فرخ بادجي ضعيف جدا، والظاهر أن عنده قلة تغذية من قبل الأم "صور وفيديو "

[as4raul]

بسم الله الرحمن الرحيم
انا اخوكم احمد سعيد

فى البداية انا بربى البادجى بقالى سنتين تقريبا
المهم عندى صديق كان عنده زوج بادجى ضعيف ومأنتجش ولا مرة وطلب منى انى اهتم انا بيه لعدم معرفتة
المهم انا اهتميت بيه لحد ما انتج ولكن مهما كان بياكل مكنش بيبان عليه
مع ان نفس الاكل ونفس الاهتمام لازواج اخرى وكان باين فرق كبير اوى بينهم
المهم هو كان انتج عند صديقى تقريبا 3 عشوش ولكن البيض فارغ
المهم بأمر الله البيض طلع عندى مخصب
وفقس منهم 3 بسبب الحر اعتقد و 4 باظوا
المهم اول فرخ تمام
الثانى مش تمام
والثالث مات بعدها بيوم
والحوصلة كانت فاضية خاااالص
وللأسف اكتشفت موضوع الحوصلة ده متأخر كنت مفروض اتابع هل تم تغذيته ام لأ

المشكلة دلوقتى فى فرخ رقم 2 عمره 14 يوم
وشكله لا يزيد عن فرخ عمره 5 ايام للاسف
المهم انا فتحت انبارح العش عشان انضفه واطمن ع الفروخ
اتفاجأت لما لقيت شكله ضعيف للدرجة دى
ولاحظت ان الفرخ بينام على جانبة كتير
ولما حاولت اوقفه بيقف على رجل والتانيه ضعيفه وبيتقب تانى على جنبه
قولت الحق اربط رجلة عشان ميجلوش كساح
والحوصلة تقريبا شبه فارغه
هو الام بتأكله ولكن ضعيف جداااااااا
معرفش هو وصل لمرحلة الكساح ولا ممكن يتعالج بالتغذيه
جبت علاج بديكال وقولت احطه يمكن يجيب نتيجة
بقاله يومين اهو بس مش حاسس بتحسن

دلوقتى انا مش عارف اعمل ايه
فكرت احطه عند زوج اخر عنده فروخ ولكن مش من اعمار متقاربة الفروخ
وفكرت اطعمة يدوى ولكن ليس لدى اى خلفية

انا لجأت اليكم لانى بجد مش عارف اتصرف
انا منتظر ارائكم فى اسرع وقت وانا مستعد اعمل اى حاجه تقولوا عليها بس الحق العصفور
منتظركم فى اسرع وقت


فديو للفرخ


الصور

[رشيد بالراس علي]

اهلا وسهلا اخ احمد بين اخونك في التجمع
هناك عدة احتملات لمات يحصل معك
الواضح انه مصاب بلفرانش مولت وانا ارجه اسباب ضعف الفرخ ان تكون احدي الاسباب الاتية

1. سبب وراثي ممكن يكون بسسب تزاوج الاقارب وهذا ما ارجحه وما يؤكده ضعف الزوج الاب والام
2. سوء التغذية
3. اسباب مرضية

مال قمت به حتي الان اخي الكريم جيد ولكن يجب عليك البدء في التأكيل اليدوي لهذا الفراخ وتتباع معنا الحالة والباقي بيد الله اخي الكريم

[as4raul]

شكرا استاذ رشيد
انا معرفش المرض الى حضرتك قولت عليه ولكن هبحث عنه

احب اذكر لحضرتك المستجدات لانى لسه شايف رد حضرتك الان
1- انا اتصلت بصديقى واكدلى ان هم اخوات للاسف
2- انا نقلت العصفور عند طيور اخرى عندها فروخ فى سن مقارب
والحمد لله الحمد لله النهارده الفجر فتحت عشان اطمن وانا بحطلهم الاكل لقيت العصفور واقف على رجله الاتنين
عكس الى ف الصورة تماما
3- جبت سيرلاك قمح لانى ملقتش اى طعام يدوى فى اى محل وكله وصفلى السيرلاك
واكلته النهارده اول وجبه قبل الافطار بالظبط
والحمد لله انى عرف اكله ومملتش الحوصلة زى ما قريت كتير عن الموضوع ده
ولكن انا معرفتش اشربه مايه ازاى ؟


تمام الى انا عملته ده ولا انا غلطت فى حاجه
والخطوة الجاية اعمل ايه ان شاء الله ؟

[حسين واثق]

