السلام عليكم ورحمة الله وبركاته
حبيت اقدم لكم شويه معلومات عن المينا السومطريه مثل مانقول اهني بالكويت ولو انه هذا الاسم غلط بس صار شي متعارف عليه .
انواع المينا كثيره في العالم وانا راح اتكلم عن المينا الكبيره وهي ايضا عده انواع وراح احصر موضوعي فقط عن نوعين مشهورين عندنا بالكويت .
1- البالوان و الجافا مينا
2- الغريتر مينا
البالوان والجافا مينا هي من افضل انواع المينا المتكلمه وانا شفت ناس واجد تخلط بين انواع المينا , البالوان والجافا اهني موجودين بالسوق ولهم نفس قصه الراس ونفس قصه الطوق الاصفر اللي على الراس ولهم نفس الحجم .. البالوان والجافا يعتبرون كبار بالحجم اكثر من الغريتر , اما النياس (nias myna) تكون كبيره حيل لدرجه انه حجمها يكون كبر اليلوناب تقريبا طولها 16 انش , واهي نادره جدا لانها معرضه للانقراض ومااعتقد انه في منها بالكويت ولو كان في فهي نادره وقليله والله اعلم .
2- الغريتر مينا هي نفس قدره البالوان بالكلام ونفس صفاوه الصوت ولكن اصغر من البالوان والجافا بشويه طبعا كل طير يختلف عن الاخر بالذكاء وقدره الحفظ نفسها نفس اي طير متكلم , الغريتر معروفه من حيث الطوق الاصفر اللي علي راسها مايكون مفصول ويكون متصل مع بعض .
كل انواع هذي المينا تعتبر من اذكى الطيور ومن اكثر الطيور اللي لها قابليه للكلام ولكن نوقف اهني عند النياس مينا , يكون صوتها عالي حيل لدرجه الازعاج ومااعتقد احد يقدر يتحمل صوتها العالي لانها ماتصلح لبيوتنا
الصور
البالوان والجافا مينا نفس الحجم وشكل الراس
غريتر مينا اصغر شويه من الجافا والبالوان
ملاحظه :
الموضوع معروض للنقاش واللي عنده معلومات عن المينا لا يبخل علينا
اتمنى اني قدمت الفائده ولو بحرف واحد
شكرا للجميع
