اليوم هو اسود يوم مر على فى هذا العام

[amrnour]

حدث معى اليوم ما لا يتمناه اى هاوى يحب ويعشق هوايته لقد فاجئت قطه مكان طيورى وخلصت على نصف طيور بصراحه انا مخنوق ومدايق ومش عارف اعمل ايه انا مبكتش من سنين والله بكيت النهاردة والحصره مقطعه قلبى مش عارف اعمل ايه المفروض انى اليومين دول اكون سعيد ومبسوط علشان زفافى كل يوم بيقرب عن اليوم الى قبله بس النهارده انا مخنوق انا مش عارف اتكلم ولما اتكلمت متكلمتش غير هنا على المنتدى علشان محدش حيراعى ظروفى غير حد حاسس بالاحساس الى انا حاسس بيه والله العظيم كنت ساضع ليها الثم بس استحرمت وخفت من عقاب ربنا بس انا مخنوق منها ومش عارف اعمل ايه وهى جات ليه عندى واتحدفت عليا من انهى مصيبه تاخدها

حرام عليكى هى طيورى اذتك فى ايه الرزق بتاع ربنا ومالى الشوارع ملقتيش غير طيورى تقدميها طعام لاطفالك ليه الرحمه انتزعت من قلبك علشان اطفالك طيب مفكرتيش فى الروح الى بداخل البيض مين حيرعاهم لما انتى اكلتى ابوهم منك لله الله لايسامحك

[brashy101]

قلبي معك اخي العزيز. هي بجد مصيبه كبيره.انا طارت مني انبارح عصفوره واحده وكنت زعلان جدا عليها. وانت ماتت نصف طيورك .والا صعب كمان انك تبقي شايف اللي عمل فيها كده قصدي القطه طبعا. بس عزائنا الوحيد انك تسترجع عشان ربنا يأجرك ويعوض عليك باحسن منهم.والحمد لله ان لسه عندك النصف التاني ربنا يباركلك فيه.

[خالد بوخليفه]

السلام عليكم ورحمة الله


أخي العزيز انا حاسس بأحساسك وقلبي معاك، دة لما طير يروح الواحد يحزن أزاي مجموعة‘ لكن الحين مالك الا تقول حسبي الله ولا حول ولا قوة الا بالله، وأستغفر

وشوف الخطاء فين واحتاط لة للمستقبل، وانشاء الله ربنا يعوضك باللي احسن

شكرا

[أحمد شلبي]

أخي الحبيب عمرو أسأل الله العظيم أن يأجرك في مصيبتك ويخلفك خيراً منها أنه ولي ذلك ومولاه
وأسأله سبحانه أن يلهمك الصبر والسلوان وأحسن الله عزاءك فهي بالفعل مصيبة كبيرة

لكن بكاءك وحزنك الشديد الذي قد يضرك لن يعيد الطيور مرة ثانية أنا اقول لك هذا وأعلم تماماً أني لو كنت مكانك لفعلت أكثر منك لكن يجب أن تصبر وتحتسب
وليس في وسعك شيء تفعله سوى أن تقول وبيقين تام
اللهم أجرني في مصيبتي واخلفني خيراً منها
صدقني يا أخي ان قلتها بصدق وبيقين تام وبحسن ظن في الله أنه سيعوضك خيراً منها عن تجربة ستجد الخير الوفير باذن الله فليس الأمر بالكثر وانما الأمر بالبركه فأسأل الله أن يبارك لك فيما تبقى من طيورك وأن يرزقك خيرها باذن الله ، ولا تعلم يا أخي أي القدر أخف فلقد أتت مصيبتك في بعض الطيور وغيرك أتت مصيبته في صحته وعافيته فأيهما أخف بالله عليك أريدك أن تحسبها هكذا وأن تحمد الله من قلبك وباذنه سبحانه سيعوضك خيراً ان شاء الله .
أما عن لومك للقطة فهي يا أخي ليس لها عقل حتى تميز ولو كانت هكذا ما فعلت لا تقيس الأمور البشرية على الحيوانات فاحياناً القطط من خوفها على أولادها تأكلهم فهل هذا يدل على قسوتها إنما جُبلت على ذلك وهي غير واعية لمثل هذه الأمور
وأقسم لك أني فقدت في الموسم قبل الماضي ما يزيد عن 20زوج من طيوري بسبب الفئران ولا أعلم من أين دخلوا حجرة الطيور إلى ان اكتشفت مكاناً ضيقاً يدخلوا منه ومن بين الطيور التي فقدتها طيور حب كانت من احب طيور الحب لدي والحمد لله عوضني الله خيراً باذنه .
فيجب عليك أن تبعد طيورك عن أي مكان تصل اليه القطط أو الفئران أو الصقور أو اي حيوانات أو طيور جارحة قد تؤذيهم .
وأسأل الله أن يصبرك على مصيبتك .
وشد حيلك يا بطل علشان نشوفك أجمل عريس باذن الله بس متنساش تدعينا على الزفاف باذن الله
أسأل الله ان يبارك لكما ويبارك عليكما ويجمع بينكما على خير