تمام اخي الي فعلته ولاكن المشكله هما خوات ونادر ما تخرج الفروخ سالمه بسبب هذا الامر وانا اتمنى لك التوفيق وعملك جيد جداً وراقب الفرخ الي نقلته الى عش اخر هل يتم اطعامه ام لا ؟؟؟؟ واتمنى لك التوفيق

[as4raul]

استاذ حسين
للاسف انا مش متأكد بالظبط هو تم التأكيل لما نقلت العصفور فى العش ولا لأ
ولكن لو تم التأكيد فهو تأكيل ضعيف لان ده اصغر عصفور ف العش والعصافير الاخرى بتطلع على باب العش وده مش هيقدر يقف معاهم
عشان كده انا قولت هأكله يدوى وبرده هخليه ف العش

بس دلوقتى موضوع المياه مش عارف اعمل فيه ايه
يعنى انا لازم اشربه ولا السيرلاك يفى بالغرض عشان انا عامل السيرلاك بالمياه ؟؟

[as4raul]

وان شاء الله انا هغير الذكر او الأنثى
بعد ما عرفت انهم اخوات بسبب الامراض الكتيره الى ممكن تحصل

[رشيد بالراس علي]

شكرا استاذ رشيد
انا معرفش المرض الى حضرتك قولت عليه ولكن هبحث عنه

احب اذكر لحضرتك المستجدات لانى لسه شايف رد حضرتك الان
1- انا اتصلت بصديقى واكدلى ان هم اخوات للاسف
2- انا نقلت العصفور عند طيور اخرى عندها فروخ فى سن مقارب
والحمد لله الحمد لله النهارده الفجر فتحت عشان اطمن وانا بحطلهم الاكل لقيت العصفور واقف على رجله الاتنين
عكس الى ف الصورة تماما
3- جبت سيرلاك قمح لانى ملقتش اى طعام يدوى فى اى محل وكله وصفلى السيرلاك
واكلته النهارده اول وجبه قبل الافطار بالظبط
والحمد لله انى عرف اكله ومملتش الحوصلة زى ما قريت كتير عن الموضوع ده
ولكن انا معرفتش اشربه مايه ازاى ؟


تمام الى انا عملته ده ولا انا غلطت فى حاجه
والخطوة الجاية اعمل ايه ان شاء الله ؟

كل ما قمت به ممتاز اخي العزيز
الان عليك بالاستمرار بأطعام الفرخ مع ابقائه في العش الجديد
ومثل ما توقعنا السبب وراثي وبأختصار الفرنش مولت مرض وراثي اخي احمد
يسببه تزاوج الطيور التي بينها صلة دم مثل تزويج الاخوان وسأضيف لك روابط مواضيع عن الفرنش مولت لتتعرف عليه اكثر بأذن الله

الان ما عليك هو فصل ذلك الزوج واختيار ازواج اخري لكل واحد منهم بشرط الا تربط بينهم قرابة
وننتظر منك اخر المستجدات

[رشيد بالراس علي]

هل الزوج الاخر يقوم بأطعامه اولا يعني عندما تجي لتخداه من العش تجد حوصلته ملينه بلطعام او لا

[رشيد بالراس علي]

هذه مواضيع تعرفك بلفرانش مولت وبعد ما يمسك صحته ان شالله ويتحسن سا نوفيك ببعض طرق العلاج ان شالله
viewtopic.php?f=66&t=38323

viewtopic.php?t=83969

[as4raul]

اولا شكرا ليك جدا
ثانيا انا مش متأكد ان الزوج الجديد اكل الفرخ ولا لأ
بس الحوصلة كانت شبه فارغه وانا مقدرتش احدد هل اكله بسيط ولا ده من اخر مره تم تأكيله من ابوه وامه
فقولت انا هأكله يدوى أضمن وبرده هسيبه

انا هقرى كل المواضيع الى حضرتك بعتهالى
وان شاء الله سيتم تغير الزوج وتزويج كل فرد بفرد اخر ان شاء الله
وهرفع العش اول ما الفرخ الى فاضل يطلع عشان ميلحقوش يبيضوا


بالنسبة للفرنش مولت ده اكيد الفرخ مصاب بيه ولا احتمال ؟
وهل ليه علاج ان شاء الله اقدر اتابعه حاليا ولا لازم زى ما حضرتك قولت يشد حيله شويه ؟

وان شاء الله اى مستجدات هقولها لحضرتك ويومين ان شاء الله هصور صور جديده وارفعها لحضرتك