الكل رايح يطلع

[ايمن النتشة]

بسم الله الرحمن الرحيم
اللة اكبر هلق شوية صور هيك عملت كيف لو نزلت صور فيديو وشافو الضحك والمزح والنكت كان شو صار فيهم بس بتعرفو المرة الجاية
لما نقول في رحلة الكل بترك كل شي وبيطلع وخاصة انو المرة الجاية على اريحا بس بدون ما نغلب احد واكييد ما حدا بقصر
واذا احببتم في الخليل ميت اهلا وسهلا بتشرفو
وطبعااااا زياد وخالد ما بدهم يجو لانهم ما بحبو الاكل وخاصة ادا كان خاروف بلف فوق النار يا حرامممممممم

[عبده أبو سير]

ايوى هيك الشغل
لازم الحماس يبقى دائما موجود
هو فيه احلى من اللمة مع اصدقاء رائعين ثلجو الصدور

مع اني زعلت يوم الرحلة لأنه طول الوقت ما وعيت عليكم ولما انهيت اللي علي وقعدت علشان نروق على بعض ونكون كلنا قاعدين ونتحدث وننبسط ونكسب وقت كثر بشوفتكم الا انتو بلشتو تروحوا مع انه كان الجو رائع جدا والقعدة بلشت تحلى اكثر واكتر.
بتعرف يا أيمن والحكي للجميع, قعدنا انا وابو نبيل ووائل وابو أحمد ونادر ساعتين لحالنا بعد ا روحتوا وما الا نفس نروح.

فهذا الحكي ليسمعوا الجميع الرحلة التانية راح يكون فيه قرار اداري وعسكري ممنوع الترويحة قبل نص الليل.

اليوم اتصل بي ابو احمد وحكالي عن الطلعة لأريحا والجدي, قلت له بعرف واخدت بالي بس انا كنت مفكرها مزحة قال لي لأ شو مزحة الحكي عن جد.

فما دام الحكي عن جد فأنسب وقت للرحلة هذه الايام قبل ما تشوب مزبوط
وانا عندي اقتراح انه يكون التجمع بعد العصر يعني الرحلة تكون سهرة, هو في احلى من هيك

شو رأيكم؟

[wael1970]

انا بقول خير البر عاجله
بس بدون زياد وخالد بلاش ما ينوبنا شيء

[عبده أبو سير]

هيهيهيه

ما عليك بعطيهم دوى يسد نفسهم

[نشأت الطميزي]

بسم الله الرحمن الرحيم

السلام عليكم ورحمة الله تعالى وبركاته

اه والله بدها يلا انحضر حالنا لجمعه الجاي شو رايكم مش اتفكروني اني مشتاق للخروف لاء ههههههههههههه بس مشتاق لشباب والله احلا شباب على راسي

بجد تعالو انحدد يوم

[عبده أبو سير]

هاي الجمعة عندي مناوبة

[zeyad lahloh]

السلام عليكم

انا مع اخي ابورامي انو تكون خلال هاي الفترة
اقتراح انو اخر جمعة بشهر 5
27\5\2011
الى اريحا

[أبو العز]

السلام عليكم
احلا رحل واحلا شباب
ولازم الكل يطلع
ونعمل عقوبة للي ما بيطلع
انو ينحذف حسابو من التجمع
يا عمي هو في احلا من اللمة مع الناس الطيبة

[عيون القدس]

يسعد صباحكوا
اصلا انا عامل ريجيم يعني مش حاكل شي و بخلي الاكل لزياد
بعدين حرام عليكم عم تظلموني يعني الي بسمع بصدق
و اذا بدكم تعملوا الرحله اذا كانت قبل 15-5 بجي اما بعد هيك بكون مسافر

[wael1970]

والله قطعت قلبي يا اخي خالد خلاص انا بقول الجمعه 5/13
وبنشوف رأي الشباب