مشكلة الطفيليات لدى الببغاء الرمادي

[الببغاء الرمادي]

السلام عليكم
في البداية وقبل ان ابدأ بعرض المشكله
حبيت اقدم شكر للقائمين على هذا الصرح الرائع
وجزاهم الله احسن الجزاء

اخواني انا عندي ببغاء افريقي .. كاسكو .. صار له سنتين
الحمدلله بأحسن حال
لكن من فترة مو قصيره كنت الاحظ وجود مثل طفيليات على ريشه وحول جسمه
اشبه بالقشره
ما اعرف ان كانت قشره او لا
لكنها مخلوقات جدا صغيره ولونها ابيض بحجم القشره
واحيانا تلاحظ لما يحك ريشه تتناثر مثل البوده مكان ما يحك
وفي الفتره الاخيره لاحظت انه يحك بعنف
وكأن في شئ فعلا مو مرتاح منه
فلأصحاب الخبره لو يقدروا يفيدونا بماهية هذه المخلوقات وكيفية العلاج منها
ان كان مثلا شامبو تضعه على ريشه او شي اخر
ـ ـ ـ ـ
المشكله الثانيه ان من يومين صرت الاحظ احدى عينيه مدمعه , وبشكل كبيير
ويغمضها .. خصوصا في الليل
والاحظ حولها احمر .. ويحك عند المنطقة بكثره
واخاف تأثر على النظر عنده او حتى على عينه
مادري بس اظن انها بسبب نفس المشكله

وبالنسبة للاستحمام فالحمدلله مو مقصر معاه
بس سمعت احد الاخوه يقول ان يمكن يضره لما تسبحه بالشاور مثلا حتى لو ما قربت من منطقة راسه وتضر وتخرب الريش
يكفي ترش على ريشه شوي بالماء ويكفي ,, باستخدام مرش مثلا ..

واعتذر على الاطاله اخواني
بس حبيت اطرح الموضوع بتفاصيل حتى تفيدكم في التشخيص
تحياتي احبتي
وشكرا