اشترينــا عصفورتين بادجي حلوين من شهر تقريبًا ، كنا في الأول فاكرينهم لعبــه و قاعدين نلعب معاهم و فرحانين بيهم ، لكن بعدين طبعًا عرفنا أد إيه هم محتاجين عنايـــه
شوفوا الصورة .. الأزرق هو "كيمي" الذكر .. و الأخضر هي "روزا" الأنثى ..
إحنــا بنقدم لهم الأكل اللي اشتريناه معاهم .. عباره عن حبوب كبيرة و صغيرة .. و بنقدم لهم خس أحيانًا و بياكلوه بنهم
و عندي شويــة أسئلة بالنسبة لناس مبتدئين زيّنـــا ..
هي كتيرة شويتين .. بس إن شاء الله تجاوبوا عليهم كلهم .. و أنا واثقة بأعضاء المنتدى الكرام
1) الطيور بتحب ضوء الشمس و لا لأه ؟ إحنا بنطلعهم كل يوم الصبح بعد الفجر عشان يشوفوا الشروق ، و بيهيسوا و يبقوا فرحانين ، لكن الظهر الجو بيبقى نار لإننا في دوله خليجية ، فهل نسيبهم بره عادي و لا ندخلهم جوه البيت ؟
2) لما بنطلعهم بره .. البلكونة عندنا واسعه آوي .. و جدتي بتحط للعصافير الحرة أكل على الأرض ، و طبعًا عصافير كتير بتيجي تاكل ، و طيورنا الحلوه بتقعد تصوصو و بنحس انها مبسوطة ، بس يا ترى ممكن يكون فيه اخطار عليهم ؟ مثلا عصفورة حرة عندها مرض و لا حاجة و تنقلهم المرض ؟؟ و لا عادي ؟
3) عايزين ننوع لهم في الأكل أكتر .. نقدم لهم ايه غير الخس و الحبوب ؟
4) النهارده جيت ببص عليهم لقيت عينيهم تغيرت .. بقى فيــه بياض حولين البؤبؤ الاسود .. مع انه ما كنش موجود قبل كدة .. ايه تفسيركم للموضوع دة ؟ هل هو يدل على كبرهم بالسن ؟
5) قريت قبل كدة إن من علامات التزاوج أنهم يفلّوا بعض .. و هم فعلا بيعملوا كدة .. بس لســه مافيش بيض و لا غيره .. هل ده عادي ؟ يعني ممكن يكونوا صغيرين .. أو مش حابين بعض .. و لا ايه بالظبط ؟
6) السؤال الأخير إن شاء الله إنهم بيغمضوا عينيهم دايما كانهم عايزين يناموا .. هم المفروض يناموا قد ايه ؟ احنا بنطفيلهم النور الساعة 10 او 11 بالليل و نصحيهم الفجر .. كدة بياخدوا كفايتهم من النوم ؟
و معلش في كمان سؤال ..
ازاي نخليهم ياخدوا علينــا .. انا النهارده بعد محاولات كتيررره قدرت اخلّي روزا العسولة تقف على ايدي .. و مسحت عليهــا .. و اخدت عليا و كله تمام .. بس كيمي خايف مني خوف مش طبيعي .. مش بيرضى حتى ان ايدي تقرب منــه
و آسفــه على اسئلتي الكتيرة .. و جزاك الله خيرًا مقدمًا ..
و بانتظاركم (=
.. خلاص بلاش اقول حجم اللي عندنا .. احم احم
