احتاج مساعدة حول التغريد والبيض وذكر حبة رمان

[iron heart]

السلام عليكم ورحمة الله جميعا
اخوتي الاعزاء احتاج مساعدة منكم اذا تكرمتم
اول شي تغيرد غريب لم اسمعه من قبل
عندي ذكر اشتريته قبل 3 شهور لم اسمعه يغربد ابدا ولكنه انتجت فراخ منه قبل اسبوع عزلت الذكر والانثى
لتزويجها لذكر اخر وصرت اسمعه مناداة مثل الانثى ولا يغرد وبعد ان غرد ههههه يغرد مثل صوت جرس البيت
ولا يغرد بصوت الكناري المعتاد كل ما يغرد الكل يفكر الجرس عند الجيران ويرن بس الذكر هو يغرد ما بعرف ليش
وسؤال ثاني الانثى بعد عزلها وضعتها عند احد اقاربي للعجقة الي عندي والمفاجئة انه قرابتي بحكيلي الانثى باضت 3 بيضات
والله اعلم لن تكون مخصبة لانه عازلها عن الذكر من اسبوع والذكر في غيار ريش شو العمل؟
واخر سؤال ذكر حبة رمان احمر شو يعني هيك هل هو ريد فاكتر ولا جزري والبائع بحكيلي عمره شهرين وبفك
وهو الان عليه لطشات خفيفة من اللون الي بحكي عنه بصراحة ما فهمت حبة رمان ما المقصود فيه
المشكلة في الاردن الجزري الغامق بسموه احمر والاحمر احمر وحبة الرمان كمان احمر
سعر الحبة حسب كلامه 20 25 دينار يا ريت توضحولي

[أبو الجود]

	السلام عليكم و رحمة الله تعالى و بركاته الأخ العزيز الطيب iron heart حياك الله و إليك التالي " * ما يحصل معك طبيعي للأسف حيث إن تغريده بهذا الشكل نتيجة مكان تواجده عند صاحبه السابق * حول غيار الريش لآ تزوجها حتى تنتهي منه و هذه باقة من المواضيع إقرئها للأخر مع المناقشات و ستساعدك جدا ً و إقتبس منها الحل : طرح الريش - وقت للرعاية الخاصة " شرح ممتاز مع طريقة الحل " = لأخينا الطيب أبو صهيب طرح الريش موضوع شامل = لأخينا الطيب king70 رأفت مرحله تغيير الريش = لأخينا الطيب يافا الاضاءة , الحرارة, طرح الريش " شرح ممتاز مع طريقة الحل " = لأخينا الأستاذ الطيب عبده أبو سير أهميه الإضائه للكناري " شرح ممتاز للعنوان و طريقته المثلى " = لأخينا الطيب ابو قمر طرح الريش " شرح ممتاز مع طريقة الحل " = لأخينا الأستاذ الطيب بوفيصل marine-54 * حبة الرمان يطلق على الكناري البلدي الجزري الغامق ( إحذر الغش قد يكون مصبوغ ) * حول السعر إن كان ذكر بلدي فعندنا بسورية يتراوح سعره بين 20 إلى 40 دولار كحد أقصى , و السلام عليكم و رحمة الله تعالى و بركاته و أرجو من الله أن أكون قد أفدتكم و بارك الله بكم و أفادنا بعلمكم , و الله المستعان . . أخوكم في الله العبد الفقير أبو جود .

[هيثم العوضات]

اخي ابراهيم القضاه خلينا نبلش من الاخر
سعر حبه حب الرمان اذا كان حب الرمان الفرخ ب 20-25 رخيص علشان هو اكتر من هيك بس بدك تتاكد انه حب الرمان لا تقول عليه مبين شوي وبكره بفك انتبه
بالنسبه للانث4ى المعزوله قبل اسبوع في احتمال انه تكون مكبسه يعني خليها على البيضات حتى هي تقوم عنهن ممكن يكون فيها كبسه طبعا الاحتمال 50%
الريد فاكتر لونه احمر دم ومش مصبغ لونه هيك اما الجزري الي عنا ممكن يكون درجه الحمره اقل بكتير منه بس كل ما زاد الحمار زاد شعره اضعاف فلذلك انتبه بيكتر العش في هاي النقطه بالذات
اما بالنسبه للذكر الي بغرد زي صوت الجرس فبتقدر تقول انه حضك زي النار اذا ما خاب ضني انه الذكر بكون ووتر سلجر يعني من الانواع المرتبه وتميز بالصوت لا بالشكل او اللون واذا بتقدر توضع فيديو للصوت بكون ممتاز علشان نتاكد من الخبر بس مبدئيا الخبر تاع الذكر جيد والله الموفق

[iron heart]

اخي ابو الجود الف شكر على سرعة ردك ومساعدتك
يلا جرس ولا يضل ساكت هههههههه
جزري غامق هههههه وهي بحكيلي احمر بحكيله جزي بحكيلي احمر حبة رمان لا حول ولا قوة الا بالله
وسأبحث بالمواضيع التي اقترحتها مشكور اخي ابو الجود

[هيثم العوضات]

هاي رابط اوتر سلجر وقارن ان شاء الله يطلع وتر سلجر
viewtopic.php?f=1&t=7229

[iron heart]

اخي هيثم العوضات كلامك على عيني وراسي وفعلا مش مقتنع انه بفك وهو احمر ع كلامه
لازم يكون في حمار عشان يفك ومنتشر مش نقاط
بالنسبة للكبسة والله كل شي وراد ولهيك حبيت اسأل قبل ما اشيل البيض لانه ما بعرف والله بهيك اشياء
وانا مثل ما بتعرف جديد ع الكناري وكنت من قبل ع الببغاء الرمادي والاخضر العصبي ههه والكوكتيل
معقول ووتر ؟ هههه من ثمك لباب السما هههه فعلا استغربت صوته لانه مش صوت تغريد مثل ما بسمع للكناري ونبرة الصوت نهائيا بتختلف وانشالله اذا اقدرت اسجله رح سجله لانه بغيار ريش ومش دائم التغريد
وهو لونه اصفر الي مرة وضعت صورته وانغلبت فيه ولحقت حالي اخر شي هههههه
وانشالله بس انتهي من هالصناعية الي في البيت رح اتفرغ للتربية مشكور اخي هيثم العوضات

[iron heart]

اخي هيثم في اخر المقطع تقيربا نفس الصوت سمعته منه
وتقيربا نفس صوت الحنجرة بس ما سمعته يغرد بشكل كامل بهذا الشكل

[هيثم العوضات]

حطيت رابط للصوت قارن الصوت وخبرني اذا تمكنت

[هيثم العوضات]

ابراهيم هاد ابو ميه؟
وكم اخذته ومن مين وهل غرد قبل هيك وشو قال صاحبه عنه ومتى اخذته؟

[iron heart]

انا شفت هذا الكذر ومعاه انثى بصلية بخلفية صفراء
حكالي هذا الذكر ب 100 هذا هو ابو 100 بس ما بعرف ليش بس هذا الي حكالي عنه
وكان في بضتين لهيك اخذته انه ما رح يغلبني جاهز
اخي هيثم مرة عزلته كم يوم اتوقع 2 3 ايام لكن ما سمعته بغرد او يمكن ما كنت عنده
بس كنت بس اقرب منه وهو معزول على اساس بدي ادربه اطلع صوت بوس هههه
والغريب كان يقلد هذا الصوت طبق الاصل واشتريته من عجلون هو والانثى وكمان جوز جزري 50 جوز الجزي