أنا عضوة جديدة هنا معاكم .. وبحييكم كلكم على مواضيعكم المميزة و مجهودكم الواضح .. ماشاء الله .. بارك الله فيكم جميعاً
بعد اذنكم كنت عايزة اعرف البادجى ده ذكر ولا أنثى .. هو عمره تقريبا شهرين و ده اول انتاج لزوج البادجى اللى عندى..
انا عندى الذكر الاب لونه لبنى فاتح فى ابيض فى رمادى .. والانثى الام باندد اصفر فى اسود .. و ده اول فرخ لهم و للاسف البيض كله لم يفقس الا المولود ده فقط و باقى البيض كان غير مخصب
البادجى الجديد طالع لون الاب بالظبط .. بس لون الكير عنده احساسى انه بيميل للون الابيض اكتر و اغلب الاوقات بيبقى اللون المحيط بالابيض لبنى مزرق .. واحيانا تانية بحس انه على موف هادى ..
فقلت استعين بخبراتكم .. وتفيدونى فى نوعه .. واتمنى انها تكون انثى بإذن الله تعالى
و دى الصور الخاصة بالبادجى :
فى اول صورتين الاب ظاهر فى الخلفية ..
فى انتظار أراءكم و لو فى اى نصايح للاهتمام بالطائر ... و لكم جزيل الشكر
ما شاء الله طائر جميل وهو انثى جميله و على ما عتقد انها رمادى الجناح
بارك الله لك فى طائرك اخت الفاضله
بارك الله فيك أخ حسام .. بشكرك على اهتمامك بالرد ..
طيب ممكن بعد اذنك تقولى هو انا المفروض افصله فى قفص لوحده بعيدا عن الاب و الام ؟؟؟
انا اعرف ان الصغار بتتفصل عن الاب و الام بعد ما بتعتمد على نفسها فى الاكل .. بس الكلام ده لو كانوا كذا طائر مع بعض .. لكن ده طائر واحد بس .. هل ينفع اخليه فى قفص لوحده يعنى مش هيضايق كده ؟؟
و لا أخليه مع الزوجين لحد ما يجوا صغار جداد تانى ان شاء الله ؟؟
خاصة ان الانثى بتستعد للبيض بإذن الله و بتقضى اكتر الوقت فى العش ..
أخ حسام أنا فعلا فصلت الطائر فى قفص لوحده النهاردة لأن الام ابتدت تضايق من وجوده معاهم فى القفص و انشغال الاب به ..
بس مؤقتاً هيبقى لوحده فى القفص لحد ماقدر اجيبله طائر تانى .. او هستنى الانتاج الجديد بإذن الله و أحطه معاه .. هل كده هيبقى فى مشكلة ؟؟؟؟
معلش انا عارفة انى تعباك معايا بكتر اسئلتى .. وبشكرك جدا على ذوقك و اهتمامك بالرد
لان من وسط 31مشاهدة حضرتك الوحيد اللى اهتميت بالرد عليا .. الظاهر الناس هنا بخلا و لا إيه ؟؟؟!!!!