عمري ما فكرة بالدره بس..

[Brave Heart]

اخواني انا معجب بالافريقي وعمري ما فكرت بالدره بس اليوم شفت دره هنديه عجبتني ونظيفه واليفه فخذيته والصراحه حتى اليهال استانسو عليها لانها تركب على يدهم بس عندي اسئله لاني ما اعرف وايد عن الدره
اهي مرات اتعظ ومرات لا اتكون اليفه وشنو الحل ؟
راعي المحل قالي عمرها 8 اشهر اشلون اعرف العمر علشان اتاكد؟
ومته تتكلم واتصفر؟
سامحوني على الاسئله الطويله ويعطيكم العافية

[Brave Heart]

اخواني حبيت اظيف للمعلومات ان الدره الي خذيتها نثيه مب ذكر

[aljwal]

اخوي Brave Heart من الخبرة... اذا حسيت ان الدرة مرة تعض ومره لا ..انت حاول انك تخليها برا القفص وتكون بين اهلك حتى تولف عليكم وعلى الرايح والجاي ... وحاول انك تأكلها من يدك ..وهي فترة بسيطة وماراح تعض لأنك لو خليتها في القفص راح ترجع غشيمة (يعني مو أليفة)..

والشئ الثاني صعب تحديد عمر أي طير بالتحديد وخاصة اذا كان صيد بري.. واذا كنت تبي فرخ صغير ونظيف ويجيك أليف ومعاها شهادة محدده فيها العمر (وهذا انا اللي انصحك فيه) انك تاخذها من المزارع او محلات موثوق فيها تستورد الطيور من المزارع فهي توفر عليك الكثير من التعب ...
(( والمعروف ان طيور المزارع تكون اغلى ))

اما بالنسبة للكلام فالدرة الهندية كلامها محدود وغير واضح على عكس الدرة النيبالية فهي افضل من ناحية الكلام ولها رابط في المنتدى للنيبالي وهو يقرأ قرآن . وطبعا اذا حبيت تربيها وهي فرخ صغير وتدربها راح تسمع منها كم كلمة ..

وترا اخوي لو تبي معلومات اكثر اكتب في البحث كلمة الدرة بتحصل مواضيع كثيرة وان شاء الله تنفعك ..

اخوك ابو صالح

[Brave Heart]

مشكور اخوي بو صالح وما قصرت