حتى نراكم دائما

[ايمن النتشة]

بسم الله الرحمن الرحيم
نظرااااا لتواصل الفعاليات التي جمعت الشباب وكانت رائعة جدا وفعالة في تعرف الشباب على بعضهم وحتى يبقى التواصل والمحبة
اقترح ان نعمل افطار جماعي في اول يوم رمظان نتفق على مكانة في وقت لاحق
صحيح انة لسة في وقت طويل بس اذا حبيتو بنرتب لرحلة في شهر7 مثلا
واتمنى ان لا ننحرم من رايتكم والجلوس معكم

[أبو العز]

بسم الله الرحمن الرحيم
نظرااااا لتواصل الفعاليات التي جمعت الشباب وكانت رائعة جدا وفعالة في تعرف الشباب على بعضهم وحتى يبقى التواصل والمحبة
اقترح ان نعمل افطار جماعي في اول يوم رمظان نتفق على مكانة في وقت لاحق
صحيح انة لسة في وقت طويل بس اذا حبيتو بنرتب لرحلة في شهر7 مثلا
واتمنى ان لا ننحرم من رايتكم والجلوس معكم

مسالخير
يا عيني عليك وعلى افكارك يا ابو طلال
والله بنتشرف بمعرفه الناس الطيبة امثالك وامثال الشباب

[abu-a7mad-pal]

السلام عليكم

دائما الصلاه والسلام على سيدنا محمد

بس زي ما بقولوها لما يجي الصبي بنصلي على النبي وعلى العموم يا حج ايمن بحب الاشخاص المتحمسين امثالك

وكلامك نابع من كتر المحبة وطيبه قلبك (وحبك للمشاوي مثلي هههههههه) ربنا يبارك فيك

من هون لرمضان بتعيش ناس وبتموت ناس ربنا يحينا

بس اذا فكرتك لقيت اقبال بقترح تكون بالخليل حتى اهل الشمال يجي ويتعرفو ع الخليل او العكس انو احنا نروح ع الشمال ونتعرف ع المناطق اللي هناك

[أبو الجود]

	السلام عليكم و رحمة الله تعالى و بركاته الإخوة الكرام و الله أنتم مثال للأخوة و الترابط و التماسك و جزاكم الله كل خير و شيء جميل أن نرى الأعضاء يتواصلون مع بعض , و بارك الله بكم و أفادنا بعلمكم , و الله المستعان . . أبو جود .

[حازم ابوكرم]

شو ايمن اجر الشباب اخدت على الرحلااااااات هههههههه والله شباب الخليل كلهم نوواير والله.,.للامانه انكم بتنحبوا وايمن الكنج ...انت فصل واحنا بنبيع ..هههههه
تسلم يا ايمن والله انك كبير

[abo salman]

فكرة رائعة اخي ايمن و ارشح ان يكون الافطار بالخليل ههه

اقل من جمل ما امنرضا ههههههههههههههه

[نشأت الطميزي]

بسم الله الرحمن الرحيم

السلام عليكم ورحمة الله تعالى وبركاته

عمي ابو طلال بلشنا انفكر هههههههههههههه

بس بتصدق يا عمي ابو طلال والله والله القلوب عند بعض كنت امفكر في هيك شيء في وقت رمضان انو نجتمع بس مش اول يوم يا عمي الاهل لهم الحق كمان ولا شو ؟؟

على كلا فكرتك ممتازة اناا معك على الموت انتا خطط يلي بدك اياه احنا جهزين باذن الله

اكيد الاخ خالد رح يجي مادام فيها الشغله اكل ههههههههههههههههه

بالتوفيق

[يوسف الفلسطيني]

فكرة حلوة وعلى البال . خلي الميعاد بعد منتصف شهر رمضان منكون تعودنا على رمضان اوله صعب واذا صار وحددنا موعد لازم المكان يكون قريب على الكل واذا بكون بنابلس او رام الله بكون افضل شي .

[wael1970]

اخي ايمن شكلها كثرة المشواي واكل الكنافه اثرت عليك مزبوط هي فكره حلوه الافطار مع بعض بس اخي لسه وقت طويل
وانا بقترح يكون تجمع في شهر 6 ويكون هالمره في مدينه الخليل وبعدها نابلس

[zeyad lahloh]

السلام عليكم

ايمن شو هالافكار هاي كل هاد من المشواي

اقتراحي تكون في اخر شهر 6 او بداية شهر 7 في الخليل او نابلس
وبكون فاضل شهر لرمضان وهيك بنقدر نحكي بموضوع الافطار