حصلت كوكتيل (أمريكي) شرايكم اشتري ؟؟

[Abdulmnam]

السلام عليكم

حصلت اليوم في محل الطيور كوكتيل(ذكر) لحالة في قفص وعجبني مره شي خيالي لونه ابيض صافي وحجمه ضخم يعني شكله له هيبه ..

سألت راعي المحل قالي انه أمريكي بس استغربت اول مره اسمع في كوكتيل امريكي بس انا الان متحير

تنصجوني اخذه ؟؟؟ وسعره 300 ريال لحاله ؟؟؟

بس شرايكم هل هذا سعره وهل هو رخيص ؟؟

وابغى انتج فيه ويشرايكم ؟؟؟


طبعا ً الطير في الشرقية وشرايكم ياشباب ؟؟؟

[برونزي]

وين محله وانا أقولك لأن كل الي بالشرقيه عارفهم والكراوين البيضه الزينه توجد عند شخص واحد فقط في الشرقيه وهو الذي ينتج الزين
بس لاتقولي المحل الي قدام المستشفى المركزي يارجال هاذي مشاء الله ماهي كراوين الي عنده هاذي دجاج ومشاء الله أنتاج لوتنقله من وين الى وين
بس عيب الكراوين الي عنده العوره والعوجه والمنكسره بس مشاء الله أنتاجه ماشي في نفس المحل
أما عن الكراوين البالينو البيضاء الكبيرة الحجم ذو الجسم المتناسق والعين الحمراء عند شخص واحد بالدمام وبالشرقيه ومشاء الله عليه هو الي ينتج
هذه النوعيه

[عبودي البحريني]

في موضوع المجموعات الخمس لطائر الكوكتيل ما ورد هذا الأسم
يمكن في اختلاف في التسيمات بينكم وبين التسميات بالمنتدى
ليتك صورته وعرضت صوره بالمنتدى عشان نشوفه

[بو نواف]

بسم الله الرحمن الرحيم



السلام عليكم ورحمة الله وبركاته



لو كان هناك صورة للطائر المقصود لكان أفضل
عـلى العمـوم المبلغ مرتفع نوعـاً ما ولكن لايفرق كثير
عـن أسـعار الطيـور الألبينـو المتعـارف عـليها
لكن
إذا كان الطائر مميز كما ذكرت فأعتقد بأن هذه
فرصة لاتفوت
:
:
:
عبـوددددي
الأخ يقصد الطائر ذو اللون الأبيض الألبينو ـ Albino

وفـــي أمـــان اللـه ورعـــــايتـه



والسلام عليكم ورحمة الله وبركاته

[عبودي البحريني]

أخوي بونواف العضو الكريم قال ان الطائر حجمه ضخم
والطائر الكوكتيل الأبيض اللي أشوفه بالسوق حجمة عادي مثل حجم طيوري!

[بو نواف]

بسم الله الرحمن الرحيم



السلام عليكم ورحمة الله وبركاته



نعم أخي الأسم واحد وهو اللون الأبيض الألبينو ذو العينين الحمراء
لكن الإختلاف هنـا في الحجــم


وفـي أمـان اللـه ورعــايتـه



والسلام عليكم ورحمة الله وبركاته