هل هذا الكلام صحيح ؟

[بنت السحاب]

السلام عليكم

الافريقي صاره عندي ثلاث ايام بالضبظ
اول ما جبته كان امور وحليو وكان يخليني احك راسه ولا يعض ولا شي
طيب نام وصحي ثاني يوم عادي ولا شي حتى ماسمعت له صوت ويخلين احك راسه مر اليوم انا بصراحه جاني ضيق ضنيت انه ابكم مايجاعر ولا يصفر ولا شي قلت يمكن لسه مو متعود على المكان نام وصي ثالث يوم صار يصفر ويجاعر هذا وهو داخل القفص فرحت قلت فيه تقدم فكيت له الباب هو من نفسه طلع بره ووقف فوق القفص قلت حلو فيه تقدم ثاني هو كان ياكل من يدي عادي الى لاحضته انه يحب ابوي واخوي اكثر مني يخليهم يحكون راسه من دون عض انا يعطني راسه عشان احكه بس يقوم يلتفت على ويعضني ماكر واذا جا اخوي ياكله ويلاعبه وعادي ماشي معه وانا يهاجمني ويروح بعيد عني واحيان يدخل القفص ويتركني ليش كذا مع اني احبه وااكله من يدي واغيرله مويته ومهتمه فيه واغطيه لما ينام ليش كذا
ابوي يقول يمكن لنه موالف على وصوت الرجال ومو ماخذ على اصوات الحريم معقول ؟؟؟؟؟ متى يبي يحبني ابي اعرف بصراحه انا ميته عليه بس هو يهاجمني وينحاش مني مع اني ماسويت له شي يزعجه اجيبله الفاكه الى يحبها يحب الخيار دايم ااكله خيار قلولى وش الحل هل راح يوالف على مع الايام ؟

[بوناصر]

السلام عليكم
اختي بنت السحاب يمكن هو من قبل لاتاخذينه ماخذ موقف من النساء او يمكن يكون انثى واعتقد ان الانثى تميل للرجال اكثر والله اعلم
خليه اشوفج اكثر من اخوج وبعدين توه ثلاث ايام اصبري عليه اختي
ممكن كلام الوالد الله يخليه صحيح
انتظري الاراء لتتظح لكي الصورة
بالتوفيق انشالله

[دبدوب خجول]

اختي بنت السحاب لا تقلقي والله عندي واحد نفس اللي عندك كان مفترس بس مع الايام اذا تعود على شوفتك يوميا وعرف انك مصدر الغذاء والشرب راح يصير معك اليف صدقني لا تحكمين الان انتظري فتره

[KoKo]

اختي بنت السحاب...انا سبق وقريت في موقع اجنبي ان الافريقي الرمادي اذا كان انثى يصير يميل للرجال اكثر من النساء..وهذا فعلا صاير معي..انا اللي عندي انثى افريقي رمادي...يحبني انا واخوي بس...اما اختي وامي والخدامه ما يطيييييييييقهم

لكن اتوقع العمليه يبغى لها صبر وانا ما عندي خبره انا الين الحين وانن مواجه مشاكل معه ...ما طاع يتكلم

بالتوفيق اختي...وعلمينا وش يصير جديد معك

[بنت السحاب]

اخوي بو ناصر شكرا على مرورك وردك بس اذا ربي خلقني انثى وش ذنبي مايحبني مع اني احبه

دبدوب خجول شكرا على مرورك وردك والله يسمع منك ويصير يحبني

كوكو شكرا على مرورك بس والله مشكله يعني بيصير مايحبني اذا كان انثى هذى ضريبه الى يشترون شي من دون شهاده صحيه لو معه شهاده صحيه كان عرفني انثى ولا ذكر

على العموم اناامس وديته للدكتور قال انه عمره ست شهور ويبيلله من شهرين الى ست شهور ثانيه على بال مايبدي يتكلم
بس هو يضحك اذا جيت احط يدي على راسه يبدي يبرر زي الدجاجه انا شاكه انه دجاجه مو افريقي شفتو الدجاجه اذا رميتوا عليها شي وزعلت هو مثلها يطلع ذاك الصوت حاله والله اول ما كان يسوي كذا شي جديد كل يوم يطلع اصوات غريبه عن اليوم الى فات وكل يوم يزيد تصفيره خصوصا اذا اذن احس انه ينبسط اذا سمع الاذان سبحان الله

[دبدوب خجول]

سبحان الله مثل اللي عندي اذا اذن يجلس يصفر ويرفرف باجنحته

[أبو عبد العزيز]

أختي بنت السحاب هذه الأمور كلها طبيعيه بس خليه يتعود عليكِ في الأول و بعد ذلك خلي باقي الأهل يتقربون منه بس الأهم أنه يتعلق فيكِ أنت الأول وحب الببغاوات الرماديه إذا كانت أنثى معناها لا تحب النساء أو إذا كان الببغاء ذكر فهو يحب النساء فقط فهو ليس شرط أساسي و لكن يلاحظ عند معظم الهواه فلا تقلقي.
بالنسبه للأصوات هذه ميزة الببغاوات الرماديه أن لها مجال صوتي واسع جداً لذلك تسمعين كل يوم صوت مختلف بالإضافه إلى الأصوات القديمه. وصوت الدجاجه التي تسمعيه عندما تلمسيه معناه خائف قليلاً فلا تقلقي فبمجرد أن يأخذ عليك سيختفي إن شاء الله. و بالنسبه للكلام عيني خير و لا تستعجلي.

[بنت السحاب]

اخوي ابو عبد العزيز شكرا لك اخي الكريم وانا ملاحضه انه بدى يتعود على
وياربي مايكون انثى شكرا لك على مرورك وردك

[KoKo]

انا برضه ملاحظ نفس الشي مع الاذان..خصوصا اذان المغرب سبحان الله