ماهو نوع القفص المناسب للكوكتيل

[عبودي البحريني]

السلام عليكم

شباب انا حمد لله شريت لي زوج من طيور الكوكتيل ووايد صرت احبهم هم معاي حاليا من فترة اسبوع ونص

بس مشكلتي في القفص

قفصهم كثير صغير وانا ودي اشتري لهم قفص كبير عشان يرتاحون فيه

بس انا الشكل يهمني كثير والديكور فما ابي قفص يكون جشبي ابيه يكون حديد

شفت قفص بمحل لمستلزمات الحيوانات الأليفة بالبحرين فيه قفص مصنوع من حديد حجمة كبير الطول مترين والعرض اكثر من متر ونص وشكله حلو

بس المشكلة سعره غالي

فهل في حد يعرف وين اماكن ممكن ان نشتري منها قفص بنفس المواصفات ويكون سعرها مقبول

وهل القفص المصنوع من حديد ملائم حق عملية التفريخ والتزواج والتكاثر او لازم يكون القفص الخشبي

وهل بالامكان تثبيت ميدان البيض (البيت الصغير اللي تضع فيه انثى الكوكتيل البيض) هل بالامكان تثبيته بقفص مصنوع من حديد؟

ارجوكم اذا في حد عنده فكرة يخبرني لاني فعلا متحير واخاف اشتري القفص بسعر غالي سعره يوصل لين 80 دينار وبعدين يطلع ما يصلح!

شكرا على جهوكم الجميلة

[iCare]

أخوي القفص اللي تكلمت عنه مناسب جداً و الكوكتيل يفرخ بالاقفاص الحديدية , و أي قفص أبعاده ما تقل عن 40-50 سم بيكون مناسب , و طبعاً كل ما كبر القفص صار افضل للطيور

و ما في مشاكل في تركيب الميدان في القفص الحديدي ,

تحية

[عبودي البحريني]

شكرا عزيزي على الرد
بس حبيت اعرف شلون اقدر اثبت الميدان في القفص خصوصا ان القفص مافيه شلف (رف)؟؟!!

[بو نواف]

بسم الله الرحمن الرحيم




السلام عليكم ورحمة الله وبركاته


هذه الأقفاص مثالية للإنتاج وتكاثر طائر الكوكتيل
وأنا أستعمل مثل تلك الأقفاص وهي بمقاس
مناســبة جـــداً وســهلة التنظــيف
الطـول 58 سـم الارتفاع 58 سم العرض 40 سم

وهذه صــورة لأحــد الأزواج لــــدي





في هذه الصورة تشاهـد فيها العـش وهـو مثبت من خـارج القفص
وهـي لأحــد الأزواج لـــدي








وهذه صورة توضيحـية أخــرى مأخوذة
من النـت







وفــي أمــــان اللـــه ورعــــــايتــــه



والسلام عليكم ورحمة الله وبركاته

[عبودي البحريني]

شكرا بو نواف عالرد

يعني لازم اقص الأعمدة بصراحة ماعرف بقول حق الوالد

القفص اللي بالصورة صغير انا راح اشتري قفص اكبر منه بوايد فيصير احط الميدان داخل القفص بدال ما اقص الأعمدة؟

الميدان اللي بالصورة خشبي واحد قال لي ان الميدان لازم يكون فخار صحيح هالكلام

واذا الكلام هذا صحيح شلون اقدر احط الميدان الفخاري؟