لمن لديه معلومات يدخل ويفيدنا ....

[rere_love]

السلام عليكم ورحمة الله وبركاته
موضوع بجد محيرنى جداااااااااااااا وبخاف من البائعين انهم يخموا الناس فى الموضوع دا وهوا البادجى العجوز او المسن او الكبير فى السن
انا بجد دورت كتير فى المنتدى وفى جوجل على اعراض لكبر سن البادجى ومش قادرة اوصل لأى حاجة فياريت ياجماعة من ذوى الخبرة اللى يعرفوا ازاى الواحد يعرف وهوا بيشترى البادجى اذا كان كبير فى السن او لآ عشان انا عندى عصفورين رجليهم لونها ازرق وخايفة يكون دا دليل على كبر سنهم
ياريت ياجماعة متبخلوش علينا فى الرد وياريت اصحاب الخبرة يرفقوا صور لتوضيح البادجى المسن او العجوز وشكراااااااااااا

[نبيل مليكه]

أهلا ياأخت ريرى
أطمئنى لآن الارجل الزرقاء تبعا للون المميز للطائر
فعادة الطائر الازرق لون رجله زرقاء - والبينو لون رجله روز وهكذا.....
كبر السن يعرف من اشياء اخرى سيوردها لكى الاخوه بالمنتدى
لكن ساوجذ لك امثله:
1-حدقة العين تكون بيضاء فى اغلب الطيور ما عدا بعض الطفرات التى ليس بها حدقه
2-حراشيف الارجل-الاظافر-

[amr_moh]

أنا مع أخي نبيل في كلامه

[rere_love]

شكرااااااااااااااا للتوضيح انا كنت فاكرة ان الارجل الزرقاء معناها ان الطائر كبر سنه يعنى الاخضر والازرق طبيعى يكون رجليهم زرقاء؟ وشكراااااا جداااااااا لردودكوو

[delpiro5]

كما قال أخوانى بالضبط

وعلامات كبر السن هى :

-- زياده خشونه حراشف القدم

-- الخمول وعدم النشاط كما فى العاده

ولون الأرجل شئ طبيعى أن يختلف من طائر لطائر ,طبعاً حسب لون كل منهم


بالتوفيق

[rere_love]

شكرااااااا للتوضيح بس انا سمعت موضوع ان الضوافر تبقا غامقة دا دليل على كبر سن الطائر هل صحيح؟

[ellithy2009]

السلام عليكم ورحمة الله وبركاتة
أحياناً تظهر الشيخوخة للطيور فى الأظافر ويكون ذلك بطولها حيث يكون الظفر للطائر أكبر من المعتاد بالإضافة إلى إلتواءات خفيفة وكذلك ايضاً ضيق حدقة العين كما ذكر ا/نبيل فى الطيور التى بها حدقة
ولكن يوجد فى بعض الألوان أحياناً طيور يصعب على كبار الهواة تحديد عمرها وغالباً يصعب تحديد العمر فى الذكور مثل
الألبينو ـ اللتينو ـ اللاس وينج ـ الهارلكوين
أما رداً على إستفسارك بخصوص لون الأظافر فهذا لا يدل إطلاقاً على السن حيث تنتج فروخ وتكون لون أظافرها سوداء وأخرى بيضاء وأخرى أظافر أبيض فى إسود لذلك لا يتحدد السن من لون الأظافر .
تحياتى

[ابوسامي]

بسم الله

والله الاخوه ماقصروا مشكورين على المعلومات

ودمتم بخير

[ellithy2009]

على فكرة أحياناً بيظهر السن أيضاً على كير الطيور وخاصة فى الإناث

[rere_love]

شكرااااااااااااااااااااااا بجد على كل اللى رد عليا وكل سنة وانتم طيبين