وقد اشتريت حسون اخيرا اهلا

[دبدوب خجول]

مرحبا انا اول مره اكتب بقسم الحسون اخيرا امتلكت حسون يالله ياشيخ الحسون صرنا عندك اخيرا نقدر نسئل انا اليوم شريت جوز حسون وكنار افريقي متزواجين ولديهم 3 بيضات الام ترقد على البيض قليلا واستغربت شي انا ماقراء كثير عن الحسون بس اللي فهمته انه الحسون مايرعى البيض ابدا اليوم استغربت من اول ما اشتريتهم اكتشفت انه الانثى عندها مبدا المساوه بين الذكر والانثى فهي ترقد لبعض الوقت وتقوم وتنقر الحسون وياتي هو ويرقد على البيض سؤالي كم يستمر البيض حتى يفقس ؟ صاحب المحل قالي 18 واللي مستغربه لقيت بمحلات كثير حسون مع كناري مع بيضهم بنفس السعر بين 450-500 مع اني سئلت قبل بالمنتدى وقالوا لي السعر غالي بس اغلبية المحلات نفس السعر وعندي سؤال هل من الممكن ازوج كناري عادي الاصفر ابو شوشه للحسون؟ والا لازم الكنار الحبشي؟ لانه شكل الحسون كبيس درجة اولى . واللي مريحني من صاحب المحل قالي لو ما رقدوا على البيض رجعهم ولو ماعجبوك رجعهم

[ناصر]

رمضان كريم
اخي دبدوب خجول شيخ الحسون حفظه الله يؤدي العمره الله يوعدنا جميعا
اول شيء اباركلك على شرائك الزوج الحسون وانثى الكناري الله يخليلك اياهم ............... بيك في منتدى الحسون والتهجين
بيض الكناري يفقس بعد 14يوم او 18 يوم وهذا يرجع الى الانثىمتا احتظنت البيض من اول بيضه او من اخر بيضه يوجد اناث تحتظن البيض بعد اكمالها وضع البيض ويتم الفقس بعد18يوم وغالبا في هذا الوضع يفقس كل الفراخ في يوم واحد ويوجد اناث تحتظن البيض من اول بيضه ويتم الفقس بعد 14 يوم.
بالنسبه للاناث انا شخصيا افظل الانثى الحبشيه او المشبرقه غير مقنبره لان البندوق يكون اجمل في التحنايه من البندوق المقنبر لانه من الممكن انتاج افراخ بناديق مقنبره من انثى مقنبره .
بالنسبه للكبيس لايحتضن البيض الا ماندر
نصيحه اذا اردت ان تنتج افراخ بناديق اكثر لاتتركه مع الانثى لكي تستخدمه مع انثى ثانيه شريطه ان ياخذ وقت من الراحه مده 7 ايام بين انثى والاخرى

تمنياتي لك بالتوفيق اخي دبدوب خجول
اخوك ناصر

[الطــــ 1 ــــير]

السلام عليكم ورحمة الله وبركاته

احب ابارك لك على الجوز لكن من وين شريته وانا مستغرب لما كتبت ان الذكر يرقد على البيض لايكون انثى بس
على العموم السوق بالرياض مافيه الا محلين عندهم حساسين واغلبها قالشه ريش ومحل صاحبي عنده سبعه حاطهم بصندوق يبدلون ريش
وجاره عنده ثلاثه دوبه مطلعهم من الصندوق
دلني على المحل ابشتري الباقي اذا عنده
لاني احب شي اسمه حسون ومالقيت شي حلو غير الحسون الكبيس طحت عليه صدفه

[دبدوب خجول]

الله يبارك فيكم وشكرا لردودكم اخوي ناصر وامير الشوق , بس اخوي امير الشوق انا متاكد انه انثى لانه اللون الاحمر متعدي العين مثل الشرح الموجود بالمنتدى وثانيا وشلون انثى تتبادل مع انثى حضن البيض!!!!! هو بصراحة انا مستغرب انه حبوب ويرقد على البيض اذا نزلت الانثى تاكل . واخوي امير انت شكلك تتكلم عن سوق الحمام انه مافيه حسون انا لا اشتريته من محل مافيه الا هذا الجوز وضربني بالسعر والله عكس الاسعار الموجودة بالمنتدى.
هل من الممكن تزويج الحسون للانثى سوري صفراء؟ بس اتوقع لا على كلام الخبراء هنا بس مو ممكن تضبط يمكن يكون الحسون اللي عندي يشذ عن باقي الحساسين انا بحاول اصورة لاني صورته اليوم بس الله يهديه يشوفني بصوره قام يقامز بالقفص مايحب شغل الصحافه لووووول

[ناصر]

اخي دبدوب خجول اذا الكبيس قوي و مجرب وانتج قبل ذالك بتاديق سوف يكبس اي لون من الكناري حتى لوكانت حمراء مو صفراء لكن الون الحبشي نستخدمه عندما يكون الكبيس غير مجرب حتى يوالف بسهوله واحتمال الون الاصفر ينتج بعض البناديق الملونه
تحياتي

[canary75ly]

ألف مبروك أخي عالزوج ونتمنى ان تحصل على انتاجهما خيراً ويبارك لك اللهم فيهما