امس كنت بزيارة لاحد الاصدقاء القريبين
وهو قريب اكثر لان له نفس الهواية الرائعة بتربية الطيور
دخلت عنده وبعد القهوة والشاهي طلع وظنيته بيجيب ماء او اي شي
مادريت الا دخل وقدامه طير حب يطير بسرعة جنونية وبكل رشاقة وقف على المزهرية
انا فتحت عيوني اناظر
انا تعودت اشوف كروان مروض او بادجي او بلبل
لكن طير حب ابدا ماجاء على بالي لان هالطير مافيه اخوف واشرس منه
التفت على صديقي وسألت بسؤال اقرب للإجابة وقلت
انت شريته فرخ وروضته
ومتوقع ان الاجابة ايه
قالي لأ
استغربت وسألته عن الطريقة عشان اشتري واحد والعب باعصابه الين مايتروض
قال هالطير عندي من زمان وكان خواف بشكل مايتصور
لكن قبل سنة تقريبا مرض وصار مايقدر يتحرك الابصعوبة ولا يقدر يطير
من ذاك الوقت وانا امسكه واحطه بيدي واسكر عليه ادفيه واعطيه مضادات وفيتامينات سائلة عن طريق الفم
وشوي شوي بدا يشفى وتعود علي والحين زي ماتشوف
يوم قالي كذا تمنيت ببغائي الافريقي يمرض عشان اخليه يوقف على يدي
استغفر الله امزح الله يمتعه بالصحة والعافيه
هذي قصة غريبة قلت اقولها لكم
