باركولي + اسئلة هامة

[Mr.Golden]

السلام عليكم و رحمة الله و بركاته

الحمد لله انا جبت بادجي ألبينو ذكر بالغ
و قصيت جناحه و بخرجه برة القفص عشان ادربه
في الاول كان بيعض بقوة و دلوقتي مبقاش يعض الا ازا خاف
( عندي من يوم كامل )
و بدأت اكلمه كلمة وحده و هي Hello لمدة 20 دقيقه بعد لما قلتها 10 مرات
لاحظت انه بدأ ينفش ريشه و يمد رقبته و يحرك منقاره بشكل منتظم و بعدين يبطل بس مطلعش اي صوت
و يكرر الحركه دي كل لما اجي اكلمه

فهل ده دليل على انه راح يتكلم ؟؟؟

و ايه افضل لون انثى ليه عشان افضل ألوان انتاج ؟؟؟ انا عاوز الانتاج يبقى الازرق ذو الوجه الأصفر

ملحوظة :
البغبغان مش راضي ياكل ابدا
من ساعة ما جبته انا باشك انه مش راضي يياكل عشان انا فصلته عن شريكته و اخدته لوحده
فممكن يكون ده صح ؟
و لو مرضيش ياكل انا بفكر اهرس بيض بالقسماط و اضيف عليه شوية لبن خفيف
و احطه في السرنجه و اكلهوله
تنصحوني اني اعمل كده ؟

ارجو الرد و لكم جزيل الشكر
يا رب اللي يجاوبني ربنا يرزقه بالصلاة في الروضه الشريفة

[Mr.Golden]

لو سمحتوا ساعدوني
بدل ما اعمل انا حاجه غلط تموت البغبغان بتاعي

[HOSSAM AHMED]

اخى العزيز يرجى رفع صور للطائر او فيديو

اما بالنسبه للطعام يجب عليك اطعامه يدويا ان رفض الاكل حتى لا يموت واضيفى للطعام مطهر معوى

وفقك الله اخى العزيز

[amr_moh]

عمره أد اه يمكن لسة مكنش إتفطم؟؟؟؟؟ فمش عارف ياكل

أصفر الوجه ينتج من زوج احدهم عل الأقل أصفر الوجه