التعلق بالطائر الآخر . لا تقلق فهذا طبيعى فى بداية الامر الى ان يتم التوالف بين الطيور و بعد ذلك تجدهم يتوالفوا عليك معا لكن طبعا يقل اهتمام الطيور بك عن قبل .

و بالتوفيق

-

[leeeh_keda]

1000 شكر اخي الكريم ..

هو الذكر عموما بيبلغ وعمره كم شهر ؟ ..

[mahseh]

السلام عليكم ,

أخى الكريم leeeh_keda ,

الشكر لله

يبلغ الذكر من عمر 7 الى 9 شهور و هذا يعتمد على طبيعة و بيئة الطائر و الغذاء المقدم له , و احيانا تجد طيور تبلغ من عمر 5 او 6 شهور و هذا يعد بلوغ مبكر و احيانا يتأخر البلوغ الى عمر 10 او 11 شهر و هذا نادر .

و بالتوفيق !