عاجل اخوان - مساعدتكم

[boxster911]

الانثى لون كيرها جدا بني بالعراقي جوزي طوخ ولاحظت مخرجها كبير حجماً -انتو بكرامة -
بس متدخل للعش نهائي
واخاف لايكون عده كيس دهني او شي من هذا القبيل

النصيحة السريعة رجاءا

[نمير الراوي]

الاخ العزيز
حسب المواصفات التي تكول بيها ان انثى جاهزة بس عليك لاتزعجها لكي تبيض بهاي المرحلة لتطفل عليها
شكرا

[amr_moh]

افحصها لايكون كيس دهني

[الباشق البغدادي]

عزيزي اتأكد اذا كانت فتحة المخرج كبيرة ولونها فاتح - الا اذا كانت باكر يكون محمر - فهذا يعني انه الانثى دتريد تبيض بس مدتدخل للعش لان العش معاجبها او المكان مملائم , اما اذا كان الانتفاخ مو قرب الفتحة وعبالك مكرشية فاحتمال يكون كيس دهني .

[boxster911]

اخوية باشق

صراحة لون الفتحة ما اكدر اجزم بيه
بس الانتفاخ قريب جدا للمخرج وصراحة مدا اكدر امسك الانثى لان صايرة جدا متوحشة

وبالنسبة للعش شسويله اذا معاجبه
واذا كيس دهني شسوي

انتظر اجابتك اخوية

[الباشق البغدادي]

عزيزي بالنسبة للعش اذا مدتدخل اله نهائيا ولاتوكف ع المجثم مالته فغيره للعش بواحد زين مثلا اكبر الفتحة ارتب يعني هالشكل , ومرات يكون المكان مالته للعش مثلا يكون بمكان بي ضوء هواية , فحاول الزاوية الي بيها العش تخليلهة فد كارتون فوكاتهة او قطعة قماش لحتى تصير مظللة شوية ,
اما اذا كيس دهني فيتعالج بخل التفاح ويا المي , واكو بيهم يحمي فد ابرة ويحاول يفتحه للكيس عيناً لمن تصير بايدك بطباطة موتفتحها لحتى يطلع المي , نفس الشي والدورة تعقمه للمكان ..... وابوك الله يرحمه .

[boxster911]

اشكرك جداً
مي وخل التفاح جيد ولو تعبتك بس ياريت المقادير
لان بالنسبة للابرة موضوع صعب جددددددداً

واذا كانت بيضة ميأثر المي وخل التفاح

تحياتي

[الباشق البغدادي]

اذا كانت بيضة فحتبيضها خلال يوم او اثنين باذن الله , وتنتهي المشكلة , بس بالنسبة للمقادير 3 مللتر خل , على 1 لتر ماء .

[boxster911]

اشكرك اخوية

جاري عمل الخلطة

تحياتي