[مصطفي4444]

قل " الحمد لله، قدر الله و ما شاء فعل، اللهم أجرنى في مصيبتي و أخلف لي خيراً منها "
هذا قدر الله أخي عمرو و لعّله خيراً.
خذ حزرك و إن شاء الله لا يتكرر ذلك مرة أخرى.

[نها]

قدر الله وما شاء فعل أخي عمرو حاول تهون علي نفسك ومضيعش فرحتك بقرب زفافك وربنا يديك الصحه والعمر وتعوض طيورك بطيور أجمل وأحلي والله المعوض وألف مبروك للزفاف هون علي نفسك بالله عليك وعيش فرحتك بقرب زفافك وبكره تملا عش زواجك بأولادك وطيورك الجديده إنشاء الله

[HOSSAM AHMED]

اخى العزيز عوض الله عليك ان شاء الله اخى المهم ان تاخذ حذرك وتحافظ على ا بقى من طيورك

وده برضه مش هيعفيك من الشيكولاته بتاعه الفرح

مش هتزوغ يا جميل

ربنا يعوض عليك وانسى اللفى فات وفكر فى اللى جاى

على فكره انا لسه طاير من عندى زغلول دبل كرست اسبانجل ابن اسبانجل سكرى ومن عند واحد من اكبر الهواه ف مصر وقعدت اتحايل عليه شهور لحد اما اخدته وبعدين طار وكنت هموت يوم ما طار بس بعدين استعوضت ربنا وكملت وربنا رزقنى بحاجات احسن والحمد لله


وبرضه مش هسيبك لازم اخد الشيكولاته واقرصك فى ركبتك

والف مبروك على الفرح وعقبالى يا رب

[Birds servant]

قدر الله وما شاء فعل ،ربنا يعوض عليك أخي العزيز بأفضل منها بإذن الله،وهي فعلا تجربة مؤلمة وحزنك على ما فقدته أمر طبيعي وهو ابتلاء من الله عز وجل ،ولكن في نفس الوقت يمكنك أخي الإستفادة من هذه التجربة وتحاول تأمين السلاكة أو مكان التربية بشكل أكبر،وبإذن الله ترزق مستقبلا بأضعاف ما فقدته من الطيور،حفظك الله وحفظ طيورك وألف مبروك مقدما وزفاف سعيد بإذن الله.

[amrnour]

اشكر جميعاجميع الاخوة لمواساتى فى طيورى وانا ان شاء الله حجزت قاعه شهرزاد بالاستاد الرياضىيوم 30\7 عقبالكم كلكم ومتقلقوش شيكولاته الفرح موجوده وجاهزة والجميع مدعوينوقبل الفرح باسبوع ان شاء الله حفكركم وعقبالك يا حسام

[spirit_stallion]

السلام عليكم
اخى عمرو انا مدر احساسك تماما لانى السنه دى اضطريت اتخلص من كل طيورى و بابخث الاثمان و للاسف كانت كلها متميزه و مش حاعرف اعوضها تانى الا بعد سنين
و مفيش قدامك الا الدعاء و الصبر و ان شاء الله ربنا يرزقك بالاحسن منها